Aranya Kanda Sarga 72 – அரண்யகாண்ட³ த்³விஸப்ததிதம꞉ ஸர்க³꞉ (72)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்³விஸப்ததிதம꞉ ஸர்க³꞉ (72)

॥ ஸீதாதி⁴க³மோபாய꞉ ॥

ஏவமுக்தௌ து தௌ வீரௌ கப³ந்தே⁴ந நரேஶ்வரௌ ।
கி³ரிப்ரத³ரமாஸாத்³ய பாவகம் விஸஸர்ஜது꞉ ॥ 1 ॥

லக்ஷ்மணஸ்து மஹோல்காபி⁴ர்ஜ்வலிதாபி⁴꞉ ஸமந்தத꞉ ।
சிதாமாதீ³பயாமாஸ ஸா ப்ரஜஜ்வால ஸர்வத꞉ ॥ 2 ॥

தச்ச²ரீரம் கப³ந்த⁴ஸ்ய க்⁴ருதபிண்டோ³பமம் மஹத் ।
மேத³ஸா பச்யமாநஸ்ய மந்த³ம் த³ஹதி பாவக꞉ ॥ 3 ॥

ஸ விதூ⁴ய சிதாமாஶு விதூ⁴மோ(அ)க்³நிரிவோத்தி²த꞉ ।
அரஜே வாஸஸீ பி³ப்⁴ரந்மாலாம் தி³வ்யாம் மஹாப³ல꞉ ॥ 4 ॥

ததஶ்சிதாயா வேகே³ந பா⁴ஸ்வரோ விமலாம்ப³ர꞉ ।
உத்பபாதாஶு ஸம்ஹ்ருஷ்ட꞉ ஸர்வப்ரத்யங்க³பூ⁴ஷண꞉ ॥ 5 ॥

விமாநே பா⁴ஸ்வரே திஷ்ட²ந் ஹம்ஸயுக்தே யஶஸ்கரே ।
ப்ரப⁴யா ச மஹாதேஜா தி³ஶோ த³ஶ விராஜயந் ॥ 6 ॥

ஸோ(அ)ந்தரிக்ஷக³தோ ராமம் கப³ந்தோ⁴ வாக்யமப்³ரவீத் ।
ஶ்ருணு ராக⁴வ தத்த்வேந யதா² ஸீதாமவாப்ஸ்யஸி ॥ 7 ॥

ராம ஷட்³யுக்தயோ லோகே யாபி⁴꞉ ஸர்வம் விம்ருஶ்யதே ।
பரிம்ருஷ்டோ த³ஶாந்தேந த³ஶாபா⁴கே³ந ஸேவ்யதே ॥ 8 ॥

த³ஶாபா⁴க³க³தோ ஹீநஸ்த்வம் ஹி ராம ஸலக்ஷ்மண꞉ ।
யத்க்ருதே வ்யஸநம் ப்ராப்தம் த்வயா தா³ரப்ரத⁴ர்ஷணம் ॥ 9 ॥

தத³வஶ்யம் த்வயா கார்ய꞉ ஸ ஸுஹ்ருத்ஸுஹ்ருதா³ம் வர ।
அக்ருத்வா ஹி ந தே ஸித்³தி⁴மஹம் பஶ்யாமி சிந்தயந் ॥ 10 ॥

ஶ்ரூயதாம் ராம வக்ஷ்யாமி ஸுக்³ரீவோ நாம வாநர꞉ ।
ப்⁴ராத்ரா நிரஸ்த꞉ க்ருத்³தே⁴ந வாலிநா ஶக்ரஸூநுநா ॥ 11 ॥

ருஶ்யமூகே கி³ரிவரே பம்பாபர்யந்தஶோபி⁴தே ।
நிவஸத்யாத்மவாந் வீரஶ்சதுர்பி⁴꞉ ஸஹ வாநரை꞉ ॥ 12 ॥

வாநரேந்த்³ரோ மஹாவீர்யஸ்தேஜோவாநமிதப்ரப⁴꞉ ।
ஸத்யஸந்தோ⁴ விநீதஶ்ச த்⁴ருதிமாந் மதிமாந் மஹாந் ॥ 13 ॥

