Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ గాయత్రీ స్తోత్రనిధి” పుస్తకములో కూడా ఉన్నది. Click here to buy.]
అమందానందేనామరవరగృహే వాసనిరతాం
నరం గాయంతం యా భువి భవభయాత్త్రాయత ఇహ |
సురేశైః సంపూజ్యాం మునిగణనుతాం తాం సుఖకరీం
నమామో గాయత్రీం నిఖిలమనుజాఘౌఘశమనీమ్ || ౧ ||
అవామా సంయుక్తం సకలమనుజైర్జాప్యమభితీ
హ్యపాయాత్పాయాద్భూరథ భువి భువః స్వః పదమితి |
పదం తన్మే పాదావవతు సవితుశ్చైవ జఘనే
వరేణ్యం శ్రోణిం మే సతతమవతాన్నాభిమపి చ || ౨ ||
పదం భర్గో దేవస్య మమ హృదయం ధీమహి తథా
గలం పాయాన్నిత్యం ధియ ఇహ పదం చైవ రసనామ్ |
తథా నేత్రే యోఽవ్యాదలకమవతాన్నః పదమితి
శిరోదేశం పాయాన్మమ తు పరితశ్చాంతిమపదమ్ || ౩ ||
అయే దివ్యే దేవి త్రిదశనివహైర్వందితపదే
న శేకుస్త్వాం స్తోతుం భగవతి మహాంతోఽపి మునయః |
కథంకారం తర్హిస్తుతితతిరియం మే శుభతరా
తథా పూర్ణా భూయాత్ త్రుటిపరియుతా భావరహితా || ౪ ||
భజంతం నిర్వ్యాజం తవ సుఖదమంత్రం విజయినం
జనం యావజ్జీవం జపతి జనని త్వం సుఖయసి |
న వా కామం కాచిత్ కలుషకణికాఽపి స్పృశతి తం
సంసారం సంసారం సరతి సహసా తస్య సతతమ్ || ౫ ||
దధానాం హ్యాధానం సితకువలయాస్ఫాలనరుచాం
స్వయం విభ్రాజంతీం త్రిభువనజనాహ్లాదనకరీమ్ |
అలం చాలం చాలం మమ చకితచిత్తం సుచపలం
చలచ్చంద్రాస్యే త్వద్వదనరుచమాచామయ చిరమ్ || ౬ ||
లలామే భాలే తే బహుతర విశాలేఽతి విమలే
కలా చంచచ్చాంద్రీ రుచిరతిలకావేందుకలయా |
నితాంతం గోమాయా నివిడ తమసో నాశ వ్యసనా
తమో మే గాఢం హి హృదయసదనస్థం గ్లపయతు || ౭ ||
అయే మాతః కిం తే చరణ శరణం సంశ్రయవతాం
జనానామంతస్థో వృజిన హుతభుక్ ప్రజ్వలతి యః |
తదస్యాశు సమ్యక్ ప్రశమనహితాయైవ విధృతం
కరే పాత్రం పుణ్యం సలిలభరితం కాష్ఠరచితమ్ || ౮ ||
అథాహోస్విన్మాతః సరిదధిపతేః సారమఖిలం
సుధారూపం కూపం లఘుతరమనూపం కలయతి |
స్వభక్తేభ్యో నిత్యం వితరసి జనోద్ధారిణి శుభే
విహీనే దీనేఽస్మిన్ మయ్యపి సకరుణాం కురు కృపామ్ || ౯ ||
సదైవ త్వత్పాణౌ విధృతమరవిందం ద్యుతికరం
త్విదం దర్శం దర్శం రవిశశిసమం నేత్రయుగళమ్ |
విచింత్య స్వాం వృత్తిం భ్రమవిషమజాలేఽస్తి పతితం
ఇదం మన్యే నో చేత్ కథమితి భవేదర్ధవికచమ్ || ౧౦ ||
స్వయం మాతః కిం వా త్వమసి జలజానామపి ఖని-
-ర్యతస్తే సర్వాంగం కమలమయమేవాస్తి కిము నో |
తథా భీత్యా తస్మాచ్ఛరణముపయాతః కమలరాట్
ప్రయుంజానోఽశ్రాంతం భవతి తదిహైవాసనవిధౌ || ౧౧ ||
దివౌకోభిర్వంద్యే వికసిత సరోజాక్షి సుఖదే
కృపాదృష్టేర్వృష్టిః సునిపతతి యస్యోపరి తవ |
తదీయాం వాంఛాం హి ద్రుతమను విదధాసి సఫలాం
అతోమంతోస్తంతూన్ మమ సపది ఛిత్వాఽంబ సుఖయ || ౧౨ ||
కరేఽక్షాణాం మాలా ప్రవిలసతి యా తేఽతివిమలే
కిమర్థం సా కాన్ వా గణయసి జనాన్ భక్తి నిరతాన్ |
జపంతీ కం మంత్రం ప్రశమయసి దుఃఖం జనిజుషా
