Aranya Kanda Sarga 74 – அரண்யகாண்ட³ சது꞉ ஸப்ததிதம꞉ ஸர்க³꞉ (74)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ சது꞉ ஸப்ததிதம꞉ ஸர்க³꞉ (74)

॥ ஶப³ரீஸ்வர்க³ப்ராப்தி꞉ ॥

தௌ கப³ந்தே⁴ந தம் மார்க³ம் பம்பாயா த³ர்ஶிதம் வநே ।
ப்ரதஸ்த²துர்தி³ஶம் க்³ருஹ்ய ப்ரதீசீம் ந்ருவராத்மஜௌ ॥ 1 ॥

தௌ ஶைலேஷ்வாசிதாநேகாந் க்ஷௌத்³ரகல்பப²லாந் த்³ருமாந் ।
வீக்ஷந்தௌ ஜக்³மதுர்த்³ரஷ்டும் ஸுக்³ரீவம் ராமலக்ஷ்மணௌ ॥ 2 ॥

க்ருத்வா ச ஶைலப்ருஷ்டே² து தௌ வாஸம் ராமலக்ஷ்மணௌ ।
பம்பாயா꞉ பஶ்சிமம் தீரம் ராக⁴வாவுபதஸ்த²து꞉ ॥ 3 ॥

தௌ புஷ்கரிண்யா꞉ பம்பாயாஸ்தீரமாஸாத்³ய பஶ்சிமம் ।
அபஶ்யதாம் ததஸ்தத்ர ஶப³ர்யா ரம்யமாஶ்ரமம் ॥ 4 ॥

தௌ தமாஶ்ரமமாஸாத்³ய த்³ருமைர்ப³ஹுபி⁴ராவ்ருதம் ।
ஸுரம்யமபி⁴வீக்ஷந்தௌ ஶப³ரீமப்⁴யுபேயது꞉ ॥ 5 ॥

தௌ ச த்³ருஷ்ட்வா ததா³ ஸித்³தா⁴ ஸமுத்தா²ய க்ருதாஞ்ஜலி꞉ ।
ராமஸ்ய பாதௌ³ ஜக்³ராஹ லக்ஷ்மணஸ்ய ச தீ⁴மத꞉ ॥ 6 ॥

பாத்³யமாசமநீயம் ச ஸர்வம் ப்ராதா³த்³யதா²விதி⁴ ।
தாமுவாச ததோ ராம꞉ ஶ்ரமணீம் ஸம்ஶிதவ்ரதாம் ॥ 7 ॥

கச்சித்தே நிர்ஜிதா விக்⁴நா꞉ கச்சிதே வர்த⁴தே தப꞉ ।
கச்சித்தே நியத꞉ க்ரோத⁴ ஆஹாரஶ்ச தபோத⁴நே ॥ 8 ॥

கச்சித்தே நியமா꞉ ப்ராப்தா꞉ கச்சித்தே மநஸ꞉ ஸுக²ம் ।
கச்சிதே கு³ருஶுஶ்ரூஷா ஸப²லா சாருபா⁴ஷிணி ॥ 9 ॥

ராமேண தாபஸீ ப்ருஷ்டா ஸா ஸித்³தா⁴ ஸித்³த⁴ஸம்மதா ।
ஶஶம்ஸ ஶப³ரீ வ்ருத்³தா⁴ ராமாய ப்ரத்யுபஸ்தி²தா ॥ 10 ॥

அத்³ய ப்ராப்தா தப꞉ஸித்³தி⁴ஸ்தவ ஸந்த³ர்ஶநாந்மயா ।
அத்³ய மே ஸப²லம் தப்தம் கு³ரவஶ்ச ஸுபூஜிதா꞉ ॥ 11 ॥

அத்³ய மே ஸப²லம் ஜந்ம ஸ்வர்க³ஶ்சைவ ப⁴விஷ்யதி ।
த்வயி தே³வவரே ராம பூஜிதே புருஷர்ஷப⁴ ॥ 12 ॥

சக்ஷுஷா தவ ஸௌம்யேந பூதா(அ)ஸ்மி ரகு⁴நந்த³ந ।
க³மிஷ்யாம்யக்ஷயாந் லோகாம்ஸ்த்வத்ப்ரஸாதா³த³ரிந்த³ம ॥ 13 ॥

சித்ரகூடம் த்வயி ப்ராப்தே விமாநைரதுலப்ரபை⁴꞉ ।
இதஸ்தே தி³வமாரூடா⁴ யாநஹம் பர்யசாரிஷம் ॥ 14 ॥

தைஶ்சாஹமுக்தா த⁴ர்மஜ்ஞைர்மஹாபா⁴கை³ர்மஹர்ஷிபி⁴꞉ ।
ஆக³மிஷ்யதி தே ராம꞉ ஸுபுண்யமிமமாஶ்ரமம் ॥ 15 ॥

ஸ தே ப்ரதிக்³ரஹீதவ்ய꞉ ஸௌமித்ரிஸஹிதோ(அ)திதி²꞉ ।
தம் ச த்³ருஷ்ட்வா வராந் லோகாநக்ஷயாம்ஸ்த்வம் க³மிஷ்யஸி ॥ 16 ॥

மயா து விவித⁴ம் வந்யம் ஸஞ்சிதம் புருஷர்ஷப⁴ ।
தவார்தே² புருஷவ்யாக்⁴ர பம்பாயாஸ்தீரஸம்ப⁴வம் ॥ 17 ॥

