Aranya Kanda Sarga 55 – அரண்யகாண்ட³ பஞ்சபஞ்சாஶ꞉ ஸர்க³꞉ (55)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ பஞ்சபஞ்சாஶ꞉ ஸர்க³꞉ (55)

॥ ஸீதாவிளோப⁴நோத்³யம꞉ ॥

ஸந்தி³ஶ்ய ராக்ஷஸாந் கோ⁴ராந் ராவணோ(அ)ஷ்டௌ மஹாப³லாந் ।
ஆத்மாநம் பு³த்³தி⁴வைக்லவ்யாத் க்ருதக்ருத்யமமந்யத ॥ 1 ॥

ஸ சிந்தயாநோ வைதே³ஹீம் காமபா³ணஸமர்பித꞉ ।
ப்ரவிவேஶ க்³ருஹம் ரம்யம் ஸீதாம் த்³ரஷ்டுமபி⁴த்வரந் ॥ 2 ॥

ஸ ப்ரவிஶ்ய து தத்³வேஶ்ம ராவணோ ராக்ஷஸாதி⁴ப꞉ ।
அபஶ்யத்³ராக்ஷஸீமத்⁴யே ஸீதாம் ஶோகபராயணாம் ॥ 3 ॥

அஶ்ருபூர்ணமுகீ²ம் தீ³நாம் ஶோகபா⁴ராபி⁴பீடி³தாம் ।
வாயுவேகை³ரிவாக்ராந்தாம் மஜ்ஜந்தீம் நாவமர்ணவே ॥ 4 ॥

ம்ருக³யூத²பரிப்⁴ரஷ்டாம் ம்ருகீ³ம் ஶ்வபி⁴ரிவாவ்ருதாம் ।
அதோ⁴முக²முகீ²ம் ஸீதாமப்⁴யேத்ய ச நிஶாசர꞉ ॥ 5 ॥

தாம் து ஶோகபராம் தீ³நாமவஶாம் ராக்ஷஸாதி⁴ப꞉ ।
ஸ ப³லாத்³த³ர்ஶயாமாஸ க்³ருஹம் தே³வக்³ருஹோபமம் ॥ 6 ॥

ஹர்ம்யப்ராஸாத³ஸம்பா³த⁴ம் ஸ்த்ரீஸஹஸ்ரநிஷேவிதம் ।
நாநாபக்ஷிக³ணைர்ஜுஷ்டம் நாநாரத்நஸமந்விதம் ॥ 7 ॥

காஞ்சநைஸ்தாபநீயைஶ்ச ஸ்பா²டிகை ராஜதைரபி ।
வஜ்ரவைடூ³ர்யசித்ரைஶ்ச ஸ்தம்பை⁴ர்த்³ருஷ்டிமநோஹரை꞉ ॥ 8 ॥

தி³வ்யது³ந்து³பி⁴நிர்ஹ்ராத³ம் தப்தகாஞ்சநதோரணம் ।
ஸோபாநம் காஞ்சநம் சித்ரமாருரோஹ தயா ஸஹ ॥ 9 ॥

தா³ந்திகா ராஜதாஶ்சைவ க³வாக்ஷா꞉ ப்ரியத³ர்ஶநா꞉ ।
ஹேமஜாலாவ்ருதாஶ்சாஸம்ஸ்தத்ர ப்ராஸாத³பங்க்தய꞉ ॥ 10 ॥

ஸுதா⁴மணிவிசித்ராணி பூ⁴மிபா⁴கா³நி ஸர்வஶ꞉ ।
த³ஶக்³ரீவ꞉ ஸ்வப⁴வநே ப்ராத³ர்ஶயத மைதி²லீம் ॥ 11 ॥

தீ³ர்கி⁴கா꞉ புஷ்கரிண்யஶ்ச நாநாவ்ருக்ஷஸமந்விதா꞉ ।
ராவணோ த³ர்ஶயாமாஸ ஸீதாம் ஶோகபராயணாம் ॥ 12 ॥

த³ர்ஶயித்வா து வைதே³ஹ்யா꞉ க்ருத்ஸ்நம் தத்³ப⁴வநோத்தமம் ।
உவாச வாக்யம் பாபாத்மா ஸீதாம் லோபி⁴துமிச்ச²யா ॥ 13 ॥

த³ஶ ராக்ஷஸகோட்யஶ்ச த்³வாவிம்ஶதிரதா²பரா꞉ ।
தேஷாம் ப்ரபு⁴ரஹம் ஸீதே ஸர்வேஷாம் பீ⁴மகர்மணாம் ॥ 14 ॥

வர்ஜயித்வா ஜராவ்ருத்³தா⁴ந் பா³லாம்ஶ்ச ரஜநீசராந் ।
ஸஹஸ்ரமேகமேகஸ்ய மம கார்யபுர꞉ஸரம் ॥ 15 ॥

யதி³த³ம் ராஜதந்த்ரம் மே த்வயி ஸர்வம் ப்ரதிஷ்டி²தம் ।
ஜீவிதம் ச விஶாலாக்ஷி த்வம் மே ப்ராணைர்க³ரீயஸீ ॥ 16 ॥

ப³ஹூநாம் ஸ்த்ரீஸஹஸ்ராணாம் மம யோ(அ)ஸௌ பரிக்³ரஹ꞉ ।
தாஸாம் த்வமீஶ்வரா ஸீதே மம பா⁴ர்யா ப⁴வ ப்ரியே ॥ 17 ॥

ஸாது⁴ கிம் தே(அ)ந்யதா² பு³த்³த்⁴யா ரோசயஸ்வ வசோ மம ।
ப⁴ஜஸ்வ மா(அ)பி⁴தப்தஸ்ய ப்ரஸாத³ம் கர்துமர்ஹஸி ॥ 18 ॥

