Read in తెలుగు / ಕನ್ನಡ / தமிழ் / देवनागरी / English (IAST)
|| kanyādānapratiśravaḥ ||
ēvaṁ bruvāṇaṁ janakaḥ pratyuvāca kr̥tāñjaliḥ |
śrōtumarhasi bhadraṁ tē kulaṁ naḥ parikīrtitam || 1 ||
pradānē hi muniśrēṣṭha kulaṁ niravaśēṣataḥ |
vaktavyaṁ kulajātēna tannibōdha mahāmunē || 2 ||
rājā:’bhūttriṣu lōkēṣu viśrutaḥ svēna karmaṇā |
nimiḥ paramadharmātmā sarvasattvavatāṁ varaḥ || 3 ||
tasya putrō mithirnāma prathamō mithiputrakaḥ |
prathamājjanakō rājā janakādapyudāvasuḥ || 4 ||
udāvasōstu dharmātmā jātō vai nandivardhanaḥ |
nandivardhanaputrastu sukēturnāma nāmataḥ || 5 ||
sukētōrapi dharmātmā dēvarātō mahābalaḥ |
dēvarātasya rājarṣērbr̥hadratha iti smr̥taḥ || 6 ||
br̥hadrathasya śūrō:’bhūnmahāvīraḥ pratāpavān |
mahāvīrasya dhr̥timānsudhr̥tiḥ satyavikramaḥ || 7 ||
sudhr̥tērapi dharmātmā dhr̥ṣṭakētuḥ sudhārmikaḥ |
dhr̥ṣṭakētōstu rājarṣērharyaśva iti viśrutaḥ || 8 ||
haryaśvasya maruḥ putrō marōḥ putraḥ pratindhakaḥ |
pratindhakasya dharmātmā rājā kīrtirathaḥ sutaḥ || 9 ||
putraḥ kīrtirathasyāpi dēvamīḍha iti smr̥taḥ |
dēvamīḍhasya vibudhō vibudhasya mahīdhrakaḥ || 10 ||
mahīdhrakasutō rājā kīrtirātō mahābalaḥ |
kīrtirātasya rājarṣērmahārōmā vyajāyata || 11 ||
mahārōmṇastu dharmātmā svarṇarōmā vyajāyata |
svarṇarōmṇastu rājarṣērhrasvarōmā vyajāyata || 12 ||
tasya putradvayaṁ jajñē dharmajñasya mahātmanaḥ |
jyēṣṭhō:’hamanujō bhrātā mama vīraḥ kuśadhvajaḥ || 13 ||
māṁ tu jyēṣṭhaṁ pitā rājyē sō:’bhiṣicya narādhipaḥ |
kuśadhvajaṁ samāvēśya bhāraṁ mayi vanaṁ gataḥ || 14 ||
vr̥ddhē pitari svaryātē dharmēṇa dhuramāvaham |
bhrātaraṁ dēvasaṅkāśaṁ snēhātpaśyankuśadhvajam || 15 ||
kasyacittvatha kālasya sāṅkāśyādagamatpurāt |
sudhanvā vīryavānrājā mithilāmavarōdhakaḥ || 16 ||
sa ca mē prēṣayāmāsa śaivaṁ dhanuranuttamam |
sītā kanyā ca padmākṣī mahyaṁ vai dīyatāmiti || 17 ||
tasyā:’pradānādbrahmarṣē yuddhamāsīnmayā saha |
sa hatō:’bhimukhō rājā sudhanvā tu mayā raṇē || 18 ||
nihatya taṁ muniśrēṣṭha sudhanvānaṁ narādhipam |
sāṅkāśyē bhrātaraṁ vīramabhyaṣiñcaṁ kuśadhvajam || 19 ||
kanīyānēṣa mē bhrātā ahaṁ jyēṣṭhō mahāmunē |
dadāmi paramaprītō vadhvau tē munipuṅgava || 20 ||
sītāṁ rāmāya bhadraṁ tē ūrmilāṁ lakṣmaṇāya vai |
vīryaśulkāṁ mama sutāṁ sītāṁ surasutōpamām || 21 ||
dvitīyāmūrmilāṁ caiva trirdadāmi na saṁśayaḥ |
rāmalakṣmaṇayō rājangōdānaṁ kārayasva ha || 22 ||
pitr̥kāryaṁ ca bhadraṁ tē tatō vaivāhikaṁ kuru |
maghā hyadya mahābāhō tr̥tīyē divasē vibhō || 23 ||
phalgunyāmuttarē rājaṁstasminvaivāhikaṁ kuru |
rāmalakṣmaṇayō rājandānaṁ kāryaṁ sukhōdayam || 24 ||
ityārṣē śrīmadrāmāyaṇē vālmīkīyē ādikāvyē bālakāṇḍē ēkasaptatitamaḥ sargaḥ || 71 ||
bālakāṇḍa dvisaptatitamaḥ sargaḥ (72) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.