Read in తెలుగు / ಕನ್ನಡ / தமிழ் / देवनागरी / English (IAST)
|| astragrāmapradānam ||
atha tāṁ rajanīmuṣya viśvāmitrō mahāyaśāḥ |
prahasya rāghavaṁ vākyamuvāca madhurākṣaram || 1 ||
parituṣṭō:’smi bhadraṁ tē rājaputra mahāyaśaḥ |
prītyā paramayā yuktō dadāmyastrāṇi sarvaśaḥ || 2 ||
dēvāsuragaṇānvāpi sagandharvōragānapi |
yairamitrānprasahyājau vaśīkr̥tya jayiṣyasi || 3 ||
tāni divyāni bhadraṁ tē dadāmyastrāṇi sarvaśaḥ |
daṇḍacakraṁ mahaddivyaṁ tava dāsyāmi rāghava || 4 ||
dharmacakraṁ tatō vīra kālacakraṁ tathaiva ca |
viṣṇucakraṁ tathā:’tyugramaindramastraṁ tathaiva ca || 5 ||
vajramastraṁ naraśrēṣṭha śaivaṁ śūlavaraṁ tathā |
astraṁ brahmaśiraścaiva ēṣīkamapi rāghava || 6 ||
dadāmi tē mahābāhō brāhmamastramanuttamam |
gadē dvē caiva kākutstha mōdakī śikharī ubhē || 7 ||
pradīptē naraśārdūla prayacchāmi nr̥pātmaja |
dharmapāśamahaṁ rāma kālapāśaṁ tathaiva ca || 8 ||
pāśaṁ vāruṇamastraṁ ca dadāmyahamanuttamam |
aśanī dvē prayacchāmi śuṣkārdrē raghunandana || 9 ||
dadāmi cāstraṁ painākamastraṁ nārāyaṇaṁ tathā |
āgnēyamastraṁ dayitaṁ śikharaṁ nāma nāmataḥ || 10 ||
vāyavyaṁ prathanaṁ nāma dadāmi ca tavānagha |
astraṁ hayaśirō nāma krauñcamastraṁ tathaiva ca || 11 ||
śaktidvayaṁ ca kākutstha dadāmi tava rāghava |
kaṅkālaṁ musalaṁ ghōraṁ kāpālamatha kaṅkaṇam || 12 ||
dhārayantyasurā yāni dadāmyētāni sarvaśaḥ |
vaidyādharaṁ mahāstraṁ ca nandanaṁ nāma nāmataḥ || 13 ||
asiratnaṁ mahābāhō dadāmi nr̥varātmaja |
gāndharvamastraṁ dayitē mānavaṁ nāma nāmataḥ || 14 || [mōhanaṁ]
prasvāpanapraśamanaṁ dadmi sauraṁ ca rāghava |
darpaṇaṁ śōṣaṇaṁ caiva santāpanavilāpanē || 15 ||
madanaṁ caiva durdharṣaṁ kandarpadayitaṁ tathā |
[* gāndharvamastraṁ dayitaṁ mānavaṁ nāma nāmataḥ | *]
paiśācamastraṁ dayitaṁ mōhanaṁ nāma nāmataḥ || 16 ||
pratīccha naraśārdūla rājaputra mahāyaśaḥ |
tāmasaṁ naraśārdūla saumanaṁ ca mahābala || 17 ||
saṁvartaṁ caiva durdharṣaṁ mausalaṁ ca nr̥pātmaja |
satyamastraṁ mahābāhō tathā māyādharaṁ param || 18 ||
ghōraṁ tējaḥprabhaṁ nāma paratējō:’pakarṣaṇam |
saumyāstraṁ śiśiraṁ nāma tvāṣṭramastraṁ sudāmanam || 19 ||
dāruṇaṁ ca bhagasyāpi śitēṣumatha mānavam |
ētānrāma mahābāhō kāmarūpānmahābalān || 20 ||
gr̥hāṇa paramōdārān kṣipramēva nr̥pātmaja |
sthitastu prāṅmukhō bhūtvā śucirmunivarastadā || 21 ||
dadau rāmāya suprītō mantragrāmamanuttamam |
sarvasaṅgrahaṇaṁ yēṣāṁ daivatairapi durlabham || 22 ||
tānyastrāṇi tadā viprō rāghavāya nyavēdayat |
japatastu munēstasya viśvāmitrasya dhīmataḥ || 23 ||
upatasturmahārhāṇi sarvāṇyastrāṇi rāghavam |
ūcuśca muditāḥ sarvē rāmaṁ prāñjalayastadā || 24 ||
imē sma paramōdārāḥ kiṅkarāstava rāghava |
[* adhikapāṭhaḥ –
yadyadicchasi bhadraṁ tē tatsarvaṁ karavāma vai |
tatō rāmaḥ prasannātmā tairityuktō mahābalaiḥ |
*]
pratigr̥hya ca kākutsthaḥ samālabhya ca pāṇinā |
mānasā mē bhaviṣyadhvamiti tānabhyacōdayat || 25 ||
tataḥ prītamanā rāmō viśvāmitraṁ mahāmunim |
abhivādya mahātējā gamanāyōpacakramē || 26 ||
ityārṣē śrīmadrāmāyaṇē vālmīkīyē ādikāvyē bālakāṇḍē saptaviṁśaḥ sargaḥ || 27 ||
bālakāṇḍa aṣṭāviṁśaḥ sargaḥ (28) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.