Read in తెలుగు / ಕನ್ನಡ / தமிழ் / देवनागरी / English (IAST)
|| sītāpratigrahaḥ ||
ētacchrutvā śubhaṁ vākyaṁ pitāmahasamīritam |
aṅkēnādāya vaidēhīmutpapāta vibhāvasuḥ || 1 ||
sa vidhūya citāṁ tāṁ tu vaidēhīṁ havyavāhanaḥ |
uttasthau mūrtimānāśu gr̥hītvā janakātmajām || 2 ||
taruṇādityasaṅkāśāṁ taptakāñcanabhūṣaṇām |
raktāmbaradharāṁ bālāṁ nīlakuñcitamūrdhajām || 3 ||
akliṣṭamālyābharaṇāṁ tathārūpāṁ manasvinīm |
dadau rāmāya vaidēhīmaṅkē kr̥tvā vibhāvasuḥ || 4 ||
abravīcca tadā rāmaṁ sākṣī lōkasya pāvakaḥ |
ēṣā tē rāma vaidēhī pāpamasyāṁ na vidyatē || 5 ||
naiva vācā na manasā nānudhyānānna cakṣuṣā |
suvr̥ttā vr̥ttaśauṇḍīra na tvāmaticacāra ha || 6 ||
rāvaṇēnāpanītaiṣā vīryōtsiktēna rakṣasā |
tvayā virahitā dīnā vivaśā nirjanādvanāt || 7 ||
ruddhā cāntaḥpurē guptā tvaccittā tvatparāyaṇā |
rakṣitā rākṣasīsaṅghairvikr̥tairghōradarśanaiḥ || 8 ||
pralōbhyamānā vividhaṁ bhartsyamānā ca maithilī |
nācintayata tadrakṣastvadgatēnāntarātmanā || 9 ||
viśuddhabhāvāṁ niṣpāpāṁ pratigr̥hṇīṣva rāghava |
na kiñcidabhidhātavyamahamājñāpayāmi tē || 10 ||
tataḥ prītamanā rāmaḥ śrutvaitadvadatāṁ varaḥ |
dadhyau muhūrtaṁ dharmātmā bāṣpavyākulalōcanaḥ || 11 ||
ēvamuktō mahātējā dyutimāndr̥ḍhavikramaḥ |
abravīttridaśaśrēṣṭhaṁ rāmō dharmabhr̥tāṁ varaḥ || 12 ||
avaśyaṁ triṣu lōkēṣu na sītā pāpamarhati |
dīrghakālōṣitā hīyaṁ rāvaṇāntaḥpurē śubhā || 13 ||
bāliśaḥ khalu kāmātmā rāmō daśarathātmajaḥ |
iti vakṣyanti māṁ santō jānakīmaviśōdhya hi || 14 ||
ananyahr̥dayāṁ bhaktāṁ maccittaparivartinīm |
ahamapyavagacchāmi maithilīṁ janakātmajām || 15 ||
pratyayārthaṁ tu lōkānāṁ trayāṇāṁ satyasaṁśrayaḥ |
upēkṣē cāpi vaidēhīṁ praviśantīṁ hutāśanam || 16 ||
imāmapi viśālākṣīṁ rakṣitāṁ svēna tējasā |
rāvaṇō nātivartēta vēlāmiva mahōdadhiḥ || 17 ||
na hi śaktaḥ sa duṣṭātmā manasā:’pi hi maithilīm |
pradharṣayitumaprāptāṁ dīptāmagniśikhāmiva || 18 ||
nēyamarhati caiśvaryaṁ rāvaṇāntaḥpurē śubhā |
ananyā hi mayā sītā bhāskarēṇa prabhā yathā || 19 ||
viśuddhā triṣu lōkēṣu maithilī janakātmajā |
na hi hātumiyaṁ śakyā kīrtirātmavatā yathā || 20 ||
avaśyaṁ tu mayā kāryaṁ sarvēṣāṁ vō vacaḥ śubham |
snigdhānāṁ lōkamānyānāmēvaṁ ca bruvatāṁ hitam || 21 ||
itīdamuktvā viditaṁ mahābalaiḥ
praśasyamānaḥ svakr̥tēna karmaṇā |
samētya rāmaḥ priyayā mahābalaḥ
sukhaṁ sukhārhō:’nubabhūva rāghavaḥ || 22 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē ēkaviṁśatyuttaraśatatamaḥ sargaḥ || 121 ||
yuddhakāṇḍa dvāviṁśatyuttaraśatatamaḥ sargaḥ (122) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.