Read in తెలుగు / ಕನ್ನಡ / தமிழ் / देवनागरी / English (IAST)
|| మహాపార్శ్వవధః ||
మహోదరే తు నిహతే మహాపార్శ్వో మహాబలః |
సుగ్రీవేణ సమీక్ష్యాథ క్రోధాత్సంరక్తలోచనః || ౧ ||
అంగదస్య చమూం భీమాం క్షోభయామాస సాయకైః |
స వానరాణాం ముఖ్యానాముత్తమాంగాని సర్వశః || ౨ ||
పాతయామాస కాయేభ్యః ఫలం వృంతాదివానిలః |
కేషాంచిదిషుభిర్బాహూన్ స్కంధాంశ్చిచ్ఛేద రాక్షసః || ౩ ||
వానరాణాం సుసంక్రుద్ధః పార్శ్వం కేషాం వ్యదారయత్ |
తేఽర్దితా బాణవర్షేణ మహాపార్శ్వేన వానరాః || ౪ ||
విషాదవిముఖాః సర్వే బభూవుర్గతచేతసః |
నిరీక్ష్య బలముద్విగ్నమంగదో రాక్షసార్దితమ్ || ౫ ||
వేగం చక్రే మహాబాహుః సముద్ర ఇవ పర్వణి |
ఆయసం పరిఘం గృహ్య సూర్యరశ్మిసమప్రభమ్ || ౬ ||
సమరే వానరశ్రేష్ఠో మహాపార్శ్వే న్యపాతయత్ |
స తు తేన ప్రహారేణ మహాపార్శ్వో విచేతనః || ౭ ||
ససూతః స్యందనాత్తస్మాద్విసంజ్ఞః ప్రాపతద్భువి |
సర్క్షరాజస్తు తేజస్వీ నీలాంజనచయోపమః || ౮ ||
నిష్పత్య సుమహావీర్యః స్వాద్వ్యూహాన్మేఘసన్నిభాత్ |
ప్రగృహ్య గిరిశృంగాభాం క్రుద్ధః సువిపులాం శిలామ్ || ౯ ||
అశ్వాన్జఘాన తరసా స్యందనం చ బభంజ తమ్ |
ముహూర్తాల్లబ్ధసంజ్ఞస్తు మహాపార్శ్వో మహాబలః || ౧౦ ||
అంగదం బహుభిర్బాణైర్భూయస్తం ప్రత్యవిధ్యత |
జాంబవంతం త్రిభిర్బాణైరాజఘాన స్తనాంతరే || ౧౧ ||
ఋక్షరాజం గవాక్షం చ జఘాన బహుభిః శరైః |
జాంబవంతం గవాక్షం చ స దృష్ట్వా శరపీడితౌ || ౧౨ ||
జగ్రాహ పరిఘం ఘోరమంగదః క్రోధమూర్ఛితః |
తస్యాంగదః ప్రకుపితో రాక్షసస్య తమాయసమ్ || ౧౩ ||
దూరస్థితస్య పరిఘం రవిరశ్మిసమప్రభమ్ |
ద్వాభ్యాం భుజాభ్యాం సంగృహ్య భ్రామయిత్వా చ వేగవాన్ || ౧౪ ||
మహాపార్శ్వస్య చిక్షేప వధార్థం వాలినః సుతః |
స తు క్షిప్తో బలవతా పరిఘస్తస్య రక్షసః || ౧౫ ||
ధనుశ్చ సశరం హస్తాచ్ఛిరస్త్రం చాప్యపాతయత్ |
తం సమాసాద్య వేగేన వాలిపుత్రః ప్రతాపవాన్ || ౧౬ ||
తలేనాభ్యహనత్క్రుద్ధః కర్ణమూలే సకుండలే |
స తు క్రుద్ధో మహావేగో మహాపార్శ్వో మహాద్యుతిః || ౧౭ ||
కరేణైకేన జగ్రాహ సుమహాంతం పరశ్వధమ్ |
తం తైలధౌతం విమలం శైలసారమయం దృఢమ్ || ౧౮ ||
రాక్షసః పరమక్రుద్ధో వాలిపుత్రే న్యపాతయత్ |
తేన వామాంసఫలకే భృశం ప్రత్యవపాదితమ్ || ౧౯ ||
అంగదో మోక్షయామాస సరోషః స పరశ్వధమ్ |
స వీరో వజ్రసంకాశమంగదో ముష్టిమాత్మనః || ౨౦ ||
సంవర్తయత్సుసంక్రుద్ధః పితుస్తుల్యపరాక్రమః |
రాక్షసస్య స్తనాభ్యాశే మర్మజ్ఞో హృదయంప్రతి || ౨౧ ||
ఇంద్రాశనిసమస్పర్శం స ముష్టిం విన్యపాతయత్ |
తేన తస్య నిపాతేన రాక్షసస్య మహామృధే || ౨౨ ||
పఫాల హృదయం చాశు స పపాత హతో భువి |
తస్మిన్నిపతితే భూమౌ తత్సైన్యం సంప్రచుక్షుభే || ౨౩ ||
అభవచ్చ మహాన్క్రోధః సమరే రావణస్య తు |
వానరాణాం చ హృష్టానాం సింహనాదశ్చ పుష్కలః || ౨౪ ||
స్ఫోటయన్నివ శబ్దేన లంకాం సాట్టాలగోపురామ్ |
మహేంద్రేణేవ దేవానాం నాదః సమభవన్మహాన్ || ౨౫ ||
అథేంద్రశత్రుస్త్రిదివాలయానాం
వనౌకసాం చైవ మహాప్రణాదమ్ |
శ్రుత్వా సరోషం యుధి రాక్షసేంద్రః
పునశ్చ యుద్ధాభిముఖోఽవతస్థే || ౨౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే ఏకోనశతతమః సర్గః || ౯౯ ||
యుద్ధకాండ శతతమః సర్గః (౧౦౦) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.