Sri Dadhi Vamana Stotram – ஶ்ரீ த³தி⁴வாமந ஸ்தோத்ரம்

ஹேமாத்³ரிஶிக²ராகாரம் ஶுத்³த⁴ஸ்ப²டிகஸந்நிப⁴ம் ।
பூர்ணசந்த்³ரநிப⁴ம் தே³வம் த்³விபு⁴ஜம் வாமநம் ஸ்மரேத் ॥ 1 ॥

பத்³மாஸநஸ்த²ம் தே³வேஶம் சந்த்³ரமண்ட³லமத்⁴யக³ம் ।
ஜ்வலத்காலாநலப்ரக்²யம் தடி³த்கோடிஸமப்ரப⁴ம் ॥ 2 ॥

ஸூர்யகோடிப்ரதீகாஶம் சந்த்³ரகோடிஸுஶீதளம் ।
சந்த்³ரமண்ட³லமத்⁴யஸ்த²ம் விஷ்ணுமச்யுதமவ்யயம் ॥ 3 ॥

ஶ்ரீவத்ஸகௌஸ்துபோ⁴ரஸ்கம் தி³வ்யரத்நவிபூ⁴ஷிதம் ।
பீதாம்ப³ரமுதா³ராங்க³ம் வநமாலாவிபூ⁴ஷிதம் ॥ 4 ॥

ஸுந்த³ரம் புண்ட³ரீகாக்ஷம் கிரீடேந விராஜிதம் ।
ஷோட³ஶஸ்த்ரீபரிவ்ருதமப்ஸரோக³ணஸேவிதம் ॥ 5 ॥

ருக்³யஜு꞉ ஸாமாத²ர்வாத்³யைர்கீ³யமாநம் ஜநார்த³நம் ।
சதுர்முகா²த்³யைர்தே³வேஶை꞉ ஸ்தோத்ராராத⁴நதத்பரை꞉ ॥ 6 ॥

ஸநகாத்³யைர்முநிக³ணை꞉ ஸ்தூயமாநமஹர்நிஶம் ।
த்ரியம்ப³கோ மஹாதே³வோ ந்ருத்யதே யஸ்ய ஸந்நிதௌ⁴ ॥ 7 ॥

த³தி⁴மிஶ்ராந்நகவலம் ருக்மபாத்ரம் ச த³க்ஷிணே ।
கரே து சிந்தயேத்³வாமே பீயூஷமமலம் ஸுதீ⁴꞉ ॥ 8 ॥

ஸாத⁴காநாம் ப்ரயச்ச²ந்தமந்நபாநமநுத்தமம் ।
ப்³ராஹ்மே முஹூர்தே சோத்தா²ய த்⁴யாயேத்³தே³வமதோ⁴க்ஷஜம் ॥ 9 ॥

அதிஸுவிமலகா³த்ரம் ருக்மபாத்ரஸ்த²மந்நம்
ஸுலலிதத³தி⁴க²ண்ட³ம் பாணிநா த³க்ஷிணேந ।
கலஶமம்ருதபூர்ணம் வாமஹஸ்தே த³தா⁴நம்
தரதி ஸகலது³꞉கா²த்³வாமநம் பா⁴வயேத்³ய꞉ ॥ 10 ॥

க்ஷீரமந்நமந்நதா³தா லபே⁴த³ந்நாத³ ஏவ ச ।
புரஸ்தாத³ந்நமாப்நோதி புநராவர்திவர்ஜிதம் ।
ஆயுராரோக்³யமைஶ்வர்யம் லப⁴தே சாந்நஸம்பத³꞉ ॥ 11 ॥

இத³ம் ஸ்தோத்ரம் படே²த்³யஸ்து ப்ராத꞉காலே த்³விஜோத்தம꞉ ।
அக்லேஶாத³ந்நஸித்³த்⁴யர்த²ம் ஜ்ஞாநஸித்³த்⁴யர்த²மேவ ச ॥ 12 ॥

அப்⁴ரஶ்யாம꞉ ஶுப்⁴ரயஜ்ஞோபவீதீ
ஸத்கௌபீந꞉ பீதக்ருஷ்ணாஜிநஶ்ரீ꞉
ச²த்ரீ த³ண்டீ³ புண்ட³ரீகாயதாக்ஷ꞉
பாயாத்³தே³வோ வாமநோ ப்³ரஹ்மசாரீ ॥ 13 ॥

அஜிநத³ண்ட³கமண்ட³லுமேக²லா-
-ருசிரபாவநவாமநமூர்தயே ।
மிதஜக³த்த்ரிதயாய ஜிதாரயே
நிக³மவாக்படவே வடவே நம꞉ ॥ 14 ॥

ஶ்ரீபூ⁴மிஸஹிதம் தி³வ்யம் முக்தாமணிவிபூ⁴ஷிதம் ।
நமாமி வாமநம் விஷ்ணும் பு⁴க்திமுக்திப²லப்ரத³ம் ॥ 15 ॥

வாமநோ பு³த்³தி⁴தா³தா ச த்³ரவ்யஸ்தோ² வாமந꞉ ஸ்ம்ருத꞉ ।
வாமநஸ்தாரகோபா⁴ப்⁴யாம் வாமநாய நமோ நம꞉ ॥ 16 ॥

இதி ஶ்ரீவாமநபுராணே ஶ்ரீ த³தி⁴வாமந ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.