Sri Dakshinamurthy Bhujanga Prayata Stuti – ஶ்ரீ த³க்ஷிணாஸ்ய பு⁴ஜங்க³ப்ரயாத ஸ்துதி꞉

ஸ்தோத்ரநிதி → ஶ்ரீ த³க்ஷிணாமூர்தி ஸ்தோத்திரங்கள் → ஶ்ரீ த³க்ஷிணாஸ்ய பு⁴ஜங்க³ப்ரயாத ஸ்துதி꞉

ப⁴வாம்போ⁴தி⁴பாரம் நயந்தம் ஸ்வப⁴க்தா-
-ந்க்ருபாபூரபூர்ணைரபாங்கை³꞉ ஸ்வகீயை꞉ ।
ஸமஸ்தாக³மாந்தப்ரகீ³தாபதா³நம்
ஸதா³ த³க்ஷிணாஸ்யம் தமாராத⁴யே(அ)ஹம் ॥ 1 ॥

சதுர்விம்ஶத³ர்ணஸ்ய மந்த்ரோத்தமஸ்ய
ப்ரஜாபாத்³த்³ருட⁴ம் வஶ்யபா⁴வம் ஸமேத்ய ।
ப்ரயச்ச²த்யரம் யஶ்ச வித்³யாமமோகா⁴ம்
ஸதா³ த³க்ஷிணாஸ்யம் தமாராத⁴யே(அ)ஹம் ॥ 2 ॥

ஜடா³யாபி வித்³யாம் ப்ரயச்ச²ந்தமாஶு
ப்ரபந்நார்திவித்⁴வம்ஸத³க்ஷாபி⁴தா⁴நம் ।
ஜராஜந்மம்ருத்யூந் ஹரந்தம் ப்ரமோதா³த்
ஸதா³ த³க்ஷிணாஸ்யம் தமாராத⁴யே(அ)ஹம் ॥ 3 ॥

யமாராத்⁴ய பத்³மாக்ஷபத்³மோத்³ப⁴வாத்³யா꞉
ஸுராக்³ர்யா꞉ ஸ்வகார்யேஷு ஶக்தா ப³பூ⁴வு꞉ ।
ரமாபா⁴ரதீபார்வதீஸ்தூயமாநம்
ஸதா³ த³க்ஷிணாஸ்யம் தமாராத⁴யே(அ)ஹம் ॥ 4 ॥

ஸுதா⁴ஸூதிபா³லோல்லஸந்மௌளிபா⁴க³ம்
ஸுதா⁴கும்ப⁴மாலாலஸத்பாணிபத்³மம் ।
ஸபுத்ரம் ஸதா³ரம் ஸஶிஷ்யம் ஸவாஹம்
ஸதா³ த³க்ஷிணாஸ்யம் தமாராத⁴யே(அ)ஹம் ॥ 5 ॥

க³ஜாஸ்யாக்³நிபூ⁴ஸேவ்யபாதா³ரவிந்த³ம்
க³ஜாஶ்வாதி³ஸம்பத்திஹேதுப்ரணாமம் ।
நிஜாநந்த³வாராஶிராகாஸுதா⁴ம்ஶும்
ஶுசீந்த்³வர்கநேத்ரம் ப⁴ஜே த³க்ஷிணாஸ்யம் ॥ 6 ॥

கு³ணாந்ஷட்ஶமாதீ³நிஹாமுத்ர போ⁴கே³
விரக்திம் விவேகம் த்⁴ருவாநித்யயோஶ்ச ।
முமுக்ஷாம் ச ஶீக்⁴ரம் லபே⁴த ப்ரஸாதா³த்
தமாநந்த³கந்த³ம் ப⁴ஜே த³க்ஷிணாஸ்யம் ॥ 7 ॥

ஜடோ³ ஜந்மமூகோ(அ)பி யந்மந்த்ரஜப்து꞉
கரஸ்பர்ஶநாத்ஸ்யாத்ஸுராசார்யதுல்ய꞉ ।
தமஜ்ஞாநவாராந்நிதே⁴ர்வாட³வாக்³நிம்
முதா³ ஸர்வகாலம் ப⁴ஜே த³க்ஷிணாஸ்யம் ॥ 8 ॥

ஜஹௌ ம்ருத்யுபீ⁴திம் யதீ³யாங்க்⁴ரிபத்³மம்
ஸதா³ பூஜயித்வா ம்ருகண்டோ³ஸ்தநூஜ꞉ ।
தமத்³ரீந்த்³ரகந்யாஸமாஶ்லிஷ்டதே³ஹம்
க்ருபாவாரிராஶிம் ப⁴ஜே த³க்ஷிணாஸ்யம் ॥ 9 ॥

புரா காமயாநா பதிம் ஸ்வாநுரூபாம்
சரித்வா தபோ து³ஷ்கரம் ஶைலகந்யா ।
அவாபாத³ராத்³யா ருசா காமக³ர்வம்
ஹரந்தம் தமந்தர்ப⁴ஜே த³க்ஷிணாஸ்யம் ॥ 10 ॥

