Narayaneeyam Dasakam 78 – நாராயணீயம் அஷ்டஸப்ததிதமத³ஶகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → அஷ்டஸப்ததிதமத³ஶகம்

அஷ்டஸப்ததிதமத³ஶகம் (78) – த்³வாரகாவாஸ꞉ ததா² ருக்மணீஸந்தே³ஶப்ராப்தி꞉ |

த்ரித³ஶவர்த⁴கிவர்தி⁴தகௌஶலம்
த்ரித³ஶத³த்தஸமஸ்தவிபூ⁴திமத் |
ஜலதி⁴மத்⁴யக³தம் த்வமபூ⁴ஷயோ
நவபுரம் வபுரஞ்சிதரோசிஷா || 78-1 ||

த³து³ஷி ரேவதபூ⁴ப்⁴ருதி ரேவதீம்
ஹலப்⁴ருதே தனயாம் விதி⁴ஶாஸனாத் |
மஹிதமுத்ஸவகோ⁴ஷமபூபுஷ꞉
ஸமுதி³தைர்முதி³தை꞉ ஸஹ யாத³வை꞉ || 78-2 ||

அத² வித³ர்ப⁴ஸுதாம் க²லு ருக்மிணீம்
ப்ரணயினீம் த்வயி தே³வ ஸஹோத³ர꞉ |
ஸ்வயமதி³த்ஸத சேதி³மஹீபு⁴ஜே
ஸ்வதமஸா தமஸாது⁴முபாஶ்ரயன் || 78-3 ||

சிரத்⁴ருதப்ரணயா த்வயி பா³லிகா
ஸபதி³ காங்க்ஷிதப⁴ங்க³ஸமாகுலா |
தவ நிவேத³யிதும் த்³விஜமாதி³ஶ-
த்ஸ்வகத³னம் கத³னங்க³வினிர்மிதம் || 78-4 ||

த்³விஜஸுதோ(அ)பி ச தூர்ணமுபாயயௌ
தவ புரம் ஹி து³ராஶது³ராஸத³ம் |
முத³மவாப ச ஸாத³ரபூஜித꞉
ஸ ப⁴வதா ப⁴வதாபஹ்ருதா ஸ்வயம் || 78-5 ||

ஸ ச ப⁴வந்தமவோசத குண்டி³னே
ந்ருபஸுதா க²லு ராஜதி ருக்மிணீ |
த்வயி ஸமுத்ஸுகயா நிஜதீ⁴ரதா-
ரஹிதயா ஹி தயா ப்ரஹிதோ(அ)ஸ்ம்யஹம் || 78-6 ||

தவ ஹ்ருதாஸ்மி புரைவ கு³ணைரஹம்
ஹரதி மாம் கில சேதி³ன்ருபோ(அ)து⁴னா |
அயி க்ருபாலய பாலய மாமிதி
ப்ரஜக³தே³ ஜக³தே³கபதே தயா || 78-7 ||

அஶரணாம் யதி³ மாம் த்வமுபேக்ஷஸே
ஸபதி³ ஜீவிதமேவ ஜஹாம்யஹம் |
இதி கி³ரா ஸுதனோரதனோத்³ப்⁴ருஶம்
ஸுஹ்ருத³யம் ஹ்ருத³யம் தவ காதரம் || 78-8 ||

அகத²யஸ்த்வமதை²னமயே ஸகே²
தத³தி⁴கா மம மன்மத²வேத³னா |
ந்ருபஸமக்ஷமுபேத்ய ஹராம்யஹம்
தத³யி தாம் த³யிதாமஸிதேக்ஷணாம் || 78-9 ||

ப்ரமுதி³தேன ச தேன ஸமம் ததா³
ரத²க³தோ லகு⁴ குண்டி³னமேயிவான் |
கு³ருமருத்புரனாயக மே ப⁴வா-
ந்விதனுதாம் தனுதாம் நிகி²லாபதா³ம் || 78-10 ||

இதி அஷ்டஸப்ததிதமத³ஶகம் ஸமாப்தம் |

---

ஸம்பூர்ண நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.