Read in తెలుగు / ಕನ್ನಡ / தமிழ் / देवनागरी / English (IAST)
viditākhilaśāstrasudhājaladhē
mahitōpaniṣat kathitārthanidhē |
hr̥dayē kalayē vimalaṁ caraṇaṁ
bhava śaṅkara dēśika mē śaraṇam || 1 ||
karuṇāvaruṇālaya pālaya māṁ
bhavasāgaraduḥkhavidūnahr̥dam |
racayākhiladarśanatattvavidaṁ
bhava śaṅkara dēśika mē śaraṇam || 2 ||
bhavatā janatā suhitā bhavitā
nijabōdhavicāraṇa cārumatē |
kalayēśvarajīvavivēkavidaṁ bhava
śaṅkara dēśika mē śaraṇam || 3 ||
bhava ēva bhavāniti mē nitarāṁ
samajāyata cētasi kautukitā |
mama vāraya mōhamahājaladhiṁ
bhava śaṅkara dēśika mē śaraṇam || 4 ||
sukr̥tē:’dhikr̥tē bahudhā bhavatō
bhavitā samadarśanalālasatā |
atidīnamimaṁ paripālaya māṁ
bhava śaṅkara dēśika mē śaraṇam || 5 ||
jagatīmavituṁ kalitākr̥tayō
vicaranti mahāmahasaśchalataḥ |
ahimāṁśurivātra vibhāsi gurō
bhava śaṅkara dēśika mē śaraṇam || 6 ||
gurupuṅgava puṅgavakētana tē
samatāmayatāṁ nahi kō:’pi sudhīḥ |
śaraṇāgatavatsala tattvanidhē
bhava śaṅkara dēśika mē śaraṇam || 7 ||
viditā na mayā viśadaikakalā
na ca kiñcana kāñcanamasti gurō |
drutamēva vidhēhi kr̥pāṁ sahajāṁ
bhava śaṅkara dēśika mē śaraṇam || 8 ||
See more śrī guru stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.