Kishkindha Kanda Sarga 57 – கிஷ்கிந்தா⁴காண்ட³ ஸப்தபஞ்சாஶ꞉ ஸர்க³꞉ (57)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஸப்தபஞ்சாஶ꞉ ஸர்க³꞉ (57)

॥ ஜடாயுர்தி³ஷ்டகத²நம் ॥

தத்து ஶ்ருத்வா ததா³ வாக்யமங்க³த³ஸ்ய முகோ²த்³க³தம் ।
அப்³ரவீத்³வசநம் க்³ருத்⁴ரஸ்தீக்ஷ்ணதுண்டோ³ மஹாஸ்வந꞉ ॥ 1 ॥

கோ(அ)யம் கி³ரா கோ⁴ஷயதி ப்ராணை꞉ ப்ரியதமஸ்ய மே ।
ஜடாயுஷோ வத⁴ம் ப்⁴ராது꞉ கம்பயந்நிவ மே மந꞉ ॥ 2 ॥

கத²மாஸீஜ்ஜநஸ்தா²நே யுத்³த⁴ம் ராக்ஷஸக்³ருத்⁴ரயோ꞉ ।
நாமதே⁴யமித³ம் ப்⁴ராதுஶ்சிரஸ்யாத்³ய மயா ஶ்ருதம் ॥ 3 ॥

இச்சே²யம் கி³ரிது³ர்கா³ச்ச ப⁴வத்³பி⁴ரவதாரிதும் ।
யவீயஸோ கு³ணஜ்ஞஸ்ய ஶ்லாக⁴நீயஸ்ய விக்ரமை꞉ ॥ 4 ॥

அதிதீ³ர்க⁴ஸ்ய காலஸ்ய துஷ்டோ(அ)ஸ்மி பரிகீர்தநாத் ।
ததி³ச்சே²யமஹம் ஶ்ரோதும் விநாஶம் வாநரர்ஷபா⁴꞉ ॥ 5 ॥

ப்⁴ராதுர்ஜடாயுஷஸ்தஸ்ய ஜநஸ்தா²நநிவாஸிந꞉ ।
தஸ்யைவ ச மம ப்⁴ராது꞉ ஸகா² த³ஶரத²꞉ கத²ம் ॥ 6 ॥

யஸ்ய ராம꞉ ப்ரிய꞉ புத்ரோ ஜ்யேஷ்டோ² கு³ருஜநப்ரிய꞉ ।
ஸூர்யாம்ஶுத³க்³த⁴பக்ஷத்வாந்ந ஶக்நோம்யுபஸர்பிதும் ॥ 7 ॥

இச்சே²யம் பர்வதாத³ஸ்மாத³வதர்துமரிந்த³மா꞉ ।
ஶோகாத்³ப்⁴ரஷ்டஸ்வரமபி ஶ்ருத்வா தே ஹரியூத²பா꞉ ॥ 8 ॥

ஶ்ரத்³த³து⁴ர்நைவ தத்³வாக்யம் கர்மணா தஸ்ய ஶங்கிதா꞉ ।
தே ப்ராயமுபவிஷ்டாஸ்து த்³ருஷ்ட்வா க்³ருத்⁴ரம் ப்லவங்க³மா꞉ ॥ 9 ॥

சக்ருர்பு³த்³தி⁴ம் ததா³ ரௌத்³ராம் ஸர்வாந்நோ ப⁴க்ஷயிஷ்யதி ।
ஸர்வதா² ப்ராயமாஸீநாந்யதி³ நோ ப⁴க்ஷயிஷ்யதி ॥ 10 ॥

க்ருதக்ருத்யா ப⁴விஷ்யாம꞉ க்ஷிப்ரம் ஸித்³தி⁴மிதோ க³தா꞉ ।
ஏதாம் பு³த்³தி⁴ம் ததஶ்சக்ரு꞉ ஸர்வே தே வாநரர்ஷபா⁴꞉ ॥ 11 ॥

அவதார்ய கி³ரே꞉ ஶ்ருங்கா³த்³க்³ருத்⁴ரமாஹாங்க³த³ஸ்ததா³ ।
ப³பூ⁴வர்க்ஷரஜா நாம வாநரேந்த்³ர꞉ ப்ரதாபவாந் ॥ 12 ॥