మయే కా వా వాంఛా భవతి తవ త్వత్ర సువరదే || ౧౩ ||
న మన్యే ధన్యేఽహం త్వవితథమిదం లోకగదితం
మమాత్రోక్తిర్మత్వా కమలపతి ఫుల్లం తవ కరమ్ |
విజృంభా సంయుక్త ద్యుతిమిదమభి కోకనదమి-
-త్యరం జానానేయం మధుకరతతి సంవిలసతి || ౧౪ ||
మహామోహాంభోధౌ మమ నిపతితా జీవనతరి-
-ర్నిరాలంబా దోలా చలతి దురవస్థామధిగతా |
జలావర్త వ్యాలో గ్రసితుమభితో వాంఛతి చ తాం
కరాలంబం దత్వా భగవతి ద్రుతం తారయ శివే || ౧౫ ||
దధానాసిత్వం యత్ స్వవపుషి పయోధార యుగల-
-మితి శ్రుత్వా లోకైర్మమ మనసి చింతా సమభవత్ |
కథం స్యాత్ సా తస్మాదలక లతికా మస్తక భువి
శిరోద్యౌ హృద్యేయం జలదపటలీ ఖేలతి కిల || ౧౬ ||
తథా తత్రైవోపస్థితమపి నిశీథిన్యధిపతేః
ప్రపశ్యామి శ్యామే సహ సహచరైస్తారక గణైః |
అహోరాత్ర క్రీడా పరవశమితాస్తేఽపి చకితా-
-శ్చిరం చిక్రీడంతే తదపి మహదాశ్చర్యచరితమ్ || ౧౭ ||
యదాహుస్తం ముక్తా పటల జటితం రత్నముకుటం
న ధత్తే తేషాం సా వచనరచనా సాధుపదవీమ్ |
నిశైషా కేశాస్తు నహి విగత వేశా ధ్రువమితి
ప్రసన్నాఽధ్యాసన్నా విధుపరిషదేషా విలసతి || ౧౮ ||
త్రిబీజే హే దేవి త్రిప్రణవసహితే త్ర్యక్షరయుతే
త్రిమాత్రా రాజంతే భువనవిభవే హ్యోమితిపదే |
త్రికాలం సంసేవ్యే త్రిగుణవతి చ త్రిస్వరమయి
త్రిలోకేశైః పూజ్యే త్రిభువనభయాత్త్రాహి సతతమ్ || ౧౯ ||
న చంద్రో నైవేమే నభసి వితతా తారకగణాః
త్విషాం రాశీ రమ్యా తవ చరణయోరంబునిచయే |
పతిత్వా కల్లోలైః సహ పరిచయాద్విస్తృతిమితా
ప్రభా సైవాఽనంతా గగనముకురే దీవ్యతి సదా || ౨౦ ||
త్వమేవ బ్రహ్మాణీ త్వమసి కమలా త్వం నగసుతా
త్రిసంధ్యం సేవంతే చరణయుగళం యే తవ జనాః |
జగజ్జాలే తేషాం నిపతిత జనానామిహ శుభే
సముద్ధారార్థం కిం మతిమతి మతిస్తే న భవతి || ౨౧ ||
అనేకైః పాపౌఘైర్లులిత వపుషం శోక సహితం
లుఠంతం దీనం మాం విమల పదయో రేణుషు తవ |
గలద్బాష్పం శశ్వద్ జనని సహసాశ్వాసనవచో
బ్రువాణోత్తిష్ఠ త్వం అమృతకణికాం పాస్యసి కదా || ౨౨ ||
న వా మాదృక్ పాపీ న హి తవ సమా పాపహరణీ
న దుర్బుద్ధిర్మాదృక్ న చ తవ సమా ధీ వితరిణీ |
న మాదృగ్ గర్విష్ఠో న హి తవ సమా గర్వహరణీ
హృది స్మృత్వా హ్యేవం మయి కురు యథేచ్ఛా తవ యథా || ౨౩ ||
దరీధర్తి స్వాంతేఽక్షర వర చతుర్వింశతిమితం
త్వదంతర్మంత్రం యత్త్వయి నిహిత చేతో హి మనుజః |
సమంతాద్భాస్వంతం భవతి భువి సంజీవనవనం
భవాంభోధేః పారం వ్రజతి స నితరాం సుఖయుతః || ౨౪ ||
భగవతి లహరీయం రుద్రదేవ ప్రణీతా
తవ చరణసరోజే స్థాప్యతే భక్తిభావైః |
కుమతితిమిరపంకస్యాంకమగ్నం సశంకం
అయి ఖలు కురు దత్వా వీతశంకం స్వమంకమ్ || ౨౫ ||
ఇతి శ్రీ రుద్రదేవ విరచిత శ్రీ గాయత్రీ లహరీ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గాయత్రీ స్తోత్రనిధి
(నిత్య పారాయణ గ్రంథము)
మరిన్ని శ్రీ గాయత్రీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.