Read in తెలుగు / ಕನ್ನಡ / தமிழ் / देवनागरी / English (IAST)
|| vāsiṣṭhaśāpaḥ ||
uktavākyaṁ tu rājānaṁ kr̥payā kuśikātmajaḥ |
abravīnmadhuraṁ vākyaṁ sākṣāccaṇḍālarūpiṇam || 1 ||
aikṣvāka svāgataṁ vatsa jānāmi tvāṁ sudhārmikam |
śaraṇaṁ tē bhaviṣyāmi mā bhaiṣīrnr̥papuṅgava || 2 ||
ahamāmantrayē sarvānmaharṣīnpuṇyakarmaṇaḥ |
yajñasāhyakarānrājaṁstatō yakṣyasi nirvr̥taḥ || 3 ||
guruśāpakr̥taṁ rūpaṁ yadidaṁ tvayi vartatē |
anēna saha rūpēṇa saśarīrō gamiṣyasi || 4 ||
hastaprāptamahaṁ manyē svargaṁ tava narādhipa |
yastvaṁ kauśikamāgamya śaraṇyaṁ śaraṇāgataḥ || 5 ||
ēvamuktvā mahātējāḥ putrānparamadhārmikān |
vyādidēśa mahāprājñānyajñasambhārakāraṇāt || 6 ||
sarvān śiṣyānsamāhūya vākyamētaduvāca ha |
sarvānr̥ṣigaṇān vatsā ānayadhvaṁ mamājñayā || 7 ||
saśiṣyasuhr̥daścaiva sartvijaḥ subahuśrutān |
yadanyō vacanaṁ brūyānmadvākyabalacōditaḥ || 8 ||
tatsarvamakhilēnōktaṁ mamākhyēyamanādr̥tam |
tasya tadvacanaṁ śrutvā diśō jagmustadājñayā || 9 ||
ājagmuratha dēśēbhyaḥ sarvēbhyō brahmavādinaḥ |
tē ca śiṣyāḥ samāgamya muniṁ jvalitatējasam || 10 ||
ūcuśca vacanaṁ sarvē sarvēṣāṁ brahmavādinām |
śrutvā tē vacanaṁ sarvē samāyānti dvijātayaḥ || 11 ||
sarvadēśēṣu cāgacchanvarjayitvā mahōdayam |
vāsiṣṭhaṁ tacchataṁ sarvaṁ krōdhaparyākulākṣaram || 12 ||
yadāha vacanaṁ sarvaṁ śr̥ṇu tvaṁ munipuṅgava |
kṣatriyō yājakō yasya caṇḍālasya viśēṣataḥ || 13 ||
kathaṁ sadasi bhōktārō havistasya surarṣayaḥ |
brāhmaṇā vā mahātmānō bhuktvā caṇḍālabhōjanam || 14 ||
kathaṁ svargaṁ gamiṣyanti viśvāmitrēṇa pālitāḥ |
ētadvacananaiṣṭhuryamūcuḥ saṁraktalōcanāḥ || 15 ||
vāsiṣṭhā muniśārdūla sarvē tē samahōdayāḥ |
tēṣāṁ tadvacanaṁ śrutvā sarvēṣāṁ munipuṅgavaḥ || 16 ||
krōdhasaṁraktanayanaḥ sarōṣamidamabravīt |
yē dūṣayantyaduṣṭaṁ māṁ tapa ugraṁ samāsthitam || 17 ||
bhasmībhūtā durātmānō bhaviṣyanti na saṁśayaḥ |
adya tē kālapāśēna nītā vaivasvatakṣayam || 18 ||
sapta jātiśatānyēva mr̥tapāḥ santu sarvaśaḥ |
śvamāṁsaniyatāhārā muṣṭikā nāma nirghr̥ṇāḥ || 19 ||
vikr̥tāśca virūpāśca lōkānanucarantvimān |
mahōdayaśca durbuddhirmāmadūṣyaṁ hyadūṣayat || 20 ||
dūṣitaḥ sarvalōkēṣu niṣādatvaṁ gamiṣyati |
prāṇātipātaniratō niranukrōśatāṁ gataḥ || 21 ||
dīrghakālaṁ mama krōdhāddurgatiṁ vartayiṣyati |
ētāvaduktvā vacanaṁ viśvāmitrō mahātapāḥ |
virarāma mahātējā r̥ṣimadhyē mahāmuniḥ || 22 ||
ityārṣē śrīmadrāmāyaṇē vālmīkīyē ādikāvyē bālakāṇḍē ēkōnaṣaṣṭhitamaḥ sargaḥ || 59 ||
bālakāṇḍa ṣaṣṭitamaḥ sargaḥ (60) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.