Sri Adi Narayana Stava – ஶ்ரீ ஆதி³நாராயண ஸ்தவ꞉

ருஷய ஊசு꞉ ।
நம꞉ பரமகல்யாண கல்யாணாயாத்மயோகி³நே ।
ஜநார்த³நாயதே³வாய ஶ்ரீத⁴ராய ஸுவேத⁴ஸே ॥ 1 ॥

நம꞉ பரமகிஞ்ஜல்க ஸுவர்ணமுகுடாய ச ।
கேஶவாயாதிஸூக்ஷ்மாய ப்³ருஹந்மூர்தே நமோ நம꞉ ॥ 2 ॥

நம꞉ பங்கஜநாபா⁴ய ஹரயே ஹரிவேத⁴ஸே ।
நமோ ஹிரண்யக³ர்பா⁴ய ஜக³த꞉ காரணாத்மநே ॥ 3 ॥

அச்யுதாய நமோ நித்யமுந்நதாய நமோ நம꞉ ।
நமோ மாயாபடச்ச²ந்ந ஜக³த்³தா⁴த்ரே மஹாத்மநே ॥ 4 ॥

ஸம்ஸாரஸாக³ரோத்தார ஜ்ஞாநபோதப்ரதா³யிநே ।
அகுண்ட²மதயேதா⁴த்ரே ஸர்க³ஸ்தி²த்யந்தகாரிணே ॥ 5 ॥

யதா² ஹி வாஸுதே³வேதி ப்ரோக்தம் பாதகநாஶநம் ।
ததா² விளயமப்⁴யேது தை³த்யோயம் மேக⁴வாஹந꞉ ॥ 6 ॥

யதா² ந விஷ்ணுப⁴க்தேஷு பாபம் நாப்நோதி ஸம்ஸ்தி²தம் ।
ததா² விநாஶமாயாது தை³த்யோயம் பாபகர்மக்ருத் ॥ 7 ॥

ஸ்ம்ருதமாத்ரோ யதா² விஷ்ணு꞉ ஸர்வம் பாபம் வ்யபோஹதி ।
ததா² ப்ரணாஶமப்⁴யேது தை³த்யோயம் மேக⁴வாஹந꞉ ॥ 8 ॥

ப⁴வந்து ப⁴த்³ராணி ஸமஸ்ததோ³ஷா꞉
ப்ரயாந்து நாஶம் ஜக³தோ(அ)கி²லஸ்ய ।
அப்⁴யேத்யப⁴க்த்யா பரமேஶ்வரஸ்ய
ஸ்ம்ருதே ஜக³த்³தா⁴தரிவாஸுதே³வே ॥ 9 ॥

யஸ்தம் பூஜயதே ப⁴க்த்யா ஏகாத³ஶ்யாந்நரோத்தம꞉ ।
ஸோ(அ)ஶ்வமேத⁴ப²லம் ப்ராப்ய மோத³தே தி³வி தே³வவத் ॥ 10 ॥

கோ³ளக்ஷம் ப்³ராஹ்மணே த³த்த்வா யத்ப²லம் ப்ராப்நுயாந்நர꞉ ।
ததா³தி³தே³வம் கோ³விந்த³ம் த்³ருஷ்ட்வா ப⁴க்த்யா ப²லம் லபே⁴த் ॥ 11 ॥

கலௌ க்ருதயுக³ஸ்தேஷாம் க்லேஶாஸ்தேஷாம் ஸுகா²தி⁴கா꞉ ।
ஆதி³நாராயணோ தே³வோ யேஷாம் ஹ்ருத³யஸம்ஸ்தி²த꞉ ॥ 12 ॥

ஏகாத³ஶ்யாம் ரவிதி³நே ஸ்நாத்வா ஸந்நிஹிதோ ஜலே ।
ஆதி³நாராயணம் பூஜ்ய முச்யதே ப⁴வப³ந்த⁴நாத் ॥ 13 ॥

இதி ஸ்கந்த³புராணே ஶ்ரீ ஆதி³நாராயண ஸ்தவ꞉ ॥

Did you see any mistake/variation in the content above? Click here to report mistakes and corrections in Stotranidhi content.