Read in తెలుగు / ಕನ್ನಡ / தமிழ் / देवनागरी / English (IAST)
|| sēnāprasthāpanam ||
tāmāryagaṇasampūrṇāṁ bharataḥ pragrahāṁ sabhām |
dadarśa buddhi sampannaḥ pūrṇacandrō niśāmiva || 1 ||
āsanāni yathānyāyamāryāṇāṁ viśatāṁ tadā |
vastrāṅgarāgaprabhayā dyōtitā sā sabhōttamā || 2 ||
sā vidvajjanasampūrṇā sabhā surucirā tadā |
adr̥śyata ghanāpāyē pūrṇacandrēva śarvarī || 3 ||
rājñastu prakr̥tīḥ sarvāḥ samagrāḥ prēkṣya dharmavit |
idaṁ purōhitaḥ vākyaṁ bharataṁ mr̥du cābravīt || 4 ||
tāta rājā daśarathaḥ svargatardharmamācaran |
dhanadhānyavatīṁ sphītāṁ pradāya pr̥thivīṁ tava || 5 ||
rāmastathā satyadhr̥tiḥ satāṁ dharmamanusmaran |
nājahātpiturādēśaṁ śaśī jyōtsnāmivōditaḥ || 6 ||
pitrā bhrātrā ca tē dattaṁ rājyaṁ nihatakaṇṭakam |
tadbhuṅkṣva muditāmātyaḥ kṣipramēvābhiṣēcaya || 7 ||
udīcyāśca pratīcyāśca dākṣiṇātyāśca kēvalāḥ |
kōṭyāparāntāḥ sāmudrā ratnānyabhiharantu tē || 8 ||
tacchrutvā bharataḥ vākyaṁ śōkēnābhipariplutaḥ |
jagāma manasā rāmaṁ dharmajñō dharmakāṅkṣayā || 9 ||
sa bāṣpa kalayā vācā kalahaṁsa svaraḥ yuvā |
vilalāpa sabhāmadhyē jagarhē ca purōhitam || 10 ||
carita brahmacaryasya vidyāsnātasya dhīmataḥ |
dharmē prayatamānasya kō rājyaṁ madvidhō harēt || 11 ||
kathaṁ daśarathājñātaḥ bhavēdrājyāpahārakaḥ |
rājyaṁ cāhaṁ ca rāmasya dharmaṁ vaktumihārhasi || 12 ||
jyēṣṭhaḥ śrēṣṭhaśca dharmātmā dilīpanahuṣōpamaḥ |
labdhumarhati kākutsthō rājyaṁ daśarathō yathā || 13 ||
anārya juṣṭamasvargyaṁ kuryāṁ pāpamahaṁ yadi |
ikṣvākūṇāmahaṁ lōkē bhavēyaṁ kulapāṁsanaḥ || 14 ||
yaddhi mātrā kr̥taṁ pāpaṁ nāhaṁ tadapirōcayē |
ihasthō vanadurgasthaṁ namasyāmi kr̥tāñjaliḥ || 15 ||
rāmamēvānugacchāmi sa rājā dvipadāṁ varaḥ |
trayāṇāmapi lōkānāṁ rājyamarhati rāghavō || 16 ||
tadvākyaṁ dharmasamyuktaṁ śrutvā sarvē sabhāsadaḥ |
harṣānmumucuraśrūṇi rāmē nihitacētasaḥ || 17 ||
yadi tvāryaṁ na śakṣyāmi vinivartayituṁ vanāt |
vanē tatraiva vatsyāmi yathā:’ryō lakṣmaṇastathā || 18 ||
sarvōpāyaṁ tu vartiṣyē vinivartayituṁ balāt |
samakṣamārya miśrāṇāṁ sādhūnāṁ guṇavartinām || 19 ||
viṣṭikarmāntikāḥ sarvē mārgaśōdhakarakṣakāḥ |
prasthāpitā mayā pūrvaṁ yātrā:’pi mama rōcatē || 20 ||
ēvamuktvā tu dharmātmā bharataḥ bhrātr̥vatsalaḥ |
samīpasthamuvācēdaṁ sumantraṁ mantrakōvidam || 21 ||
tūrṇamutthāya gaccha tvaṁ sumantra mama śāsanāt |
yātrāmājñāpaya kṣipraṁ balaṁ caiva samānaya || 22 ||
ēvamuktaḥ sumantrastu bharatēna mahātmanā |
hr̥ṣṭastadādiśatsarvaṁ yathāsandiṣṭamiṣṭavat || 23 ||
tāḥ prahr̥ṣṭāḥ prakr̥tayō balādhyakṣā balasya ca |
śrutvā yātrāṁ samājñaptāṁ rāghavasya nivartanē || 24 ||
tataḥ yōdhāṅganāḥ sarvā bhartrūn sarvān gr̥hē gr̥hē |
yātrā gamanamājñāya tvarayanti sma harṣitāḥ || 25 ||
tē hayairgōrathaiḥ śīghraiḥ syandanaiśca mahājavaiḥ |
sahayōdhaiḥ balādhyakṣāḥ balaṁ sarvamacōdayan || 26 ||
sajjaṁ tu tadbalaṁ dr̥ṣṭvā bharataḥ gurusannidhau |
rathaṁ mē tvarayasvēti sumantraṁ pārśvatō:’bravīt || 27 ||
bharatasya tu tasyājñāṁ pratigr̥hya ca harṣitaḥ |
rathaṁ gr̥hītvā prayayau yuktaṁ paramavājibhiḥ || 28 ||
sa rāghavaḥ satyadhr̥tiḥ pratāpavān
bruvan suyuktaṁ dr̥ḍhasatyavikramaḥ |
guruṁ mahāraṇyagataṁ yaśasvinam
prasādayiṣyanbharatō:’bravīttadā || 29 ||
tūrṇaṁ samutthāya sumantra gaccha
balasya yōgāya balapradhānān |
ānētumicchāmi hi taṁ vanastham
prasādya rāmaṁ jagataḥ hitāya || 30 ||
sa sūtaputraḥ bharatēna samyak
ājñāpitaḥ samparipūrṇakāmaḥ |
śaśāsa sarvānprakr̥ti pradhānān
balasya mukhyāṁśca suhr̥jjanaṁ ca || 31 ||
tataḥ samutthāya kulē kulē tē
rājanyavaiśyā vr̥ṣalāśca viprāḥ |
ayūyujannuṣṭrarathān kharāṁśca
nāgān hayāṁścaiva kulaprasūtān || 32 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē dvyaśītitamaḥ sargaḥ || 82 ||
ayōdhyākāṇḍa tryaśītitamaḥ sargaḥ (83) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.