Read in తెలుగు / ಕನ್ನಡ / தமிழ் / देवनागरी / English (IAST)
|| sāgarōddhāraḥ ||
sa gatvā sāgaraṁ rājā gaṅgayā:’nugatastadā |
pravivēśa talaṁ bhūmēryatra tē bhasmasātkr̥tāḥ || 1 ||
bhasmanyathāplutē rāma gaṅgāyāḥ salilēna vai |
sarvalōkaprabhurbrahmā rājānamidamabravīt || 2 ||
tāritā naraśārdūla divaṁ yātāśca dēvavat |
ṣaṣṭiḥ putrasahasrāṇi sagarasya mahātmanaḥ || 3 ||
sāgarasya jalaṁ lōkē yāvat sthāsyati pārthiva |
sagarasyātmajāstāvatsvargē sthāsyanti dēvavat || 4 ||
iyaṁ hi duhitā jyēṣṭhā tava gaṅgā bhaviṣyati |
tvatkr̥tēna ca nāmnātha lōkē sthāsyati viśrutā || 5 ||
gaṅgā tripathagā nāma divyā bhāgīrathīti ca |
[* trīn pathō bhāvayantīti tatastripathagā smr̥tā | *]
pitāmahānāṁ sarvēṣāṁ tvamēva manujādhipa || 6 ||
kuruṣva salilaṁ rājanpratijñāmapavarjaya |
pūrvakēṇa hi tē rājaṁstēnātiyaśasā tadā || 7 ||
dharmiṇāṁ pravarēṇāpi naiṣa prāptō manōrathaḥ |
tathaivāṁśumatā tāta lōkē:’pratimatējasā || 8 ||
gaṅgāṁ prārthayatā nētuṁ pratijñā nāpavarjitā |
rājarṣiṇā guṇavatā maharṣisamatējasā || 9 ||
mattulyatapasā caiva kṣatradharmē sthitēna ca |
dilīpēna mahābhāga tava pitrātitējasā || 10 ||
punarna śaṅkitā nētuṁ gaṅgāṁ prārthayatā:’nagha |
sā tvayā samatikrāntā pratijñā puruṣarṣabha || 11 ||
prāptō:’si paramaṁ lōkē yaśaḥ paramasaṁmatam |
yacca gaṅgāvataraṇaṁ tvayā kr̥tamarindama || 12 ||
anēna ca bhavānprāptō dharmasyāyatanaṁ mahat |
plāvayasva tvamātmānaṁ narōttama sadōcitē || 13 ||
salilē puruṣavyāghra śuciḥ puṇyaphalō bhava |
pitāmahānāṁ sarvēṣāṁ kuruṣva salilakriyām || 14 ||
svasti tē:’stu gamiṣyāmi svaṁ lōkaṁ gamyatāṁ nr̥pa |
ityēvamuktvā dēvēśaḥ sarvalōkapitāmahaḥ || 15 ||
yathā:’:’gataṁ tathāgacchaddēvalōkaṁ mahāyaśāḥ |
bhagīrathō:’pi rājarṣiḥ kr̥tvā salilamuttamam || 16 ||
yathākramaṁ yathānyāyaṁ sāgarāṇāṁ mahāyaśāḥ |
kr̥tōdakaḥ śucī rājā svapuraṁ pravivēśa ha || 17 ||
samr̥ddhārthō naraśrēṣṭha svarājyaṁ praśaśāsa ha |
pramumōda ca lōkastaṁ nr̥pamāsādya rāghava || 18 ||
naṣṭaśōkaḥ samr̥ddhārthō babhūva vigatajvaraḥ |
ēṣa tē rāma gaṅgāyā vistarō:’bhihitō mayā || 19 ||
svasti prāpnuhi bhadraṁ tē sandhyākālō:’tivartatē |
dhanyaṁ yaśasyamāyuṣyaṁ putryaṁ svargyamatīva ca || 20 ||
yaḥ śrāvayati viprēṣu kṣatriyēṣvitarēṣu ca |
prīyantē pitarastasya prīyantē daivatāni ca || 21 ||
idamākhyānamavyagrō gaṅgāvataraṇaṁ śubham |
yaḥ śr̥ṇōti ca kākutstha sarvānkāmānavāpnuyāt |
sarvē pāpāḥ praṇaśyanti āyuḥ kīrtiśca vardhatē || 22 ||
ityārṣē śrīmadrāmāyaṇē vālmīkīyē ādikāvyē bālakāṇḍē catuścatvāriṁśaḥ sargaḥ || 44 ||
bālakāṇḍa pañcacatvāriṁśaḥ sargaḥ (45) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.