Read in తెలుగు / ಕನ್ನಡ / தமிழ் / देवनागरी / English (IAST)
|| gōdānamaṅgalam ||
tamuktavantaṁ vaidēhaṁ viśvāmitrō mahāmuniḥ |
uvāca vacanaṁ vīraṁ vasiṣṭhasahitō nr̥pam || 1 ||
acintyānyapramēyāni kulāni narapuṅgava |
ikṣvākūṇāṁ vidēhānāṁ naiṣāṁ tulyō:’sti kaścana || 2 ||
sadr̥śō dharmasambandhaḥ sadr̥śō rūpasampadā |
rāmalakṣmaṇayō rājansītā cōrmilayā saha || 3 ||
vaktavyaṁ ca naraśrēṣṭha śrūyatāṁ vacanaṁ mama |
bhrātā yavīyāndharmajña ēṣa rājā kuśadhvajaḥ || 4 ||
asya dharmātmanō rājanrūpēṇāpratimaṁ bhuvi |
sutādvayaṁ naraśrēṣṭha patnyarthaṁ varayāmahē || 5 ||
bharatasya kumārasya śatrughnasya ca dhīmataḥ |
varayēma sutē rājaṁstayōrarthē mahātmanōḥ || 6 ||
putrā daśarathasyēmē rūpayauvanaśālinaḥ |
lōkapālōpamāḥ sarvē dēvatulyaparākramāḥ || 7 ||
ubhayōrapi rājēndra sambandhō hyanubadhyatām |
ikṣvākōḥ kulamavyagraṁ bhavataḥ puṇyakarmaṇaḥ || 8 ||
viśvāmitravacaḥ śrutvā vasiṣṭhasya matē tadā |
janakaḥ prāñjalirvākyamuvāca munipuṅgavau || 9 ||
kulaṁ dhanyamidaṁ manyē yēṣāṁ nō munipuṅgavau |
sadr̥śaṁ kulasambandhaṁ yadājñāpayathaḥ svayam || 10 ||
ēvaṁ bhavatu bhadraṁ vaḥ kuśadhvajasutē imē |
patnyau bhajētāṁ sahitau śatrughnabharatāvubhau || 11 ||
ēkāhnā rājaputrīṇāṁ catasr̥̄ṇāṁ mahāmunē |
pāṇīngr̥hṇantu catvārō rājaputrā mahābalāḥ || 12 ||
uttarē divasē brahmanphalgunībhyāṁ manīṣiṇaḥ |
vaivāhikaṁ praśaṁsanti bhagō yatra prajāpatiḥ || 13 ||
ēvamuktvā vacaḥ saumyaṁ pratyutthāya kr̥tāñjaliḥ |
ubhau munivarau rājā janakō vākyamabravīt || 14 ||
parō dharmaḥ kr̥tō mahyaṁ śiṣyō:’smi bhavatōḥ sadā |
imānyāsanamukhyāni āsātāṁ munipuṅgavau || 15 ||
yathā daśarathasyēyaṁ tathā:’yōdhyā purī mama |
prabhutvē nāsti sandēhō yathārhaṁ kartumarhatha || 16 ||
tathā bruvati vaidēhē janakē raghunandanaḥ |
rājā daśarathō hr̥ṣṭaḥ pratyuvāca mahīpatim || 17 ||
yuvāmasaṅkhyēyaguṇau bhrātarau mithilēśvarau |
r̥ṣayō rājasaṅghāśca bhavadbhyāmabhipūjitāḥ || 18 ||
svasti prāpnuhi bhadraṁ tē gamiṣyāmi svamālayam |
śrāddhakarmāṇi sarvāṇi vidhāsyāmīti cābravīt || 19 ||
tamāpr̥ṣṭvā narapatiṁ rājā daśarathastadā |
munīndrau tau puraskr̥tya jagāmāśu mahāyaśāḥ || 20 ||
sa gatvā nilayaṁ rājā śrāddhaṁ kr̥tvā vidhānataḥ |
prabhātē kālyamutthāya cakrē gōdānamuttamam || 21 ||
gavāṁ śatasahasrāṇi brāhmaṇēbhyō narādhipaḥ |
ēkaikaśō dadau rājā putrānuddiśya dharmataḥ || 22 ||
suvarṇaśr̥ṅgāḥ sampannāḥ savatsāḥ kāṁsyadōhanāḥ |
gavāṁ śatasahasrāṇi catvāri puruṣarṣabhaḥ || 23 ||
vittamanyacca subahu dvijēbhyō raghunandanaḥ |
dadau gōdānamuddiśya putrāṇāṁ putravatsalaḥ || 24 ||
sa sutaiḥ kr̥tagōdānairvr̥tastu nr̥patistadā |
lōkapālairivābhāti vr̥taḥ saumyaḥ prajāpatiḥ || 25 ||
ityārṣē śrīmadrāmāyaṇē vālmīkīyē ādikāvyē bālakāṇḍē dvisaptatitamaḥ sargaḥ || 72 ||
bālakāṇḍa trisaptatitamaḥ sargaḥ (73) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.