Read in తెలుగు / ಕನ್ನಡ / தமிழ் / देवनागरी / English (IAST)
atha vāmadēvaḥ paramēśvaraṁ sr̥ṣṭisthitilayakāraṇamumāsahitaṁ svaśirasā praṇamyēti hōvāca | adhīhi bhagavan sarvavidyāṁ sarvarahasyavariṣṭhāṁ sadā sadbhiḥ pūjyamānā nigūḍhām | kayā ca pūjayā sarvapāpaṁ vyapōhya parātpara śivasāyujyamāpnōti? kēnaikēna vastunā muktō bhavati ? taṁ hōvāca bhagavān sadāśivaḥ ||
na vaktavyaṁ na vaktavyaṁ na vaktavyaṁ kadācana |
matsvarūpastvayaṁ jñēyō bilvavr̥kṣō vidhānataḥ |
ēkēna bilvapatrēṇa santuṣṭō:’smi mahāmunē ||
iti bruvantaṁ paramēśvaraṁ punaḥ praṇamyēti hōvāca ||
bhagavan sarvalōkēśa satyajñānādilakṣaṇa |
kathaṁ pūjā prakartavyā tāṁ vadasva dayānidhē ||
iti punaḥ pr̥cchantaṁ vāmadēvamāliṅgyēti hōvāca ||
buddhimāṁstvamiti jñātvā vakṣyāmi munisattama |
mama priyēṇa bilvēna tvaṁ kuruṣva madarcanam ||
dravyāṇāmuttamairlōkē mama pūjāvidhau tava |
patrapuṣpākṣatairdivyairbilvapatraiḥ samarcaya ||
bilvapatraṁ vinā pūjā vyarthā bhavati sarvadā |
mama rūpamiti jñēyaṁ sarvarūpaṁ tadēva hi ||
prātaḥ snātvā vidhānēna sandhyākarma samāpya ca |
bhūtirudrākṣabharaṇa udīcīṁ diśamāśrayēt ||
sadyōjātādibhirmantrairnamaskr̥tya punaḥ punaḥ |
pradakṣiṇatrayaṁ kr̥tvā śivarūpamiti sphuṭam ||
dēvīṁ dhyāyēttathā vr̥kṣē viṣṇurūpaṁ ca sarvadā |
brahmarūpaṁ ca vijñēyaṁ sarvarūpaṁ vibhāvayēt ||
vāmadakṣiṇamadhyasthaṁ brahmaviṣṇuśivātmakam |
indrādayaśca yakṣāntā vr̥ntabhāgē vyavasthitāḥ ||
pr̥ṣṭhabhāgē:’mr̥taṁ yasmādarcayēnmama tuṣṭayē |
uttānabilvapatraṁ ca yaḥ kuryānmama mastakē ||
mama sāyujyamāpnōti nātra kāryā vicāraṇā |
trimūrtistriguṇaṁ bailvamagnirūpaṁ tathaiva ca |
brahmarūpaṁ kalārūpaṁ vēdarūpaṁ mahāmunē ||
purātanō:’haṁ puruṣō:’hamīśō hiraṇmayō:’haṁ śivarūpamasmi |
sabilvarūpaṁ saguṇātmarūpaṁ trimūrtirūpaṁ śivarūpamasmi ||
pr̥ṣṭhabhāgē:’mr̥taṁ nyastaṁ dēvairbrahmādibhiḥ purā |
uttānabilvapatrēṇa pūjayēt sarvasiddhayē ||
tasmāt sarvaprayatnēna bilvapatraiḥ sadārcaya |
bilvapatraṁ vinā vastu nāsti kiñcittavānagha ||
tasmāt sarvaprayatnēna bilvapatraiḥ sadārcaya |
uttānapatrapūjāṁ ca yaḥ kuryānmama mastakē ||
iha lōkē:’khilaṁ saukhyaṁ prāpnōtyantē purē mama |
tiṣṭhatyēva mahāvīraḥ punarjanmavivarjitaḥ ||
sōdakairbilvapatraiśca yaḥ kuryānmama pūjanam |
mama sānnidhyamāpnōti pramathaiḥ saha mōdatē ||
satyaṁ satyaṁ punaḥ satyamuddhr̥tya bhujamucyatē |
bilvapūjanatō lōkē matpūjāyāḥ parā na hi ||
trisuparṇaṁ trir̥cāṁ rūpaṁ trisuparṇaṁ trayīmayam |
triguṇaṁ trijaganmūrtitrayaṁ śaktitrayaṁ tridr̥k ||
kālatrayaṁ ca savanatrayaṁ liṅgatrayaṁ tripāt |
tējastrayamakārōkāramakārapraṇavātmakam ||
dēvēṣu brāhmaṇō:’haṁ hi trisuparṇamayācitam |
mahyaṁ vai brāhmaṇāyēdaṁ mayā vijñaptakāmikam ||
dadyādbrahmabhrūṇavīrahatyāyāścānyapātakaiḥ |
muktō:’khaṇḍānandabōdhō brahmabhūyāya kalpatē ||
trisuparṇōpaniṣadaḥ paṭhanātpaṅktipāvanaḥ |
bōdhakō hyā sahasrādvai paṅktiṁ pāvayatē dhruvam ||
trisuparṇaśrutirhyēṣā niṣkr̥tau tridalē ratā |
śraddhatsva vidvannādyaṁ taditi vēdānuśāsanam ||
akhaṇḍānandasaṁbōdhamayō yasmādahaṁ munē |
vinyastāmr̥tabhāgēna suparṇēnāvakuṇṭhaya ||
amr̥taṁ mōkṣavācantu tēnāsmadavakuṇṭhanāt |
prāpyētē bhōgamōkṣau hi sthityantē madanugrahāt ||
uttānabhāgaparṇēna mūrdhni mē nyubjamarpayēt |
mōkṣē:’mr̥tāvakuṇṭhō:’haṁ bhavēyaṁ tava kāmadhuk ||
yēna kēna prakārēṇa bilvakēnāpi māṁ yaja |
tīrthadānatapōyōgasvādhyāyā naiva tatsamāḥ ||
bilvaṁ vidhānataḥ sthāpya vardhayitvā ca taddalaiḥ |
yaḥ pūjayati māṁ bhaktyā sō:’hamēva na saṁśayaḥ ||
ya ētadadhītē brahmahā:’brahmahā bhavati | svarṇastēyyastēyī bhavati | surāpāyyapāyī bhavati | guruvadhūgāmyagāmī bhavati | mahāpātakōpapātakēbhyaḥ pūtō bhavati | na ca punarāvartatē | na ca punarāvartatē | na ca punarāvartatē | ōṁ satyam ||
iti bilvōpaniṣat samāptā |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.