யதீ³யாங்க்⁴ரிஸேவாபராணாம் நராணாம்
ஸுஸாத்⁴யா ப⁴வேயுர்ஜவாத்ஸர்வயோகா³꞉ ।
ஹடா²த்³யா꞉ ஶிவாந்தா யமாத்³யங்க³யுக்தா
முதா³ ஸந்ததம் தம் ப⁴ஜே த³க்ஷிணாஸ்யம் ॥ 11 ॥

வடாக³ஸ்ய மூலே வஸந்தம் ஸுரஸ்த்ரீ-
-கத³ம்பை³꞉ ஸதா³ ஸேவ்யமாநம் ப்ரமோதா³த் ।
வராந் காமிதாந்நம்ரபங்க்த்யை தி³ஶந்தம்
த³யாஜந்மபூ⁴மிம் ப⁴ஜே த³க்ஷிணாஸ்யம் ॥ 12 ॥

விதூ⁴தாபி⁴மாநைஸ்தநௌ சக்ஷுராதா³-
-வஹந்த்வேந ஸம்ப்ராப்யமேகாக்³ரசித்தை꞉ ।
யதீந்த்³ரைர்கு³ருஶ்ரேஷ்ட²விஜ்ஞாததத்த்வை-
-ர்மஹாவாக்யகூ³ட⁴ம் ப⁴ஜே த³க்ஷிணாஸ்யம் ॥ 13 ॥

ஶுகாத்³யா முநீந்த்³ரா விரக்தாக்³ரக³ண்யா꞉
ஸமாராத்⁴ய யம் ப்³ரஹ்மவித்³யாமவாபு꞉ ।
தமல்பார்சநாதுஷ்டசேதோ(அ)ம்பு³ஜாதம்
சிதா³நந்த³ரூபம் ப⁴ஜே த³க்ஷிணாஸ்யம் ॥ 14 ॥

ஶ்ருதேர்யுக்திதஶ்சிந்தநாத்³த்⁴யாநயோகா³-
-த்³ப⁴வேத்³யஸ்ய ஸாக்ஷாத்க்ருதி꞉ புண்யபா⁴ஜாம் ।
அக²ண்ட³ம் ஸதா³நந்த³சித்³ரூபமந்த꞉
ஸதா³ஹம் முதா³ தம் ப⁴ஜே த³க்ஷிணாஸ்யம் ॥ 15 ॥

ஸுவர்ணாத்³ரிசாபம் ரமாநாத²பா³ணம்
தி³நேஶேந்து³சக்ரம் த⁴ராஸ்யந்த³நாக்³ர்யம் ।
விதி⁴ம் ஸாரதி²ம் நாக³நாத²ம் ச மௌர்வீம்
ப்ரகுர்வாணமீஶம் ப⁴ஜே த³க்ஷிணாஸ்யம் ॥ 16 ॥

கராம்போ⁴ருஹை꞉ புஸ்தகம் போ³த⁴முத்³ராம்
ஸுதா⁴பூர்ணகும்ப⁴ம் ஸ்ரஜம் மௌக்திகாநாம் ।
த³தா⁴நம் த⁴ராதீ⁴ஶமௌளௌ ஶயாநம்
ஶஶாங்கார்த⁴சூட³ம் ப⁴ஜே த³க்ஷிணாஸ்யம் ॥ 17 ॥

கலாதா³நத³க்ஷம் துலாஶூந்யவக்த்ரம்
ஶிலாதா³த்மஜேட்³யம் வலாராதிபூஜ்யம் ।
ஜலாத்³யஷ்டமூர்திம் கலாலாபயுக்தம்
ப²லாலிம் தி³ஶந்தம் ப⁴ஜே த³க்ஷிணாஸ்யம் ॥ 18 ॥

யதா³ளோகமாத்ராந்நதாநாம் ஹ்ருத³ப்³ஜே
ஶமாத்³யா கு³ணா꞉ ஸத்வரம் ஸம்ப⁴வந்தி ।
ப்ரணம்ராளிசேத꞉ஸரோஜாதபா⁴நும்
கு³ரும் தம் ஸுரேட்³யம் நமாமோ ப⁴ஜாம꞉ ॥ 19 ॥

பிநத்³தா⁴நி ப⁴க்த்யாக்²யஸூத்ரேண கண்டே²
ஸதே³மாநி ரத்நாநி த⁴த்தே த்³ருட⁴ம் ய꞉ ।
முதா³ முக்திகாந்தா த்³ருதம் தம் வ்ருணீதே
ஸ்வயம் ஶாந்திதா³ந்திப்ரமுக்²யாளியுக்தா ॥ 20 ॥

இதி ஶ்ரீஜக³த்³கு³ரு ஶ்ரீஸச்சிதா³நந்த³ ஶிவாபி⁴நவ ந்ருஸிம்ஹ பா⁴ரதீ ஸ்வாமிபி⁴꞉ விரசிதம் ஶ்ரீ த³க்ஷிணாஸ்ய பு⁴ஜங்க³ப்ரயாத ஸ்துதி꞉ ॥

---

மேலும் ஶ்ரீ ஶிவ ஸ்தோத்ராணி காண்க. மேலும் ஶ்ரீ த³க்ஷிணாமூர்தி ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.