Read in తెలుగు / ಕನ್ನಡ / தமிழ் / देवनागरी / English (IAST)
|| దశరథప్రతిసమాదేశః ||
ఏతచ్ఛ్రుత్వా శుభం వాక్యం రాఘవేణ సుభాషితమ్ |
ఇదం శుభతరం వాక్యం వ్యాజహార మహేశ్వరః || ౧ ||
పుష్కరాక్ష మహాబాహో మహావక్షః పరంతప |
దిష్ట్యా కృతమిదం కర్మ త్వయా శస్త్రభృతాంవర || ౨ ||
దిష్ట్యా సర్వస్య లోకస్య ప్రవృద్ధం దారుణం తమః |
అపావృత్తం త్వయా సంఖ్యే రామ రావణజం భయమ్ || ౩ ||
ఆశ్వాస్య భరతం దీనం కౌసల్యాం చ యశస్వినీమ్ |
కైకేయీం చ సుమిత్రాం చ దృష్ట్వా లక్ష్మణమాతరమ్ || ౪ ||
ప్రాప్య రాజ్యమయోధ్యాయాం నందయిత్వా సుహృజ్జనమ్ |
ఇక్ష్వాకూణాం కులే వంశం స్థాపయిత్వా మహాబల || ౫ ||
ఇష్ట్వా తురగమేధేన ప్రాప్య చానుత్తమం యశః |
బ్రాహ్మణేభ్యో ధనం దత్త్వా త్రిదివం గంతుమర్హసి || ౬ ||
ఏష రాజా విమానస్థః పితా దశరథస్తవ |
కాకుత్స్థ మానుషే లోకే గురుస్తవ మహాయశాః || ౭ ||
ఇంద్రలోకం గతః శ్రీమాంస్త్వయా పుత్రేణ తారితః |
లక్ష్మణేన సహ భ్రాత్రా త్వమేనమభివాదయ || ౮ ||
మహాదేవవచః శ్రుత్వా కాకుత్స్థః సహలక్ష్మణః |
విమానశిఖరస్థస్య ప్రణామమకరోత్పితుః || ౯ ||
దీప్యమానం స్వయా లక్ష్మ్యా విరజోఽంబరధారిణమ్ |
లక్ష్మణేన సహ భ్రాత్రా దదర్శ పితరం విభుః || ౧౦ ||
హర్షేణ మహతాఽఽవిష్టో విమానస్థో మహీపతిః |
ప్రాణైః ప్రియతరం దృష్ట్వా పుత్రం దశరథస్తదా || ౧౧ ||
ఆరోప్యాంకం మహాబాహుర్వరాసనగతః ప్రభుః |
బాహుభ్యాం సంపరిష్వజ్య తతో వాక్యం సమాదదే || ౧౨ ||
న మే స్వర్గో బహుమతః సమ్మానశ్చ సురర్షిభిః |
త్వయా రామ విహీనస్య సత్యం ప్రతిశృణోమి తే || ౧౩ ||
[* అధికశ్లోకం –
అద్య త్వాం నిహతామిత్రం దృష్ట్వా సంపూర్ణమానసమ్ |
నిస్తీర్ణవనవాసం చ ప్రీతిరాసీత్పరా మమ ||
*]
కైకేయ్యా యాని చోక్తాని వాక్యాని వదతాం వర |
తవ ప్రవ్రాజనార్థాని స్థితాని హృదయే మమ || ౧౪ ||
త్వాం తు దృష్ట్వా కుశలినం పరిష్వజ్య సలక్ష్మణమ్ |
అద్య దుఃఖాద్విముక్తోఽస్మి నీహారాదివ భాస్కరః || ౧౫ ||
తారితోఽహం త్వయా పుత్ర సుపుత్రేణ మహాత్మనా |
అష్టావక్రేణ ధర్మాత్మా తారితో బ్రాహ్మణో యథా || ౧౬ ||
ఇదానీం తు విజానామి యథా సౌమ్య సురేశ్వరైః |
వధార్థం రావణస్యేదం విహితం పురుషోత్తమ || ౧౭ ||
సిద్ధార్థా ఖలు కౌసల్యా యా త్వాం రామ గృహం గతమ్ |
వనాన్నివృత్తం సంహృష్టా ద్రక్ష్యత్యరినిషూదన || ౧౮ ||
