Read in తెలుగు / ಕನ್ನಡ / தமிழ் / देवनागरी / English (IAST)
|| మకరాక్షాభిషేణనమ్ ||
నికుంభం చ హతం శ్రుత్వా కుంభం చ వినిపాతితమ్ |
రావణః పరమామర్షీ ప్రజజ్వాలానలో యథా || ౧ ||
నైరృతః క్రోధశోకాభ్యాం ద్వాభ్యాం తు పరిమూర్ఛితః |
ఖరపుత్రం విశాలాక్షం మకరాక్షమచోదయత్ || ౨ ||
గచ్ఛ పుత్ర మయాఽఽజ్ఞప్తో బలేనాభిసమన్వితః |
రాఘవం లక్ష్మణం చైవ జహి తాంశ్చ వనౌకసః || ౩ ||
రావణస్య వచః శ్రుత్వా శూరమానీ ఖరాత్మజః |
బాఢమిత్యబ్రవీద్ధృష్టో మకరాక్షో నిశాచరః || ౪ ||
సోఽభివాద్య దశగ్రీవం కృత్వా చాపి ప్రదక్షిణమ్ |
నిర్జగామ గృహాచ్ఛుభ్రాద్రావణస్యాజ్ఞయా బలీ || ౫ ||
సమీపస్థం బలాధ్యక్షం ఖరపుత్రోఽబ్రవీదిదమ్ |
రథశ్చానీయతాం శీఘ్రం సైన్యం చాహూయతాం త్వరాత్ || ౬ ||
తస్య తద్వచనం శ్రుత్వా బలాధ్యక్షో నిశాచరః |
స్యందనం చ బలం చైవ సమీపం ప్రత్యపాదయత్ || ౭ ||
ప్రదక్షిణం రథం కృత్వా ఆరురోహ నిశాచరః |
సూతం సంచోదయామాస శీఘ్రం మే రథమావహ || ౮ ||
అథ తాన్రాక్షసాన్సర్వాన్మకరాక్షోఽబ్రవీదిదమ్ |
యూయం సర్వే ప్రయుధ్యధ్వం పురస్తాన్మమ రాక్షసాః || ౯ ||
అహం రాక్షసరాజేన రావణేన మహాత్మనా |
ఆజ్ఞప్తః సమరే హంతుం తావుభౌ రామలక్ష్మణౌ || ౧౦ ||
అద్య రామం వధిష్యామి లక్ష్మణం చ నిశాచరాః |
శాఖామృగం చ సుగ్రీవం వానరాంశ్చ శరోత్తమైః || ౧౧ ||
అద్య శూలనిపాతైశ్చ వానరాణాం మహాచమూమ్ |
ప్రదహిష్యామి సంప్రాప్తః శుష్కేంధనమివానలః || ౧౨ ||
మకరాక్షస్య తచ్ఛ్రుత్వా వచనం తే నిశాచరాః |
సర్వే నానాయుధోపేతా బలవంతః సమాగతాః || ౧౩ ||
తే కామరూపిణః సర్వే దంష్ట్రిణః పింగళేక్షణాః |
మాతంగా ఇవ నర్దంతో ధ్వస్తకేశా భయానకాః || ౧౪ ||
పరివార్య మహాకాయా మహాకాయం ఖరాత్మజమ్ |
అభిజగ్ముస్తతో హృష్టాశ్చాలయంతో వసుంధరామ్ || ౧౫ ||
శంఖభేరీసహస్రాణామాహతానాం సమంతతః |
క్ష్వేళితాస్ఫోటితానాం చ తతః శబ్దో మహానభూత్ || ౧౬ ||
ప్రభ్రష్టోఽథ కరాత్తస్య ప్రతోదః సారథేస్తదా |
పపాత సహసా చైవ ధ్వజస్తస్య చ రక్షసః || ౧౭ ||
తస్య తే రథయుక్తాశ్చ హయా విక్రమవర్జితాః |
చరణైరాకులైర్గత్వా దీనాః సాస్రముఖా యయుః || ౧౮ ||
ప్రవాతి పవనస్తస్మిన్సపాంసుః ఖరదారుణః |
నిర్యాణే తస్య రౌద్రస్య మకరాక్షస్య దుర్మతేః || ౧౯ ||
తాని దృష్ట్వా నిమిత్తాని రాక్షసా వీర్యవత్తమాః |
అచింత్య నిర్గతాః సర్వే యత్ర తౌ రామలక్ష్మణౌ || ౨౦ ||
ఘనగజమహిషాంగతుల్యవర్ణాః
సమరముఖేష్వసకృద్గదాసిభిన్నాః |
అహమహమితి యుద్ధకౌశలాస్తే
రజనిచరాః పరితః సమున్నదంతః || ౨౧ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే అష్టసప్తతితమః సర్గః || ౭౮ ||
యుద్ధకాండ ఏకోనాశీతితమః సర్గః (౭౯) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.