Read in తెలుగు / ಕನ್ನಡ / தமிழ் / देवनागरी / English (IAST)
(Note: This stotra is printed in prabhāta stōtranidhi (IAST) book. Click here to buy.)
mahēndra uvāca |
namaḥ kamalavāsinyai nārāyaṇyai namō namaḥ |
kr̥ṣṇapriyāyai sārāyai padmāyai ca namō namaḥ || 1 ||
padmapatrēkṣaṇāyai ca padmāsyāyai namō namaḥ |
padmāsanāyai padminyai vaiṣṇavyai ca namō namaḥ || 2 ||
sarvasampatsvarūpāyai sarvadātryai namō namaḥ |
sukhadāyai mōkṣadāyai siddhidāyai namō namaḥ || 3 ||
haribhaktipradātryai ca harṣadātryai namō namaḥ |
kr̥ṣṇavakṣaḥsthitāyai ca kr̥ṣṇēśāyai namō namaḥ || 4 ||
kr̥ṣṇaśōbhāsvarūpāyai ratnāḍhyāyai namō namaḥ |
sampatyadhiṣṭhātr̥dēvyai mahādēvyai namō namaḥ || 5 ||
sasyādhiṣṭhātr̥dēvyai ca sasyalakṣmyai namō namaḥ |
namō buddhisvarūpāyai buddhidāyai namō namaḥ || 6 ||
vaikuṇṭhē ca mahālakṣmīrlakṣmīḥ kṣīrōdasāgarē |
svargalakṣmīrindragēhē rājalakṣmīrnr̥pālayē || 7 ||
gr̥halakṣmīśca gr̥hiṇāṁ gēhē ca gr̥hadēvatā |
surabhiḥ sā gavāṁ mātā dakṣiṇā yajñakāminī || 8 ||
aditirdēvamātā tvaṁ kamalā kamalālayē |
svāhā tvaṁ ca havirdānē kavyadānē svadhā smr̥tā || 9 ||
tvaṁ hi viṣṇusvarūpā ca sarvādhārā vasundharā |
śuddhasattvasvarūpā tvaṁ nārāyaṇaparāyāṇā || 10 ||
krōdhahiṁsāvarjitā ca varadā ca śubhānanā |
paramārthapradā tvaṁ ca haridāsyapradā parā || 11 ||
yayā vinā jagatsarvaṁ bhasmībhūtamasārakam |
jīvanmr̥taṁ ca viśvaṁ ca śavatulyaṁ yayā vinā || 12 ||
sarvēṣāṁ ca parā tvaṁ hi sarvabāndhavarūpiṇī |
yayā vinā na sambhāṣyō bāndhavairbāndhavaḥ sadā || 13 ||
tvayā hīnō bandhuhīnastvayā yuktaḥ sabāndhavaḥ |
dharmārthakāmamōkṣāṇāṁ tvaṁ ca kāraṇarūpiṇī || 14 ||
stanandhayānāṁ tvaṁ mātā śiśūnāṁ śaiśavē yathā |
tathā tvaṁ sarvadā mātā sarvēṣāṁ sarvaviśvataḥ || 15 ||
tyaktastanō mātr̥hīnaḥ sa cējjīvati daivataḥ |
tvayā hīnō janaḥ kō:’pi na jīvatyēva niścitam || 16 ||
suprasannasvarūpā tvaṁ mē prasannā bhavāmbikē |
vairigrastaṁ ca viṣayaṁ dēhi mahyaṁ sanātani || 17 ||
vayaṁ yāvattvayā hīnā bandhuhīnāśca bhikṣukāḥ |
sarvasampadvihīnāśca tāvadēva haripriyē || 18 ||
rājyaṁ dēhi śriyaṁ dēhi balaṁ dēhi surēśvari |
kīrtiṁ dēhi dhanaṁ dēhi putrānmahyaṁ ca dēhi vai || 19 ||
kāmaṁ dēhi matiṁ dēhi bhōgān dēhi haripriyē |
jñānaṁ dēhi ca dharmaṁ ca sarvasaubhāgyamīpsitam || 20 ||
sarvādhikāramēvaṁ vai prabhāvāṁ ca pratāpakam |
jayaṁ parākramaṁ yuddhē paramaiśvaryamaiva ca || 21 ||
ityuktvā tu mahēndraśca sarvaiḥ suragaṇaiḥ saha |
nanāma sāśrunētrō:’yaṁ mūrdhnā caiva punaḥ punaḥ || 22 ||
brahmā ca śaṅkaraścaiva śēṣō dharmaśca kēśavaḥ |
sarvē cakruḥ parīhāraṁ surārthē ca punaḥ punaḥ || 23 ||
dēvēbhyaśca varaṁ dattvā puṣpamālāṁ manōharām |
kēśavāya dadau lakṣmīḥ santuṣṭā surasaṁsadi || 24 ||
yayurdaivāśca santuṣṭāḥ svaṁ svaṁ sthānaṁ ca nārada |
dēvī yayau harēḥ krōḍaṁ hr̥ṣṭā kṣīrōdaśāyinaḥ || 25 ||
yayatustau svasvagr̥haṁ brahmēśānau ca nārada |
dattvā śubhāśiṣaṁ tau ca dēvēbhyaḥ prītipūrvakam || 26 ||
idaṁ stōtraṁ mahāpuṇyaṁ trisandhyaṁ yaḥ paṭhēnnaraḥ |
kubēratulyaḥ sa bhavēdrājarājēśvarō mahān || 27 ||
siddhastōtraṁ yadi paṭhēt sō:’pi kalpatarurnaraḥ |
pañcalakṣajapēnaiva stōtrasiddhirbhavēnnr̥ṇām || 28 ||
siddhastōtraṁ yadi paṭhēnmāsamēkaṁ ca samyataḥ |
mahāsukhī ca rājēndrō bhaviṣyati na saṁśayaḥ || 29 ||
iti śrībrahmavaivartē mahāpurāṇē dvitīyē prakr̥tikhaṇḍē nāradanārāyaṇasaṁvādē ēkōnacatvāriṁśattamō:’dhyāyē mahēndra kr̥ta śrī mahālakṣmī stōtram |
Note: The stotra given above is printed in this book.
prabhāta stōtranidhi
( shloka book )
See more śrī lakṣmī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.