Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀ ಆದಿತ್ಯಕವಚಸ್ತೋತ್ರಮಹಾಮಂತ್ರಸ್ಯ ಅಗಸ್ತ್ಯೋ ಭಗವಾನೃಷಿಃ ಅನುಷ್ಟುಪ್ಛಂದಃ ಆದಿತ್ಯೋ ದೇವತಾ ಶ್ರೀಂ ಬೀಜಂ ಣೀಂ ಶಕ್ತಿಃ ಸೂಂ ಕೀಲಕಂ ಮಮ ಆದಿತ್ಯಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಧ್ಯಾನಂ –
ಜಪಾಕುಸುಮಸಂಕಾಶಂ ದ್ವಿಭುಜಂ ಪದ್ಮಹಸ್ತಕಮ್ |
ಸಿಂದೂರಾಂಬರಮಾಲ್ಯಂ ಚ ರಕ್ತಗಂಧಾನುಲೇಪನಮ್ || ೧ ||
ಮಾಣಿಕ್ಯರತ್ನಖಚಿತಸರ್ವಾಭರಣಭೂಷಿತಮ್ |
ಸಪ್ತಾಶ್ವರಥವಾಹಂ ತು ಮೇರುಂ ಚೈವ ಪ್ರದಕ್ಷಿಣಮ್ || ೨ ||
ದೇವಾಸುರವರೈರ್ವಂದ್ಯಂ ಘೃಣಿಭಿಃ ಪರಿಸೇವಿತಮ್ |
ಧ್ಯಾಯೇತ್ ಪಠೇತ್ ಸುವರ್ಣಾಭಂ ಸೂರ್ಯಸ್ಯ ಕವಚಂ ಮುದಾ || ೩ ||
ಅಥ ಕವಚಂ –
ಘೃಣಿಃ ಪಾತು ಶಿರೋದೇಶೇ ಸೂರ್ಯಃ ಪಾತು ಲಲಾಟಕಮ್ |
ಆದಿತ್ಯೋ ಲೋಚನೇ ಪಾತು ಶ್ರುತೀ ಪಾತು ದಿವಾಕರಃ || ೪ ||
ಘ್ರಾಣಂ ಪಾತು ಸದಾ ಭಾನುಃ ಮುಖಂ ಪಾತು ಸದಾ ರವಿಃ |
ಜಿಹ್ವಾಂ ಪಾತು ಜಗನ್ನೇತ್ರಃ ಕಂಠಂ ಪಾತು ವಿಭಾವಸುಃ || ೫ ||
ಸ್ಕಂಧೌ ಗ್ರಹಪತಿಃ ಪಾತು ಭುಜೌ ಪಾತು ಪ್ರಭಾಕರಃ |
ಕರಾವಬ್ಜಕರಃ ಪಾತು ಹೃದಯಂ ಪಾತು ನಭೋಮಣಿಃ || ೬ ||
ದ್ವಾದಶಾತ್ಮಾ ಕಟಿಂ ಪಾತು ಸವಿತಾ ಪಾತು ಸಕ್ಥಿನೀ |
ಊರೂ ಪಾತು ಸುರಶ್ರೇಷ್ಠೋ ಜಾನುನೀ ಪಾತು ಭಾಸ್ಕರಃ || ೭ ||
ಜಂಘೇ ಮೇ ಪಾತು ಮಾರ್ತಾಂಡೋ ಗುಲ್ಫೌ ಪಾತು ತ್ವಿಷಾಂ ಪತಿಃ |
ಪಾದೌ ದಿನಮಣಿಃ ಪಾತು ಪಾತು ಮಿತ್ರೋಽಖಿಲಂ ವಪುಃ || ೮ ||
ಆದಿತ್ಯಕವಚಂ ಪುಣ್ಯಮಭೇದ್ಯಂ ವಜ್ರಸನ್ನಿಭಮ್ |
ಸರ್ವರೋಗಭಯಾದಿಭ್ಯೋ ಮುಚ್ಯತೇ ನಾತ್ರ ಸಂಶಯಃ || ೯ ||
ಸಂವತ್ಸರಮುಪಾಸಿತ್ವಾ ಸಾಮ್ರಾಜ್ಯಪದವೀಂ ಲಭೇತ್ |
ಅಶೇಷರೋಗಶಾಂತ್ಯರ್ಥಂ ಧ್ಯಾಯೇದಾದಿತ್ಯಮಂಡಲಮ್ || ೧೦ ||
ಆದಿತ್ಯ ಮಂಡಲ ಸ್ತುತಿಃ –
ಅನೇಕರತ್ನಸಂಯುಕ್ತಂ ಸ್ವರ್ಣಮಾಣಿಕ್ಯಭೂಷಣಮ್ |
ಕಲ್ಪವೃಕ್ಷಸಮಾಕೀರ್ಣಂ ಕದಂಬಕುಸುಮಪ್ರಿಯಮ್ || ೧೧ ||
ಸಿಂದೂರವರ್ಣಾಯ ಸುಮಂಡಲಾಯ
ಸುವರ್ಣರತ್ನಾಭರಣಾಯ ತುಭ್ಯಮ್ |
ಪದ್ಮಾದಿನೇತ್ರೇ ಚ ಸುಪಂಕಜಾಯ
ಬ್ರಹ್ಮೇಂದ್ರ-ನಾರಾಯಣ-ಶಂಕರಾಯ || ೧೨ ||
ಸಂರಕ್ತಚೂರ್ಣಂ ಸಸುವರ್ಣತೋಯಂ
ಸಕುಂಕುಮಾಭಂ ಸಕುಶಂ ಸಪುಷ್ಪಮ್ |
ಪ್ರದತ್ತಮಾದಾಯ ಚ ಹೇಮಪಾತ್ರೇ
ಪ್ರಶಸ್ತನಾದಂ ಭಗವನ್ ಪ್ರಸೀದ || ೧೩ ||
ಇತಿ ಶ್ರೀ ಆದಿತ್ಯ ಕವಚಮ್ |
ಇನ್ನಷ್ಟು ಶ್ರೀ ಸೂರ್ಯ ಸ್ತೋತ್ರಗಳು ನೋಡಿ. ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.