ஏவமுக்த꞉ ஸ த⁴ர்மாத்மா ஶப³ர்யா ஶப³ரீமித³ம் ।
ராக⁴வ꞉ ப்ராஹ விஜ்ஞாநே தாம் நித்யமப³ஹிஷ்க்ருதாம் ॥ 18 ॥

த³நோ꞉ ஸகாஶாத்தத்த்வேந ப்ரபா⁴வம் தே மஹாத்மந꞉ ।
ஶ்ருதம் ப்ரத்யக்ஷமிச்சா²மி ஸந்த்³ரஷ்டும் யதி³ மந்யஸே ॥ 19 ॥

ஏதத்து வசநம் ஶ்ருத்வா ராமவக்த்ராத்³விநி꞉ஸ்ருதம் ।
ஶப³ரீ த³ர்ஶயாமாஸ தாவுபௌ⁴ தத்³வநம் மஹத் ॥ 20 ॥

பஶ்ய மேக⁴க⁴நப்ரக்²யம் ம்ருக³பக்ஷிஸமாகுலம் ।
மதங்க³வநமித்யேவ விஶ்ருதம் ரகு⁴நந்த³ந ॥ 21 ॥

இஹ தே பா⁴விதாத்மாநோ கு³ரவோ மே மஹாவநே ।
ஜுஹவாஞ்சக்ரிரே தீர்த²ம் மந்த்ரவந்மந்த்ரபூஜிதம் ॥ 22 ॥

இயம் ப்ரத்யக்ஸ்த²லீ வேதி³ர்யத்ர தே மே ஸுஸத்க்ருதா꞉ ।
புஷ்போபஹாரம் குர்வந்தி ஶ்ரமாது³த்³வேபிபி⁴꞉ கரை꞉ ॥ 23 ॥

தேஷாம் தப꞉ப்ரபா⁴வேண பஶ்யாத்³யாபி ரகூ⁴த்³வஹ ।
த்³யோதயந்தி தி³ஶ꞉ ஸர்வா꞉ ஶ்ரியா வேத்³யோ(அ)துலப்ரபா⁴꞉ ॥ 24 ॥

அஶக்நுவத்³பி⁴ஸ்தைர்க³ந்துமுபவாஸஶ்ரமாலஸை꞉ ।
சிந்திதே(அ)ப்⁴யாக³தாந் பஶ்ய ஸஹிதாந் ஸப்த ஸாக³ராந் ॥ 25 ॥

க்ருதாபி⁴ஷேகைஸ்தைர்ந்யஸ்தா வல்கலா꞉ பாத³பேஷ்விஹ ।
அத்³யாபி நாவஶுஷ்யந்தி ப்ரதே³ஶே ரகு⁴நந்த³ந ॥ 26 ॥

தே³வகார்யாணி குர்வத்³பி⁴ர்யாநீமாநி க்ருதாநி வை ।
புஷ்பை꞉ குவலயை꞉ ஸார்த⁴ம் ம்லாநத்வம் நோபயாந்தி வை ॥ 27 ॥

க்ருத்ஸ்நம் வநமித³ம் த்³ருஷ்டம் ஶ்ரோதவ்யம் ச ஶ்ருதம் த்வயா ।
ததி³ச்சா²ம்யப்⁴யநுஜ்ஞாதா த்யக்துமேதத் களேவரம் ॥ 28 ॥

தேஷாமிச்சா²ம்யஹம் க³ந்தும் ஸமீபம் பா⁴விதாத்மநாம் ।
முநீநாமாஶ்ரமோ யேஷாமஹம் ச பரிசாரிணீ ॥ 29 ॥

த⁴ர்மிஷ்ட²ம் து வச꞉ ஶ்ருத்வா ராக⁴வ꞉ ஸஹலக்ஷ்மண꞉ ।
ப்ரஹர்ஷமதுலம் லேபே⁴ ஆஶ்சர்யமிதி தத்த்வத꞉ ॥ 30 ॥

தாமுவாச ததோ ராம꞉ ஶ்ரமணீம் ஸம்ஶிதவ்ரதாம் ।
அர்சிதோ(அ)ஹம் த்வயா ப⁴க்த்யா க³ச்ச² காமம் யதா²ஸுக²ம் ॥ 31 ॥

இத்யுக்தா ஜடிலா வ்ருத்³தா⁴ சீரக்ருஷ்ணாஜிநாம்ப³ரா ।
தஸ்மிந்முஹூர்தே ஶப³ரீ தே³ஹம் ஜீர்ணம் ஜிஹாஸதீ ॥ 32 ॥

அநுஜ்ஞாதா து ராமேண ஹுத்வா(ஆ)த்மாநம் ஹுதாஶநே ।
ஜ்வலத்பாவகஸங்காஶா ஸ்வர்க³மேவ ஜாக³ம ஸா ॥ 33 ॥

தி³வ்யாப⁴ரணஸம்யுக்தா தி³வ்யமால்யாநுலேபநா ।
தி³வ்யாம்ப³ரத⁴ரா தத்ர ப³பூ⁴வ ப்ரியத³ர்ஶநா ॥ 34 ॥

விராஜயந்தீ தம் தே³ஶம் வித்³யுத்ஸௌதா³மிநீ யதா² ।
யத்ர தே ஸுக்ருதாத்மாநோ விஹரந்தி மஹர்ஷய꞉ ।
தத்புண்யம் ஶப³ரீஸ்தா²நம் ஜக³மாத்மஸமாதி⁴நா ॥ 35 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ சது꞉ ஸப்ததிதம꞉ ஸர்க³꞉ ॥ 74 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.