Sri Varaha Stotram (Kurma Puranam) – ஶ்ரீ வராஹ ஸ்தோத்ரம் (கூர்மபுராணே)

ருஷய ஊசு꞉ ।
நமஸ்தே தே³வதே³வாய ப்³ரஹ்மணே பரமேஷ்டி²நே ।
புருஷாய புராணாய ஶாஶ்வதாய ஜயாய ச ॥ 1 ॥

நம꞉ ஸ்வயம்பு⁴வே துப்⁴யம் ஸ்ரஷ்ட்ரே ஸர்வார்த²வேதி³நே ।
நமோ ஹிரண்யக³ர்பா⁴ய வேத⁴ஸே பரமாத்மநே ॥ 2 ॥

நமஸ்தே வாஸுதே³வாய விஷ்ணவே விஶ்வயோநயே ।
நாராயணாய தே³வாய தே³வாநாம் ஹிதகாரிணே ॥ 3 ॥

நமோ(அ)ஸ்து தே சதுர்வக்த்ரே ஶார்ங்க³சக்ராஸிதா⁴ரிணே ।
ஸர்வபூ⁴தாத்மபூ⁴தாய கூடஸ்தா²ய நமோ நம꞉ ॥ 4 ॥

நமோ வேத³ரஹஸ்யாய நமஸ்தே வேத³யோநயே ।
நமோ பு³த்³தா⁴ய ஶுத்³தா⁴ய நமஸ்தே ஜ்ஞாநரூபிணே ॥ 5 ॥

நமோ(அ)ஸ்த்வாநந்த³ரூபாய ஸாக்ஷிணே ஜக³தாம் நம꞉ ।
அநந்தாயாப்ரமேயாய கார்யாய காரணாய ச ॥ 6 ॥

நமஸ்தே பஞ்சபூ⁴தாய பஞ்சபூ⁴தாத்மநே நம꞉ ।
நமோ மூலப்ரக்ருதயே மாயாரூபாய தே நம꞉ ॥ 7 ॥

நமோ(அ)ஸ்து தே வராஹாய நமஸ்தே மத்ஸ்யரூபிணே ।
நமோ யோகா³தி⁴க³ம்யாய நம꞉ ஸங்கர்ஷணாய தே ॥ 8 ॥

நமஸ்த்ரிமூர்தயே துப்⁴யம் த்ரிதா⁴ம்நே தி³வ்யதேஜஸே ।
நம꞉ ஸித்³தா⁴ய பூஜ்யாய கு³ணத்ரயவிபா⁴கி³நே ॥ 9 ॥

நமோ(அ)ஸ்த்வாதி³த்யவர்ணாய நமஸ்தே பத்³மயோநயே ।
நமோ(அ)மூர்தாய மூர்தாய மாத⁴வாய நமோ நம꞉ ॥ 10 ॥

த்வயைவ ஸ்ருஷ்டமகி²லம் த்வய்யேவ ஸகலம் ஸ்தி²தம் ।
பாலயைதஜ்ஜக³த்ஸர்வம் த்ராதா த்வம் ஶரணம் க³தி꞉ ॥ 11 ॥

இத்த²ம் ஸ ப⁴க³வாந் விஷ்ணு꞉ ஸநகாத்³யைரபி⁴ஷ்டுத꞉ ।
ப்ரஸாத³மகரோத்தேஷாம் வராஹவபுரீஶ்வர꞉ ॥ 12 ॥

இதி கூர்மபுராணே பூர்வபா⁴கே³ ஷஷ்டோ²(அ)த்⁴யாயே ஸநகாதி³ ருஷிபி⁴꞉ க்ருத ஶ்ரீ வராஹ ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.