Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಚಾಮುಂಡಾ ಮಾಹಾಮಾಯಾ ಶ್ರೀಮತ್ಸಿಂಹಾಸನೇಶ್ವರೀ |
ಶ್ರೀವಿದ್ಯಾವೇದ್ಯಮಹಿಮಾ ಶ್ರೀಚಕ್ರಪುರವಾಸಿನೀ || ೧ ||
ಶ್ರೀಕಂಠದಯಿತಾ ಗೌರೀ ಗಿರಿಜಾ ಭುವನೇಶ್ವರೀ |
ಮಹಾಕಾಳೀ ಮಹಾಲಕ್ಷ್ಮೀಃ ಮಹಾವಾಣೀ ಮನೋನ್ಮನೀ || ೨ ||
ಸಹಸ್ರಶೀರ್ಷಸಂಯುಕ್ತಾ ಸಹಸ್ರಕರಮಂಡಿತಾ |
ಕೌಸುಂಭವಸನೋಪೇತಾ ರತ್ನಕಂಚುಕಧಾರಿಣೀ || ೩ ||
ಗಣೇಶಸ್ಕಂದಜನನೀ ಜಪಾಕುಸುಮಭಾಸುರಾ |
ಉಮಾ ಕಾತ್ಯಾಯನೀ ದುರ್ಗಾ ಮಂತ್ರಿಣೀ ದಂಡಿನೀ ಜಯಾ || ೪ ||
ಕರಾಂಗುಳಿನಖೋತ್ಪನ್ನನಾರಾಯಣದಶಾಕೃತಿಃ |
ಸಚಾಮರರಮಾವಾಣೀಸವ್ಯದಕ್ಷಿಣಸೇವಿತಾ || ೫ ||
ಇಂದ್ರಾಕ್ಷೀ ಬಗಳಾ ಬಾಲಾ ಚಕ್ರೇಶೀ ವಿಜಯಾಂಬಿಕಾ |
ಪಂಚಪ್ರೇತಾಸನಾರೂಢಾ ಹರಿದ್ರಾಕುಂಕುಮಪ್ರಿಯಾ || ೬ ||
ಮಹಾಬಲಾದ್ರಿನಿಲಯಾ ಮಹಿಷಾಸುರಮರ್ದಿನೀ |
ಮಧುಕೈಟಭಸಂಹರ್ತ್ರೀ ಮಥುರಾಪುರನಾಯಿಕಾ || ೭ ||
ಕಾಮೇಶ್ವರೀ ಯೋಗನಿದ್ರಾ ಭವಾನೀ ಚಂಡಿಕಾ ಸತೀ |
ಚಕ್ರರಾಜರಥಾರೂಢಾ ಸೃಷ್ಟಿಸ್ಥಿತ್ಯಂತಕಾರಿಣೀ || ೮ ||
ಅನ್ನಪೂರ್ಣಾ ಜ್ವಲಜ್ಜಿಹ್ವಾ ಕಾಳರಾತ್ರಿಸ್ವರೂಪಿಣೀ |
ನಿಶುಂಭಶುಂಭದಮನೀ ರಕ್ತಬೀಜನಿಷೂದಿನೀ || ೯ ||
ಬ್ರಾಹ್ಮ್ಯಾದಿಮಾತೃಕಾರೂಪಾ ಶುಭಾ ಷಟ್ಚಕ್ರದೇವತಾ |
ಮೂಲಪ್ರಕೃತಿರೂಪಾಽಽರ್ಯಾ ಪಾರ್ವತೀ ಪರಮೇಶ್ವರೀ || ೧೦ ||
ಬಿಂದುಪೀಠಕೃತಾವಾಸಾ ಚಂದ್ರಮಂಡಲಮಧ್ಯಗಾ |
ಚಿದಗ್ನಿಕುಂಡಸಂಭೂತಾ ವಿಂಧ್ಯಾಚಲನಿವಾಸಿನೀ || ೧೧ ||
ಹಯಗ್ರೀವಾಗಸ್ತ್ಯಪೂಜ್ಯಾ ಸೂರ್ಯಚಂದ್ರಾಗ್ನಿಲೋಚನಾ |
