Read in తెలుగు / ಕನ್ನಡ / தமிழ் / देवनागरी / English (IAST)
ōṁ vāṅmē manasi pratiṣṭhitā | manō mē vāci pratiṣṭhitam | āvirāvīrma ēdhi | vēdasya ma āṇīsthaḥ | śrutaṁ mē mā prahāsiḥ | anēnādhītēnāhōrātrān saṁdadhāmi | r̥taṁ vadiṣyāmi | satyaṁ vadiṣyāmi | tanmāmavatu | tadvaktāramavatu | avatu mām | avatu vaktāram | ōṁ śāntiḥ śāntiḥ śāntiḥ ||
tisraḥ purāstripathā viśvacarṣaṇā atrākathā akṣarāḥ sanniviṣṭāḥ |
adhiṣṭhāyaināmajarā purāṇī mahattarā mahimā dēvatānām || 1 ||
navayōnīrnavacakrāṇi dīdhirē navaivayōgā navayōginyaśca |
navānāṁ cakrē adhināthāḥ syōnā nava mudrā nava bhadrā mahīnām || 2 ||
ēkā sā āsīt prathamā sā navāsīdāsōna viṁśadāsōnatriṁśat |
catvāriṁśadatha tisraḥ samidhā uśatīriva mātarō mā viśantu || 3 ||
ūrdhvajvalajjvalanaṁ jyōtiragrē tamō vai tiraścīnamajaraṁ tadrajō:’bhūt |
ānandanaṁ mōdanaṁ jyōtirindrō rētā u vai maṇḍalā maṇḍayanti || 4 ||
tisraśca rēkhāḥ sadanāni bhūmēstriviṣṭapāstriguṇāstriprakārāḥ |
ētatpuraṁ pūrakaṁ pūrakāṇāmatra prathatē madanō madanyā || 5 ||
madantikā māninī maṁgalā ca subhagā ca sā sundarī siddhimattā |
lajjā matistuṣṭiriṣṭā ca puṣṭā lakṣmīrumā lalitā lālapantī || 6 ||
imāṁ vijñāya sudhayā madanti parisrutā tarpayantaḥ svapīṭham |
nākasya pr̥ṣṭhē mahatō vasanti paraṁ dhāma traipuraṁ cāviśanti || 7 ||
kāmō yōniḥ kamalā vajrapāṇirguhā hasā mātariśvābhramindraḥ |
punarguhā sakalā māyayā ca purucyēṣā viśvamātādividyā || 8 ||
ṣaṣṭhaṁ saptamamatha vahnisārathimasyā mūlatrikramādēśayantaḥ |
kathyaṁ kaviṁ kalpakaṁ kāmamīśaṁ tuṣṭuvāṁsō amr̥tatvaṁ bhajantē || 9 ||
triviṣṭapaṁ trimukhaṁ viśvamāturnavarēkhāḥ svaramadhyaṁ tadīlē |
br̥hattithīrdaśapañcādinityā sā ṣōḍaśī puramadhyaṁ bibharti || 10 ||
dvā maṇḍalādvā stanā biṁbamēkaṁ mukhaṁ cādhastrīṇi guhā sadanāni |
kāmīṁ kalāṁ kāmyarūpāṁ viditvā narō jāyatē kāmarūpaśca kāmyaḥ || 11 ||
parisrutaṁ jhaṣamādyaṁ palaṁ ca bhaktāni yōnīḥ supariṣkr̥tāni |
nivēdayan dēvatāyai mahatyai svātmīkr̥tya sukr̥tī siddhimēti || 12 ||
sr̥ṇyēva sitayā viśvacarṣaṇiḥ pāśēna pratibadhnātyabhīkān |
iṣubhiḥ pañcabhirdhanuṣā vidhyatyādiśaktiraruṇā viśvajanyā || 13 ||
bhagaḥ śaktirbhagavānkāma īśa ubhā dātārāviha saubhagānām |
samapradhānau samasattvau samōjau tayōḥ śaktirajarā viśvayōniḥ || 14 ||
parisrutā haviṣā pāvitēna praṁsakōcē galitē vaimanaskaḥ |
śarvaḥ sarvasya jagatō vidhātā dhartā hartā viśvarūpatvamēti || 15 ||
iyaṁ mahōpaniṣat tripurāyā yāmakṣaraṁ paramē gīrbhirīṭṭē |
ēṣargyajuḥ paramētacca sāmēvāyamatharvēyamanyā ca vidyām || 16 ||
ōṁ hrīṁ ōṁ hrīṁ ityupaniṣat ||
ōṁ vāṅmē manasi pratiṣṭhitā | manō mē vāci pratiṣṭhitam | āvirāvīrma ēdhi | vēdasya ma āṇīsthaḥ | śrutaṁ mē mā prahāsiḥ | anēnādhītēnāhōrātrān saṁdadhāmi | r̥taṁ vadiṣyāmi | satyaṁ vadiṣyāmi | tanmāmavatu | tadvaktāramavatu | avatu mām | avatu vaktāram | ōṁ śāntiḥ śāntiḥ śāntiḥ ||
iti tripurōpaniṣat |
See more dēvī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.