Read in తెలుగు / ಕನ್ನಡ / தமிழ் / देवनागरी / English (IAST)
|| rāvaṇābhyarthanā ||
sa tu rākṣasaśārdūlō nidrāmadasamākulaḥ |
rājamārgaṁ śriyā juṣṭaṁ yayau vipulavikramaḥ || 1 ||
rākṣasānāṁ sahasraiśca vr̥taḥ paramadurjayaḥ |
gr̥hēbhyaḥ puṣpavarṣēṇa kīryamāṇastadā yayau || 2 ||
sa hēmajālavitataṁ bhānubhāsvaradarśanam |
dadarśa vipulaṁ ramyaṁ rākṣasēndranivēśanam || 3 ||
sa tattadā sūrya ivābhrajālaṁ
praviśya rakṣō:’dhipatērnivēśam |
dadarśa dūrē:’grajamāsanasthaṁ
svayambhuvaṁ śakra ivāsanastham || 4 ||
bhrātuḥ sa bhavanaṁ gacchanrakṣōgaṇasamanvitam |
kumbhakarṇaḥ padanyāsairakampayata mēdinīm || 5 ||
sō:’bhigamya gr̥haṁ bhrātuḥ kakṣyāmabhivigāhya ca |
dadarśōdvignamāsīnaṁ vimānē puṣpakē gurum || 6 ||
atha dr̥ṣṭvā daśagrīvaḥ kumbhakarṇamupasthitam |
tūrṇamutthāya saṁhr̥ṣṭaḥ sannikarṣamupānayat || 7 ||
athāsīnasya paryaṅkē kumbhakarṇō mahābalaḥ |
bhrāturvavandē caraṇau kiṁ kr̥tyamiti cābravīt || 8 ||
utpatya cainaṁ muditō rāvaṇaḥ pariṣasvajē |
sa bhrātrā sampariṣvaktō yathāvacchābhinanditaḥ || 9 ||
kumbhakarṇaḥ śubhaṁ divyaṁ pratipēdē varāsanam |
sa tadāsanamāśritya kumbhakarṇō mahābalaḥ || 10 ||
saṁraktanayanaḥ kōpādrāvaṇaṁ vākyamabravīt |
kimarthamahamādr̥tya tvayā rājanvibōdhitaḥ || 11 ||
śaṁsa kasmādbhayaṁ tē:’sti kō:’dya prētō bhaviṣyati |
bhrātaraṁ rāvaṇaḥ kuddhaṁ kumbhakarṇamavasthitam || 12 ||
īṣattu parivr̥ttābhyāṁ nētrābhyāṁ vākyamabravīt |
adya tē sumahānkālaḥ śayānasya mahābala || 13 ||
sukhitastvaṁ na jānīṣē mama rāmakr̥taṁ bhayam |
ēṣa dāśarathī rāmaḥ sugrīvasahitō balī || 14 ||
samudraṁ sabalastīrtvā mūlaṁ naḥ parikr̥ntati |
hanta paśyasva laṅkāyāṁ vanānyupavanāni ca || 15 ||
sētunā sukhamāgamya vānaraikārṇavīkr̥tam |
yē rakṣasāṁ mukhyatamā hatāstē vānarairyudhi || 16 ||
vānarāṇāṁ kṣayaṁ yuddhē na paśyāmi kadācana |
na cāpi vānarā yuddhē jitapūrvāḥ kadācana || 17 ||
tadētadbhayamutpannaṁ trāyasvēmāṁ mahābala |
nāśaya tvamimānadya tadarthaṁ bōdhitō bhavān || 18 ||
sarvakṣapitakōśaṁ ca sa tvamabhyavapadya mām |
trāyasvēmāṁ purīṁ laṅkāṁ bālavr̥ddhāvaśēṣitām || 19 ||
bhrāturarthē mahābāhō kuru karma suduṣkaram |
mayaivaṁ nōktapūrvō hi kaccidbhrātaḥ parantapa || 20 ||
tvayyasti tu mama snēhaḥ parā sambhāvanā ca mē |
daivāsurēṣu yuddhēṣu bahuśō rākṣasarṣabha || 21 ||
tvayā dēvāḥ prativyūhya nirjitāścāsurā yudhi |
tadētatsarvamātiṣṭha vīryaṁ bhīmaparākrama |
na hi tē sarvabhūtēṣu dr̥śyatē sadr̥śō balī || 22 ||
kuruṣva mē priyahitamētaduttamaṁ
yathāpriyaṁ priyaraṇa bāndhavapriya |
svatējasā vidhama sapatnavāhinīṁ
śaradghanaṁ pavana ivōdyatō mahān || 23 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē dviṣaṣṭitamaḥ sargaḥ || 62 ||
yuddhakāṇḍa triṣaṣṭitamaḥ sargaḥ (63) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.