Read in తెలుగు / ಕನ್ನಡ / தமிழ் / देवनागरी / English (IAST)
śriyaḥpatirgōmalamūtragandhi-
-nyastaprabhō gōpakulē viṣaṇṇaḥ |
kr̥ṣṇābhidhō vatsabakādibhītō
rudan sadā dēvī nināya bālyam || 22-1 ||
haiyaṅgavīṇaṁ mathitaṁ payaśca
gōpīrvilajjaḥ satataṁ yayācē |
sa cāmbayā gōrasacauryacuñcu-
-rulūkhalē pāśavarēṇa baddhaḥ || 22-2 ||
vanēṣu bhīmātapaśuṣkagātrō
gāścārayan kaṇṭakaviddhapādaḥ |
vanyāmbupāyī phalamūlabhakṣī
dinē dinē glānimavāpa kr̥ṣṇaḥ || 22-3 ||
daivēna muktaḥ sa ca gōpadāsyā-
-dakrūranītō mathurāṁ praviṣṭaḥ |
kaṁsaṁ nihatyāpi hatābhilāṣa-
-statrōgrasēnasya babhūva dāsaḥ || 22-4 ||
dr̥ṣṭvā jarāsandhacamūṁ bhayēna
sa bandhumitrō mathurāṁ vihāya |
dhāvan kathañcidbahudurgamārtaḥ
sa dvārakādvīpapuraṁ vivēśa || 22-5 ||
sa rukmiṇīṁ jāmbavatīṁ ca bhāmāṁ
kanyāstathā dvyaṣṭasahasramanyāḥ |
samudvahan sasmitanarmalāpaḥ
krīḍāmr̥gō:’bhūtsatataṁ vadhūnām || 22-6 ||
sa dasyuvr̥ttistridivājjahāra
bhāmāniyuktaḥ surapārijātam |
satyā ca taṁ gōvr̥ṣavatsarōṣaṁ
baddhvā tarau durvacasā:’bhyaṣiñcat || 22-7 ||
śrīnāradāyātithayē tayā sa
dattōtha muktō muninā ca nītaḥ |
tatastayā:’smai kanakaṁ pradāya
punargr̥hītastrapayā:’:’pa maunam || 22-8 ||
sūtīgr̥hādbhīṣmakajāsutē sa
pradyumnanāmnīśvari śambarēṇa |
hr̥tē śiśau nirmathitābhimāna
uccairudaṁstvāṁ śaraṇaṁ prapannaḥ || 22-9 ||
putrārthinīṁ jāmbavatīmaputrāṁ
sa tōṣayiṣyannupamanyuśiṣyaḥ |
muṇḍī ca daṇḍī ca śivasya śailē
mantraṁ japan ghōratapaścakāra || 22-10 ||
varēṇa bhargasya daśātmajān sā
prāsūta sarvā dayitāśca śaurēḥ |
tathaiva labdhvā sa sutāyutāni
sukhaṁ na lēbhē nijakarmadōṣāt || 22-11 ||
śāpādr̥ṣīṇāṁ dhr̥tarāṣṭrapatnyā-
-ścānyōnyavairēṇa kr̥tāhavēṣu |
sarvē hatā hanta kulaṁ yadūnāṁ
mahatpradagdhaṁ vanamagninēva || 22-12 ||
vyādhēṣuviddhō mr̥timāpa kr̥ṣṇaḥ
kuśasthalī cābdhijalāplutā:’bhūt |
hā jahrirē dasyubhirēnasā:’ṣṭā-
-vakrasya śāpēna yadustriyaśca || 22-13 ||
ēvaṁ hariḥ karmaphalānyabhuṅkta
na kō:’pi mucyēta ca karmabandhāt |
duḥkhaṁ tvabhaktasya sudussahaṁ syā-
-dbhaktasya tē tatsusahaṁ bhavēcca || 22-14 ||
jānāsyahaṁ tē padayōrabhaktō
bhaktō nu kiṁ vēti na caiva jānē |
tvaṁ sarvaśaktā kuru māṁ suśaktaṁ
sarvatra bhūyō:’pi śivē namastē || 22-15 ||
trayōviṁśa daśakam (23) – mahālakṣmyavatāram >>
See dēvī nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.