Read in తెలుగు / ಕನ್ನಡ / தமிழ் / देवनागरी / English (IAST)
|| sārathivijñēyam ||
sa tu mōhātsusaṅkruddhaḥ kr̥tāntabalacōditaḥ |
krōdhasaṁraktanayanō rāvaṇaḥ sūtamabravīt || 1 ||
hīnavīryamivāśaktaṁ pauruṣēṇa vivarjitam |
bhīruṁ laghumivāsattvaṁ vihīnamiva tējasā || 2 ||
vimuktamiva māyābhirastrairiva bahiṣkr̥tam |
māmavajñāya durbuddhē svayā buddhyā vicēṣṭasē || 3 ||
kimarthaṁ māmavajñāya macchandamanavēkṣya ca |
tvayā śatrōḥ samakṣaṁ mē rathō:’yamapavāhitaḥ || 4 ||
tvayā:’dya hi mamānārya cirakālasamārjitam |
yaśō vīryaṁ ca tējaśca pratyayaśca vināśitaḥ || 5 ||
śatrōḥ prakhyātavīryasya rañjanīyasya vikramaiḥ |
paśyatō yuddhalubdhō:’haṁ kr̥taḥ kāpuruṣastvayā || 6 ||
yastvaṁ rathamimaṁ mōhānna cōdvahasi durmatē |
satyō:’yaṁ pratitarkō mē parēṇa tvamupaskr̥taḥ || 7 ||
na hi tadvidyatē karma suhr̥dō hitakāṅkṣiṇaḥ |
ripūṇāṁ sadr̥śaṁ caitanna tvayaitatsvanuṣṭhitam || 8 ||
nivartaya rathaṁ śīghraṁ yāvannōpaiti mē ripuḥ |
yadi vā:’dhyuṣitō vā:’si smaryantē yadi vā guṇāḥ || 9 ||
ēvaṁ paruṣamuktastu hitabuddhirabuddhinā |
abravīdrāvaṇaṁ sūtō hitaṁ sānunayaṁ vacaḥ || 10 ||
na bhītō:’smi na mūḍhō:’smi nōpajaptō:’smi śatrubhiḥ |
na pramattō na niḥsnēhō vismr̥tā na ca satkriyā || 11 ||
mayā tu hitakāmēna yaśaśca parirakṣatā |
snēhapraskannamanasā priyamityapriyaṁ kr̥tam || 12 ||
nāsminnarthē mahārāja tvaṁ māṁ priyahitē ratam |
kaścillaghurivānāryō dōṣatō gantumarhasi || 13 ||
śrūyatāṁ tvabhidhāsyāmi yannimittaṁ mayā rathaḥ |
nadīvēga ivābhōgē samyugē vinivartitaḥ || 14 ||
śramaṁ tavāvagacchāmi mahatā raṇakarmaṇā |
na hi tē vīra saumukhyaṁ praharṣaṁ vōpadhārayē || 15 ||
rathōdvahanakhinnāśca ta imē rathavājinaḥ |
dīnā gharmapariśrāntā gāvō varṣahatā iva || 16 ||
nimittāni ca bhūyiṣṭhaṁ yāni prādurbhavanti naḥ |
tēṣu tēṣvabhipannēṣu lakṣayāmyapradakṣiṇam || 17 ||
dēśakālau ca vijñēyau lakṣaṇānīṅgitāni ca |
dainyaṁ khēdaśca harṣaśca rathinaśca balābalam || 18 ||
sthalanimnāni bhūmēśca samāni viṣamāṇi ca |
yuddhakālaśca vijñēyaḥ parasyāntaradarśanam || 19 ||
upayānāpayānē ca sthānaṁ pratyapasarpaṇam |
sarvamētadrathasthēna jñēyaṁ rathakuṭumbinā || 20 ||
tava viśramahētōśca tathaiṣāṁ rathavājinām |
raudraṁ varjayatā khēdaṁ kṣamaṁ kr̥tamidaṁ mayā || 21 ||
na mayā svēcchayā vīra rathō:’yamapavāhitaḥ |
bhartr̥snēhaparītēna mayēdaṁ yatkr̥taṁ vibhō || 22 ||
ājñāpaya yathātattvaṁ vakṣyasyariniṣūdana |
tatkariṣyāmyahaṁ vīra gatānr̥ṇyēna cētasā || 23 ||
santuṣṭastēna vākyēna rāvaṇastasya sārathēḥ |
praśasyainaṁ bahuvidhaṁ yuddhalubdhō:’bravīdidam || 24 ||
rathaṁ śīghramimaṁ sūta rāghavābhimukhaṁ kuru |
nāhatvā samarē śatrūnnivartiṣyati rāvaṇaḥ || 25 ||
ēvamuktvā tatastuṣṭō rāvaṇō rākṣasēśvaraḥ |
dadau tasmai śubhaṁ hyēkaṁ hastābharaṇamuttamam |
śrutvā rāvaṇavākyaṁ tu sārathiḥ sannyavartata || 26 ||
tatō drutaṁ rāvaṇavākyacōditaḥ
pracōdayāmāsa hayānsa sārathiḥ |
sa rākṣasēndrasya tatō mahārathaḥ
kṣaṇēna rāmasya raṇāgratō:’bhavat || 27 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē ṣaḍuttaraśatatamaḥ sargaḥ || 106 ||
yuddhakāṇḍa saptōttaraśatatamaḥ sargaḥ (107) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.