Read in తెలుగు / ಕನ್ನಡ / தமிழ் / देवनागरी / English (IAST)
caturthadaśakam (4) – yogābhyāsaḥ tathā yogasiddhiḥ
kalyatāṁ mama kuruṣva tāvatīṁ
kalyate bhavadupāsanaṁ yayā |
spaṣṭamaṣṭavidhayogacaryayā
puṣṭayā”śu tava tuṣṭimāpnuyām || 4-1 ||
brahmacaryadṛḍhatādibhiryamai-
-rāplavādiniyamaiśca pāvitāḥ |
kurmahe dṛḍhamamī sukhāsanaṁ
paṅkajādyamapi vā bhavatparāḥ || 4-2 ||
tāramantaranucintya santataṁ
prāṇavāyumabhiyamya nirmalāḥ |
indriyāṇi viṣayādathāpahṛ-
-tyāsmahe bhavadupāsanonmukhāḥ || 4-3 ||
asphuṭe vapuṣi te prayatnato
dhārayema dhiṣaṇāṁ muhurmuhuḥ |
tena bhaktirasamantarārdratā-
-mudvahema bhavadaṅghricintakāḥ || 4-4 ||
visphuṭāvayavabhedasundaraṁ
tvadvapuḥ suciraśīlanāvaśāt |
aśramaṁ manasi cintayāmahe
dhyānayoganiratāstvadāśrayāḥ || 4-5 ||
dhyāyatāṁ sakalamūrtimīdṛśī-
-munmiṣanmadhuratāhṛtātmanām |
sāndramodarasarūpamāntaraṁ
brahmarūpamayi te’vabhāsate || 4-6 ||
tatsamāsvadanarūpiṇīṁ sthitiṁ
tvatsamādhimayi viśvanāyaka |
āśritāḥ punarataḥ paricyutā-
-vārabhemahi ca dhāraṇādikam || 4-7 ||
itthamabhyasananirbharollasat
tvatparātmasukhakalpitotsavāḥ |
muktabhaktakulamaulitāṁ gatāḥ
sañcarema śukanāradādivat || 4-8 ||
tvatsamādhivijaye tu yaḥ puna-
-rmaṅkṣu mokṣarasikaḥ krameṇa vā |
yogavaśyamanilaṁ ṣaḍāśrayai-
-runnayatyaja suṣumnayā śanaiḥ || 4-9 ||
liṅgadehamapi santyajannatho
līyate tvayi pare nirāgrahaḥ |
ūrdhvalokakutukī tu mūrdhataḥ
sārdhameva karaṇairnirīyate || 4-10 ||
agnivāsaravalarkṣapakṣagai-
-ruttarāyaṇajuṣā ca daivataiḥ |
prāpito ravipadaṁ bhavatparo
modavān dhruvapadāntamīyate || 4-11 ||
āsthito’tha maharālaye yadā
śeṣavaktradahanoṣmaṇārdyate |
īyate bhavadupāśrayastadā
vedhasaḥ padamataḥ puraiva vā || 4-12 ||
tatra vā tava pade’thavā vasan
prākṛtapralaya eti muktatām |
svecchayā khalu purā vimucyate
saṁvibhidya jagadaṇḍamojasā || 4-13 ||
tasya ca kṣitipayomaho’nila-
-dyo mahatprakṛtisaptakāvṛtīḥ |
tattadātmakatayā viśan sukhī
yāti te padamanāvṛtaṁ vibho || 4-14 ||
arcirādigatimīdṛśīṁ vrajan
vicyutiṁ na bhajate jagatpate |
saccidātmaka bhavadguṇodayā-
-nuccarantamanileśa pāhi mām || 4-15 ||
iti caturthadaśakaṁ samāptam |
See complete nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.