Read in తెలుగు / ಕನ್ನಡ / தமிழ் / देवनागरी / English (IAST)
|| sabhāstānam ||
tatō nāndīmukhīṁ rātriṁ bharataṁ sūtamāgadhāḥ |
tuṣṭuvurvāgviśēṣajñāḥ stavaiḥ maṅgalasaṁhitaiḥ || 1 ||
suvarṇa kōṇābhihataḥ prāṇadadyāmadundubhiḥ |
dadhmuḥ śaṅkhāṁśca śataśō nādāṁścōccāvacasvarān || 2 ||
sa tūryaghōṣaḥ sumahān divamāpūrayanniva |
bharataṁ śōkasantaptaṁ bhūyaḥ śōkairarandhrayat || 3 ||
tataḥ prabuddhō bharatastaṁ ghōṣaṁ saṁnivartya ca |
nāhaṁ rājēti cāpyuktvā śatrughnamidamabravīt || 4 ||
paśya śatrughna kaikēyyā lōkasyāpakr̥taṁ mahat |
visr̥jya mayi duḥkhāni rājā daśarathō gataḥ || 5 ||
tasyaiṣā dharmarājasya dharmamūlā mahātmanaḥ |
paribhramati rājaśrīḥ naurivākarṇikā jalē || 6 ||
yō hi naḥ sumahānnāthaḥ sō:’pi pravrājitō vanam |
anayā dharmamutsr̥jya mātrā mē rāghavaḥ svayam || 7 ||
ityēvaṁ bharataṁ prēkṣya vilapantaṁ vicētanam |
kr̥paṇaṁ ruruduḥ sarvāḥ sasvaraṁ yōṣitastadā || 8 ||
tathā tasminvilapati vasiṣṭhō rājadharmavit |
sabhāmikṣvākunāthasya pravivēśa mahāyaśāḥ || 9 ||
śātakumbhamayīṁ ramyāṁ maṇiratnasamākulām |
sudharmāmiva dharmātmā sagaṇaḥ pratyapadyata || 10 ||
sa kāñcanamayaṁ pīṭhaṁ sukhāstaraṇasaṁvr̥tam |
adhyāsta sarvavēdajñō dūtānanuśaśāsa ca || 11 ||
brāhmaṇān kṣatriyān vaiśyān amātyān gaṇavallabhān |
kṣipramānayatāvyagrāḥ kr̥tyamātyayikaṁ hi naḥ || 12 ||
sarājabhr̥tyaṁ śatrughnaṁ bharataṁ ca yaśasvinam |
yudhājitaṁ sumantraṁ ca yē ca tatra hitā janāḥ || 13 ||
tataḥ halahalāśabdō mahānsamudapadyata |
rathairaśvaiḥ gajaiścāpi janānāmupagacchatām || 14 ||
tataḥ bharatamāyāntaṁ śatakratumivāmarāḥ |
pratyanandan prakr̥tayō yathā daśarathaṁ tathā || 15 ||
hradaiva timināgasaṁvr̥taḥ
stimitajalō maṇiśaṅkhaśarkaraḥ |
daśarathasutaśōbhitā sabhā
sadaśarathēva babhau yathā purā || 16 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē ēkāśītitamaḥ sargaḥ || 81 ||
ayōdhyākāṇḍa dvyaśītitamaḥ sargaḥ (82) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.