பரிக்ஷிப்தா ஸஹஸ்ரேண லங்கேயம் ஶதயோஜநா ।
நேயம் த⁴ர்ஷயிதும் ஶக்யா ஸேந்த்³ரைரபி ஸுராஸுரை꞉ ॥ 19 ॥

ந தே³வேஷு ந யக்ஷேஷு ந க³ந்த⁴ர்வேஷு பக்ஷிஷு ।
அஹம் பஶ்யாமி லோகேஷு யோ மே வீர்யஸமோ ப⁴வேத் ॥ 20 ॥

ராஜ்யப்⁴ரஷ்டேந தீ³நேந தாபஸேந க³தாயுஷா ।
கிம் கரிஷ்யஸி ராமேண மாநுஷேணால்பதேஜஸா ॥ 21 ॥

ப⁴ஜஸ்வ ஸீதே மாமேவ ப⁴ர்தாஹம் ஸத்³ருஶஸ்தவ ।
யௌவநம் ஹ்யத்⁴ருவம் பீ⁴ரு ரமஸ்வேஹ மயா ஸஹ ॥ 22 ॥

த³ர்ஶநே மா க்ருதா² பு³த்³தி⁴ம் ராக⁴வஸ்ய வராநநே ।
கா(அ)ஸ்ய ஶக்திரிஹாக³ந்துமபி ஸீதே மநோரதை²꞉ ॥ 23 ॥

ந ஶக்யோ வாயுராகாஶே பாஶைர்ப³த்³து⁴ம் மஹாஜவ꞉ ।
தீ³ப்யமாநஸ்ய சாப்யக்³நேர்க்³ரஹீதும் விமலாம் ஶிகா²ம் ॥ 24 ॥

த்ரயாணாமபி லோகாநாம் ந தம் பஶ்யாமி ஶோப⁴நே ।
விக்ரமேண நயேத்³யஸ்த்வாம் மத்³பா³ஹுபரிபாலிதாம் ॥ 25 ॥

லங்காயாம் ஸுமஹத்³ராஜ்யமித³ம் த்வமநுபாலய ।
த்வத்ப்ரேஷ்யா மத்³விதா⁴ஶ்சைவ தே³வாஶ்சாபி சராசரா꞉ ॥ 26 ॥

அபி⁴ஷேகோத³கக்லிந்நா துஷ்டா ச ரமயஸ்வ மாம் ।
து³ஷ்க்ருதம் யத்புரா கர்ம வநவாஸேந தத்³க³தம் ॥ 27 ॥

யஶ்ச தே ஸுக்ருதோ த⁴ர்மஸ்தஸ்யேஹ ப²லமாப்நுஹி ।
இஹ மால்யாநி ஸர்வாணி தி³வ்யக³ந்தா⁴நி மைதி²லீ ॥ 28 ॥

பூ⁴ஷணாநி ச முக்²யாநி ஸேவஸ்வ ச மயா ஸஹ ।
புஷ்பகம் நாம ஸுஶ்ரோணி ப்⁴ராதுர்வைஶ்ரவணஸ்ய மே ॥ 29 ॥

விமாநம் ஸூர்யஸங்காஶம் தரஸா நிர்ஜிதம் மயா ।
விஶாலம் ரமணீயம் ச தத்³விமாநமநுத்தமம் ॥ 30 ॥

தத்ர ஸீதே மயா ஸார்த⁴ம் விஹரஸ்வ யதா²ஸுக²ம் ।
வத³நம் பத்³மஸங்காஶம் விமலம் சாருத³ர்ஶநம் ॥ 31 ॥

ஶோகார்தம் து வராரோஹே ந ப்⁴ராஜதி வராநநே ।
ஏவம் வத³தி தஸ்மிந் ஸா வஸ்த்ராந்தேந வராங்க³நா ॥ 32 ॥

பிதா⁴யேந்து³நிப⁴ம் ஸீதா முக²மஶ்ரூண்யவர்தயத் ।
த்⁴யாயந்தீம் தாமிவாஸ்வஸ்தா²ம் தீ³நாம் சிந்தாஹதப்ரபா⁴ம் ॥ 33 ॥

உவாச வசநம் பாபோ ராவணோ ராக்ஷஸேஶ்வர꞉ ।
அலம் வ்ரீடே³ந வைதே³ஹி த⁴ர்மலோபக்ருதேந ச ॥ 34 ॥

ஆர்ஷோ(அ)யம் தை³வநிஷ்யந்தோ³ யஸ்த்வாமபி⁴க³மிஷ்யதி ।
ஏதௌ பாதௌ³ மயா ஸ்நிக்³தௌ⁴ ஶிரோபி⁴꞉ பரிபீடி³தௌ ॥ 35 ॥

ப்ரஸாத³ம் குரு மே க்ஷிப்ரம் வஶ்யோ தா³ஸோ(அ)ஹமஸ்மி தே ।
இமா꞉ ஶூந்யா மயா வாச꞉ ஶுஷ்யமாணேந பா⁴ஷிதா꞉ ।
ந சாபி ராவண꞉ காஞ்சிந்மூர்த்⁴நா ஸ்த்ரீம் ப்ரணமேத ஹ ॥ 36 ॥

ஏவமுக்த்வா த³ஶக்³ரீவோ மைதீ²லீம் ஜநகாத்மஜாம் ।
க்ருதாந்தவஶமாபந்நோ மமேயமிதி மந்யதே ॥ 37 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ பஞ்சபஞ்சாஶ꞉ ஸர்க³꞉ ॥ 55 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

---

---