సిద్ధార్థాః ఖలు తే రామ నరా యే త్వాం పురీం గతమ్ |
జలార్ద్రమభిషిక్తం చ ద్రక్ష్యంతి వసుధాధిపమ్ || ౧౯ ||
అనురక్తేన బలినా శుచినా ధర్మచారిణా |
ఇచ్ఛామి త్వామహం ద్రష్టుం భరతేన సమాగతమ్ || ౨౦ ||
చతుర్దశ సమాః సౌమ్య వనే నిర్యాపితాస్త్వయా |
వసతా సీతయా సార్ధం లక్ష్మణేన చ ధీమతా || ౨౧ ||
నివృత్తవనవాసోఽసి ప్రతిజ్ఞా సఫలా కృతా |
రావణం చ రణే హత్వా దేవాస్తే పరితోషితాః || ౨౨ ||
కృతం కర్మ యశః శ్లాఘ్యం ప్రాప్తం తే శత్రుసూదన |
భ్రాతృభిః సహ రాజ్యస్థో దీర్ఘమాయురవాప్నుహి || ౨౩ ||
ఇతి బ్రువాణం రాజానం రామః ప్రాంజలిరబ్రవీత్ |
కురు ప్రసాదం ధర్మజ్ఞ కైకేయ్యా భరతస్య చ || ౨౪ ||
సపుత్రాం త్వాం త్యజామీతి యదుక్తా కైకయీ త్వయా |
స శాపః కేకయీం ఘోరః సపుత్రాం న స్పృశేత్ప్రభో || ౨౫ ||
స తథేతి మహారాజో రామముక్త్వా కృతాంజలిమ్ |
లక్ష్మణం చ పరిష్వజ్య పునర్వాక్యమువాచ హ || ౨౬ ||
రామం శుశ్రూషతా భక్త్యా వైదేహ్యా సహ సీతయా |
కృతా మమ మహాప్రీతిః ప్రాప్తం ధర్మఫలం చ తే || ౨౭ ||
ధర్మం ప్రాప్స్యసి ధర్మజ్ఞ యశశ్చ విపులం భువి |
రామే ప్రసన్నే స్వర్గం చ మహిమానం తథైవ చ || ౨౮ ||
రామం శుశ్రూష భద్రం తే సుమిత్రానందవర్ధన |
రామః సర్వస్య లోకస్య శుభేష్వభిరతః సదా || ౨౯ ||
ఏతే సేంద్రాస్త్రయో లోకాః సిద్ధాశ్చ పరమర్షయః |
అభిగమ్య మహాత్మానమర్చంతి పురుషోత్తమమ్ || ౩౦ ||
ఏతత్తదుక్తమవ్యక్తమక్షరం బ్రహ్మనిర్మితమ్ |
దేవానాం హృదయం సౌమ్య గుహ్యం రామః పరంతపః || ౩౧ ||
అవాప్తం ధర్మచరణం యశశ్చ విపులం త్వయా |
రామం శుశ్రూషతా భక్త్యా వైదేహ్యా సహ సీతయా || ౩౨ ||
స తథోక్త్వా మహాబాహుర్లక్ష్మణం ప్రాంజలిం స్థితమ్ |
ఉవాచ రాజా ధర్మాత్మా వైదేహీం వచనం శుభమ్ || ౩౩ ||
కర్తవ్యో న తు వైదేహి మన్యుస్త్యాగమిమం ప్రతి |
రామేణ త్వద్విశుద్ధ్యర్థం కృతమేతద్ధితైషిణా || ౩౪ ||
న త్వం సుభ్రు సమాధేయా పతిశుశ్రూషణం ప్రతి |
అవశ్యం తు మయా వాచ్యమేష తే దైవతం పరమ్ || ౩౫ ||
ఇతి ప్రతిసమాదిశ్య పుత్రౌ సీతాం తథా స్నుషామ్ |
ఇంద్రలోకం విమానేన యయౌ దశరథో జ్వలన్ || ౩౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే ద్వావింశత్యుత్తరశతతమః సర్గః || ౧౨౨ ||
యుద్ధకాండ త్రయోవింశత్యుత్తరశతతమః సర్గః (౧౨౩) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.