மமார்ய꞉ பார்தி²வ꞉ பக்ஷிந் தா⁴ர்மிகஸ்தஸ்ய சாத்மஜௌ ।
ஸுக்³ரீவஶ்சைவ வாலீ ச புத்ராவோக⁴ப³லாவுபௌ⁴ ॥ 13 ॥

லோகே விஶ்ருதகர்மா(அ)பூ⁴த்³ராஜா வாலீ பிதா மம ।
ராஜா க்ருத்ஸ்நஸ்ய ஜக³த இக்ஷ்வாகூணாம் மஹாரத²꞉ ॥ 14 ॥

ராமோ தா³ஶரதி²꞉ ஶ்ரீமாந் ப்ரவிஷ்டோ த³ண்ட³காவநம் ।
லக்ஷ்மணேந ஸஹ ப்⁴ராத்ரா வைதே³ஹ்யா சாபி பா⁴ர்யயா ॥ 15 ॥

பிதுர்நிதே³ஶநிரதோ த⁴ர்ம்யம் பந்தா²நமாஶ்ரித꞉ ।
தஸ்ய பா⁴ர்யா ஜநஸ்தா²நாத்³ராவணேந ஹ்ருதா ப³லாத் ॥ 16 ॥

ராமஸ்ய து பிதுர்மித்ரம் ஜடாயுர்நாம க்³ருத்⁴ரராட் ।
த³த³ர்ஶ ஸீதாம் வைதே³ஹீம் ஹ்ரியமாணாம் விஹாயஸா ॥ 17 ॥

ராவணம் விரத²ம் க்ருத்வா ஸ்தா²பயித்வா ச மைதி²லீம் ।
பரிஶ்ராந்தஶ்ச வ்ருத்³த⁴ஶ்ச ராவணேந ஹதோ ரணே ॥ 18 ॥

ஏவம் க்³ருத்⁴ரோ ஹதஸ்தேந ராவணேந ப³லீயஸா ।
ஸம்ஸ்க்ருதஶ்சாபி ராமேண க³தஶ்ச க³திமுத்தமாம் ॥ 19 ॥

ததோ மம பித்ருவ்யேண ஸுக்³ரீவேண மஹாத்மநா ।
சகார ராக⁴வ꞉ ஸக்²யம் ஸோ(அ)வதீ⁴த்பிதரம் மம ॥ 20 ॥

மம பித்ரா விருத்³தோ⁴ ஹி ஸுக்³ரீவ꞉ ஸசிவை꞉ ஸஹ ।
நிஹத்ய வாலிநம் ராமஸ்ததஸ்தமபி⁴ஷேசயத் ॥ 21 ॥

ஸ ராஜ்யே ஸ்தா²பிதஸ்தேந ஸுக்³ரீவோ வாநராதி⁴ப꞉ ।
ராஜா வாநரமுக்²யாநாம் யேந ப்ரஸ்தா²பிதா வயம் ॥ 22 ॥

ஏவம் ராமப்ரயுக்தஸ்து மார்க³மாணாஸ்ததஸ்தத꞉ ।
வைதே³ஹீம் நாதி⁴க³ச்சா²மோ ராத்ரௌ ஸூர்யப்ரபா⁴மிவ ॥ 23 ॥

தே வயம் த³ண்ட³காரண்யம் விசித்ய ஸுஸமாஹிதா꞉ ।
அஜ்ஞாநாத்து ப்ரவிஷ்டா꞉ ஸ்ம த⁴ரண்யா விவ்ருதம் பி³லம் ॥ 24 ॥

மயஸ்ய மாயாவிஹிதம் தத்³பி³லம் ச விசிந்வதாம் ।
வ்யதீதஸ்தத்ர நோ மாஸோ யோ ராஜ்ஞா ஸமய꞉ க்ருத꞉ ॥ 25 ॥

தே வயம் கபிராஜஸ்ய ஸர்வே வசநகாரிண꞉ ।
க்ருதாம் ஸம்ஸ்தா²மதிக்ராந்தா ப⁴யாத்ப்ராயமுபாஸ்மஹே ॥ 26 ॥

க்ருத்³தே⁴ தஸ்மிம்ஸ்து காகுத்ஸ்தே² ஸுக்³ரீவே ச ஸலக்ஷ்மணே ।
க³தாநாமபி ஸர்வேஷாம் தத்ர நோ நாஸ்தி ஜீவிதம் ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஸப்தபஞ்சாஶ꞉ ஸர்க³꞉ ॥ 57 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.