த³க்ஷ꞉ ப்ரக³ள்போ⁴ த்³யுதிமாந் மஹாப³லபராக்ரம꞉ ।
ப்⁴ராத்ரா விவாஸிதோ ராம ராஜ்யஹேதோர்மஹாப³ல꞉ ॥ 14 ॥

ஸ தே ஸஹாயோ மித்ரம் ச ஸீதாயா꞉ பரிமார்க³ணே ।
ப⁴விஷ்யதி ஹி தே ராம மா ச ஶோகே மந꞉ க்ருதா²꞉ ॥ 15 ॥

ப⁴விதவ்யம் ஹி யச்சாபி ந தச்ச²க்யமிஹாந்யதா² ।
கர்துமிக்ஷ்வாகுஶார்தூ³ள காலோ ஹி து³ரதிக்ரம꞉ ॥ 16 ॥

க³ச்ச² ஶீக்⁴ரமிதோ ராம ஸுக்³ரீவம் தம் மஹாப³லம் ।
வயஸ்யம் தம் குரு க்ஷிப்ரமிதோ க³த்வாத்³ய ராக⁴வ ॥ 17 ॥

அத்³ரோஹாய ஸமாக³ம்ய தீ³ப்யமாநே விபா⁴வஸௌ ।
ஸ ச தே நாவமந்தவ்ய꞉ ஸுக்³ரீவோ வாநராதி⁴ப꞉ ॥ 18 ॥

க்ருதஜ்ஞ꞉ காமரூபீ ச ஸஹாயார்தீ² ச வீர்யவாந் ।
ஶக்தௌ ஹ்யத்³ய யுவாம் கர்தும் கார்யம் தஸ்ய சிகீர்ஷிதம் ॥ 19 ॥

க்ருதார்தோ² வா(அ)க்ருதார்தோ² வா க்ருத்யம் தவ கரிஷ்யதி ।
ஸ ருக்ஷரஜஸ꞉ புத்ர꞉ பம்பாமடதி ஶங்கித꞉ ॥ 20 ॥

பா⁴ஸ்கரஸ்யௌரஸ꞉ புத்ரோ வாலிநா க்ருதகில்பி³ஷ꞉ ।
ஸந்நிதா⁴யாயுத⁴ம் க்ஷிப்ரம்ருஶ்யமூகாலயம் கபிம் ॥ 21 ॥

குரு ராக⁴வ ஸத்யேந வயஸ்யம் வநசாரிணம் ।
ஸ ஹி ஸ்தா²நாநி ஸர்வாணி கார்த்ஸ்ந்யேந கபிகுஞ்ஜர꞉ ॥ 22 ॥

நரமாம்ஸாஶிநாம் லோகே நைபுண்யாத³தி⁴க³ச்ச²தி ।
ந தஸ்யாவிதி³தம் லோகே கிஞ்சித³ஸ்தி ஹி ராக⁴வ ॥ 23 ॥

யாவத்ஸூர்ய꞉ ப்ரதபதி ஸஹஸ்ராம்ஶுரரிந்த³ம ।
ஸ நதீ³ர்விபுலாஞ்சை²லாந் கி³ரிது³ர்கா³ணி கந்த³ராந் ॥ 24 ॥

அந்வீக்ஷ்ய வாநரை꞉ ஸார்த⁴ம் பத்நீம் தே(அ)தி⁴க³மிஷ்யதி ।
வாநராம்ஶ்ச மஹாகாயாந் ப்ரேஷயிஷ்யதி ராக⁴வ ॥ 25 ॥

தி³ஶோ விசேதும் தாம் ஸீதாம் த்வத்³வியோகே³ந ஶோசதீம் ।
ஸ ஜ்ஞாஸ்யதி வராரோஹாம் நிர்மலாம் ராவணாலயே ॥ 26 ॥

ஸ மேருஶ்ருங்கா³க்³ரக³தாமநிந்தி³தாம்
ப்ரவிஶ்ய பாதாலதலே(அ)பி வாஶ்ரிதாம் ।
ப்லவங்க³மாநாம் ப்ரவரஸ்தவ ப்ரியாம்
நிஹத்ய ரக்ஷாம்ஸி புந꞉ ப்ரதா³ஸ்யதி ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்³விஸப்ததிதம꞉ ஸர்க³꞉ ॥ 72 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.