Sri Mayuresha Stuthi – ஶ்ரீ மயூரேஶ ஸ்துதி꞉

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → ஶ்ரீ மயூரேஶ ஸ்துதி꞉

தே³வர்ஷய ஊசு꞉ ।
நமஸ்தே ஶிகி²வாஹாய மயூரத்⁴வஜதா⁴ரிணே ।
மயூரேஶ்வரநாம்நே வை க³ணேஶாய நமோ நம꞉ ॥ 1 ॥

அநாதா²நாம் ப்ரணாதா²ய க³தாஹங்காரிணாம் பதே ।
மாயாப்ரசாலகாயைவ விக்⁴நேஶாய நமோ நம꞉ ॥ 2 ॥

ஸர்வாநந்த³ப்ரதா³த்ரே தே ஸதா³ ஸ்வாநந்த³வாஸிநே ।
ஸ்வஸ்வத⁴ர்மரதாநாம் ச பாலகாய நமோ நம꞉ ॥ 3 ॥

அநாத³யே பரேஶாய தை³த்யதா³நவமர்தி³நே ।
வித⁴ர்மஸ்த²ஸ்வபா⁴வாநாம் ஹர்த்ரே விகட தே நம꞉ ॥ 4 ॥

ஶிவபுத்ராய ஸர்வேஷாம் மாத்ரே பித்ரே நமோ நம꞉ ।
பார்வதீநந்த³நாயைவ ஸ்கந்தா³க்³ரஜ நமோ நம꞉ ॥ 5 ॥

நாநாவதாரரூபைஸ்து விஶ்வஸம்ஸ்தா²கராய தே ।
காஶ்யபாய நமஸ்துப்⁴யம் ஶேஷபுத்ராய தே நம꞉ ॥ 6 ॥

ஸிந்து⁴ஹந்த்ரே ச ஹேரம்பா³ய பரஶுத⁴ராய தே ।
தே³வதே³வேஶ பாலாய ப்³ரஹ்மணாம் பதயே நம꞉ ॥ 7 ॥

யோகே³ஶாய ஸுஶாந்திப்⁴ய꞉ ஶாந்திதா³த்ரே க்ருபாலவே ।
அநந்தாநநபா³ஹோ தே(அ)நந்தோத³ர நமோ நம꞉ ॥ 8 ॥

அநந்தவிப⁴வாயைவ சித்தவ்ருத்திப்ரசாலக ।
ஸர்வஹ்ருத்ஸ்தா²ய ஸர்வேஷாம் பூஜ்யாய தே நமோ நம꞉ ॥ 9 ॥

ஸர்வாதி³பூஜ்யரூபாய ஜ்யேஷ்ட²ராஜாய தே நம꞉ ।
க³ணாநாம் பதயே சைவ ஸித்³தி⁴பு³த்³தி⁴வராய ச ॥ 10 ॥

கிம் ஸ்துமஸ்த்வாம் மயூரேஶ யத்ர வேதா³த³ய꞉ ப்ரபோ⁴ ।
யோகி³ந꞉ ஶாந்திமாபந்நா அதோ நமாமஹே வயம் ॥ 11 ॥

தேந துஷ்டோ ப⁴வ ஸ்வாமிந் த³யாக⁴ந ப்ரவர்தக ।
த்வதீ³யாங்க³ஸமுத்³பூ⁴தாந் ரக்ஷ நோ நித்யதா³ ப்ரபோ⁴ ॥ 12 ॥

ஏவம் ஸ்துத்வா ப்ரணேமுஸ்தம் ததோ தே³வோ(அ)ப்³ரவீந் ஸ தாந் ।
வராந் வ்ருணுத தே³வேஶா முநிபி⁴ஶ்ச ஸமந்விதா꞉ ॥ 13 ॥

ப⁴வத்க்ருதமித³ம் ஸ்தோத்ரம் ஸர்வஸித்³தி⁴ப்ரதா³யகம் ।
ப⁴விஷ்யதி மஹாபா⁴கா³ மம ப்ரீதிவிவர்த⁴நம் ॥ 14 ॥

ய꞉ படே²ச்ச்²ருணுயாத்³வாபி ஶ்ராவயேத்ஸ லப⁴த் பராம் ।
பு⁴க்திம் முக்திம் மதீ³யாம் து நரோ ப⁴க்திம் ந ஸம்ஶய꞉ ॥ 15 ॥

இதி ஶ்ரீமந்முத்³க³ளே மஹாபுராணே ஷஷ்டே² க²ண்டே³ ஶ்ரீ மயூரேஶ ஸ்துதி꞉ ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.