Read in తెలుగు / ಕನ್ನಡ / தமிழ் / देवनागरी / English (IAST)
|| kubjāvikṣēpaḥ ||
atha yātrāṁ samīhantaṁ śatrughnaḥ lakṣmaṇānujaḥ |
bharataṁ śōkasantaptamidaṁ vacanamabravīt || 1 ||
gatiryaḥ sarva bhūtānāṁ duḥkhē kiṁ punarātmanaḥ |
sa rāmaḥ sattvasampannaḥ striyā pravrājitaḥ vanam || 2 ||
balavān vīryasampannō lakṣmaṇō nāma yō:’pyasau |
kiṁ na mōcayatē rāmaṁ kr̥tvā api pitr̥nigraham || 3 ||
pūrvamēva tu nigrāhyaḥ samavēkṣya nayānayau |
utpathaṁ yaḥ samārūḍhō nāryā rājā vaśaṁ gataḥ || 4 ||
iti sambhāṣamāṇē tu śatrughnē lakṣmaṇānujē |
prāgdvārē:’bhūttadā kubjā sarvābharaṇabhūṣitā || 5 ||
liptā candanasārēṇa rājavastrāṇi bibhratī |
vividhaṁ vividhaistaistairbhūṣaṇaiśca vibhūṣitā || 6 ||
mēkhalādāmabhiścitraiḥ anyaiśca śubhabhūṣaṇaiḥ |
babhāsē bahubhirbaddhā rajjubaddhēva vānarī || 7 ||
tāṁ samīkṣya tadā dvāsthāḥ subhr̥śaṁ pāpakāriṇīm |
gr̥hītvā:’karuṇaṁ kubjāṁ śatrughnāya nyavēdayat || 8 ||
yasyāḥ kr̥tē vanē rāmarnyasta dēhaśca vaḥ pitā |
sēyaṁ pāpā nr̥śaṁsā ca tasyāḥ kuru yathāmati || 9 ||
śatrughnaśca tadājñāya vacanaṁ bhr̥śaduḥkhitaḥ |
antaḥpuracarān sarvān ityuvāca dhr̥tavrataḥ || 10 ||
tīvramutpāditaṁ duḥkhaṁ bhrātr̥̄ṇāṁ mē tathā pituḥ |
yayā sēyaṁ nr̥śaṁsasya karmaṇaḥ phalamaśnutām || 11 ||
ēvamuktā tu tēnāśu sakhījanasamāvr̥tā |
gr̥hītā balavat kubjā sā tadgr̥hamanādayat || 12 ||
tataḥ subhr̥śa santaptastasyāḥ sarvaḥ sakhījanaḥ |
kruddhamājñāya śatrughnaṁ vyapalāyata sarvaśaḥ || 13 ||
āmantrayata kr̥tsnaśca tasyāḥ sarvasakhījanaḥ |
yathā:’yaṁ samupakrāntarniśśēṣaṁ naḥ kariṣyati || 14 ||
sānukrōśāṁ vadānyāṁ ca dharmajñāṁ ca yaśasvinīm |
kausalyāṁ śaraṇaṁ yāmaḥ sā hi nō:’stu dhruvā gatiḥ || 15 ||
sa ca rōṣēṇa tāmrākṣaḥ śatrughnaḥ śatrutāpanaḥ |
vicakarṣa tadā kubjāṁ krōśantīṁ dharaṇītalē || 16 ||
tasyā hyākr̥ṣyamāṇāyā mantharāyāstatastataḥ |
citraṁ bahuvidhaṁ bhāṇḍaṁ pr̥thivyāṁ tadvyaśīryata || 17 ||
tēna bhāṇḍēna saṁstīrṇaṁ śrīmadrājanivēśanam |
aśōbhata tadā bhūyaḥ śāradaṁ gaganaṁ yathā || 18 ||
sa balī balavatkrōdhādgr̥hītvā puruṣarṣabhaḥ |
kaikēyīmabhinirbhartsya babhāṣē paruṣaṁ vacaḥ || 19 ||
taiḥ vākyaiḥ paruṣairduḥkhaiḥ kaikēyī bhr̥śaduḥkhitā |
śatrughnabhayasantrastā putraṁ śaraṇamāgatā || 20 ||
tāṁ prēkṣya bharataḥ kruddhaṁ śatrughnamidamabravīt |
avadhyāḥ sarvabhūtānāṁ pramadāḥ kṣamyatāmiti || 21 ||
hanyāmahamimāṁ pāpāṁ kaikēyīṁ duṣṭacāriṇīm |
yadi māṁ dhārmikō rāmarnāsūyēnmātr̥ ghātakam || 22 ||
imāmapi hatāṁ kubjāṁ yadi jānāti rāghavaḥ |
tvāṁ ca māṁ caiva dharmātmā nābhibhāṣiṣyatē dhruvam || 23 ||
bharatasya vacaḥ śrutvā śatrughnaḥ lakṣmaṇānujaḥ |
nyavartata tataḥ rōṣāt tāṁ mumōca ca mantharām || 24 ||
sā pādamūlē kaikēyyāḥ mantharā nipapāta ha |
niśśvasantī suduḥkhārtā kr̥paṇaṁ vilalāpa ca || 25 ||
śatrughna vikṣēpa vimūḍhasañjñām
samīkṣya kubjāṁ bharatasya mātā |
śanaiḥ samāśvāsayadārtarūpām
krauñcīṁ vilagnāmiva vīkṣamāṇām || 26 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē aṣṭasaptatitamaḥ sargaḥ || 78 ||
ayōdhyākāṇḍa ēkōnāśītitamaḥ sargaḥ (79) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.