ಜಾಲಂಧರಸುಪೀಠಸ್ಥಾ ಶಿವಾ ದಾಕ್ಷಾಯಣೀಶ್ವರೀ || ೧೨ ||
ನವಾವರಣಸಂಪೂಜ್ಯಾ ನವಾಕ್ಷರಮನುಸ್ತುತಾ |
ನವಲಾವಣ್ಯರೂಪಾಢ್ಯಾ ಜ್ವಲದ್ದ್ವಾತ್ರಿಂಶತಾಯುಧಾ || ೧೩ ||
ಕಾಮೇಶಬದ್ಧಮಾಂಗಳ್ಯಾ ಚಂದ್ರರೇಖಾವಿಭೂಷಿತಾ |
ಚರಾಚರಜಗದ್ರೂಪಾ ನಿತ್ಯಕ್ಲಿನ್ನಾಽಪರಾಜಿತಾ || ೧೪ ||
ಓಡ್ಯಾಣಪೀಠನಿಲಯಾ ಲಲಿತಾ ವಿಷ್ಣುಸೋದರೀ |
ದಂಷ್ಟ್ರಾಕರಾಳವದನಾ ವಜ್ರೇಶೀ ವಹ್ನಿವಾಸಿನೀ || ೧೫ ||
ಸರ್ವಮಂಗಳರೂಪಾಢ್ಯಾ ಸಚ್ಚಿದಾನಂದವಿಗ್ರಹಾ |
ಅಷ್ಟಾದಶಸುಪೀಠಸ್ಥಾ ಭೇರುಂಡಾ ಭೈರವೀ ಪರಾ || ೧೬ ||
ರುಂಡಮಾಲಾಲಸತ್ಕಂಠಾ ಭಂಡಾಸುರವಿಮರ್ದಿನೀ |
ಪುಂಡ್ರೇಕ್ಷುಕಾಂಡಕೋದಂಡಾ ಪುಷ್ಪಬಾಣಲಸತ್ಕರಾ || ೧೭ ||
ಶಿವದೂತೀ ವೇದಮಾತಾ ಶಾಂಕರೀ ಸಿಂಹವಾಹನಾ |
ಚತುಃಷಷ್ಟ್ಯುಪಚಾರಾಢ್ಯಾ ಯೋಗಿನೀಗಣಸೇವಿತಾ || ೧೮ ||
ವನದುರ್ಗಾ ಭದ್ರಕಾಳೀ ಕದಂಬವನವಾಸಿನೀ |
ಚಂಡಮುಂಡಶಿರಶ್ಛೇತ್ರೀ ಮಹಾರಾಜ್ಞೀ ಸುಧಾಮಯೀ || ೧೯ ||
ಶ್ರೀಚಕ್ರವರತಾಟಂಕಾ ಶ್ರೀಶೈಲಭ್ರಮರಾಂಬಿಕಾ |
ಶ್ರೀರಾಜರಾಜವರದಾ ಶ್ರೀಮತ್ತ್ರಿಪುರಸುಂದರೀ || ೨೦ ||
[* ಅಧಿಕಶ್ಲೋಕಂ –
ಶಾಕಂಭರೀ ಶಾಂತಿದಾತ್ರೀ ಶತಹಂತ್ರೀ ಶಿವಪ್ರದಾ |
ರಾಕೇಂದುವದನಾ ರಮ್ಯಾ ರಮಣೀಯವರಾಕೃತಿಃ ||
*]
ಶ್ರೀಮಚ್ಚಾಮುಂಡಿಕಾದೇವ್ಯಾ ನಾಮ್ನಾಮಷ್ಟೋತ್ತರಂ ಶತಮ್ |
ಪಠನ್ ಭಕ್ತ್ಯಾಽರ್ಚಯನ್ ದೇವೀಂ ಸರ್ವಾನ್ ಕಾಮಾನವಾಪ್ನುಯಾತ್ || ೨೧ ||
ಇತಿ ಶ್ರೀ ಚಾಮುಂಡೇಶ್ವರೀ ಅಷ್ಟೋತ್ತರಶತನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.