Read in తెలుగు / ಕನ್ನಡ / தமிழ் / देवनागरी / English (IAST)
śrīmadviṣṇupadāmbhōja pīṭhāyuta phaṇātalam |
śēṣatvaika svarūpaṁ taṁ ādiśēṣamupāsmahē || 1 ||
anantāṁ dadhataṁ śīrṣaiḥ anantaśayanāyitam |
anantē ca padē bhāntaṁ taṁ anantamupāsmahē || 2 ||
śēṣē śriyaḥpatistasya śēṣabhūtaṁ carācaram |
prathamōdāhr̥tiṁ tatra śrīmantaṁ śēṣamāśrayē || 3 ||
vandē sahasrasthūṇākhya śrīmahāmaṇimaṇḍapam |
phaṇā sahasraratnaughaiḥ dīpayantaṁ phaṇīśvaram || 4 ||
śēṣaḥ siṁhāsanī bhūtvā chatrayitvā phaṇāvalim |
vīrāsanēnōpaviṣṭē śrīśē:’sminnadhikaṁ babhau || 5 ||
paryaṅkīkr̥tya bhōgaṁ svaṁ svapantaṁ tatra mādhavam |
sēvamānaṁ sahasrākṣaṁ nāgarājamupāsmahē || 6 ||
śaradabhraruciḥ svāṅka śayita śyāmasundarā |
śēṣasya mūrtirābhāti caitraparva śaśāṅkavat || 7 ||
saumitrī bhūya rāmasya guṇairdāsyamupāgataḥ |
śēṣatvānuguṇaṁ śēṣaḥ tasyāsīnnityakiṅkaraḥ || 8 ||
attvālōkān layāmbōdhau yadā śiśayiṣurhariḥ |
vaṭapatratanuḥ śēṣaḥ talpaṁ tasyābhavattadā || 9 ||
pādukībhūta rāmasya tadājñāṁ paripālayan |
pāratantryē:’ti śēṣē tvaṁ śēṣa tāṁ jānakīmapi || 10 ||
ciraṁ vihr̥tya vipinē sukhaṁ svapitumicchatōḥ |
sītārāghavayōrāsēdupadhānāṁ phaṇīśvaraḥ || 11 ||
dēvakīgarbhamāviśya harēstrātāsi śēṣa bhōḥ |
satsantānārthinastasmāt tvatpratiṣṭāṁ vitanvatē || 12 ||
gr̥hītvā svaśiśuṁ yāti vasudēvē vrajaṁ drutam |
varṣa trī bhūya śēṣa tvaṁ taṁ rirakṣiṣuranvagāḥ || 13 ||
prasūnadbhiḥ phaṇāratnaiḥ nikuñjē bhūya bhōgirāṭ |
rādhāmādhavayōrāsīt saṅkētasthānamuttamam || 14 ||
bhagavacchēṣabhūtaistvaṁ aśēṣaiḥ śēṣa gīyasē |
ādiśēṣa iti śrīmān sārthakaṁ nāma tē tataḥ || 15 ||
anantaścāsmi nāgānāṁ iti gītāsu sannutaḥ |
anantō:’nantakaiṅkarya sampadāpyētyananta tām || 16 ||
ahō vividharō:’pyēṣaḥ śēṣaḥ śrīpati sēvanāt |
sahasraśīrṣyō:’nantō:’bhūt sahasrākṣaḥ sahasrapāt || 17 ||
harēḥ śrīpāda cihnāni dhattē śīrṣaiḥ phaṇīśvaraḥ |
cihnāni svāminō dāsaiḥ dhartavyāniti bōdhayan || 18 ||
ananta sēvinaḥ sarvē jīrṇāṁ tvacamivōragaḥ |
vimucya viṣayāsaktiṁ śēṣatvē kurvatē ratim || 19 ||
śrī śrīśanāya sāhasrīṁ yugapatparikīrtayan |
sahasravadanaḥ śēṣō nūnaṁ dvirasanō:’bhavat || 20 ||
anyōnya vairamutsr̥jya phaṇīśvara khagēśvarau |
śayanaṁ vāhanaṁ viṣṇōḥ abhūtāṁ tvatpadāśrayau || 21 ||
vapuḥ śabdamanōdōṣānvirasya śr̥tigōcaram |
darśayantaṁ parabrahmaṁ taṁ śēṣaṁ samupāsmahē || 22 ||
śēṣatalpēna raṅgēśaḥ śēṣādrau vēṅkaṭēśvaraḥ |
hasti kālēśvaraḥ śēṣa bhūṣaṇēna virājatē || 23 ||
bhavatpādukātvaṁ tē mahattvā pādukō guṇaḥ |
śirasā dhārayanti tvāṁ bhaktyā śēṣayaḥ sa mē || 24 ||
bhāgavata śēṣatāyāḥ mahattvamāvēdayannayaṁ śēṣaḥ |
gururasya vāmapādē viṣṇōrvāhasya vīrakaṭakamābhūt || 25 ||
śēṣaḥ pītāmbaraṁ viṣṇōḥ tadviṣṇudhr̥tamambaram |
śēṣavastramiti khyātyā bhakta sammānyatāṁ gatam || 26 ||
durmatiṁ jananīṁ tyaktvā śrīpatiṁ śaraṇaṁ gataḥ |
tēna dattvābhayō:’nantaḥ tasyāsēnnityakiṅkaraḥ || 27 ||
gargāya munayē jyōtirvidyāṁ yaḥ samupādiśat |
dēvarṣigaṇasampūjyaṁ taṁ anantamupāsmahē || 28 ||
vandē:’nantaṁ mudābhāntaṁ rucā śvētaṁ surārcitam |
haripādābja śaraṇaṁ tadīyāsyābja tōṣaṇam || 29 ||
śrīmatē viṣṇubhaktāya śaṅkhacakrādidhāriṇē |
vāruṇī kīrti sahitāyānantāyāstu maṅgalam || 30 ||
imaṁ stutiṁ anantasya bhaktyā nityaṁ paṭhanti yē |
sarpabādhā na tēṣāṁ syāt putriṇaḥ syuḥ harēḥ priyāḥ || 31 ||
iti śrīādiśēṣa stavam ||
See more śrī viṣṇu stōtrāṇi for chanting. See more nāgadēvata stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.