Read in తెలుగు / ಕನ್ನಡ / தமிழ் / देवनागरी / English (IAST)
|| ఇంద్రవరదానమ్ ||
ప్రతియాతే తు కాకుత్స్థే మహేంద్రః పాకశాసనః | [ప్రతిప్రయాతే]
అబ్రవీత్పరమప్రీతో రాఘవం ప్రాంజలిం స్థితమ్ || ౧ ||
అమోఘం దర్శనం రామ తవాస్మాకం పరంతప |
ప్రీతియుక్తాః స్మ తేన త్వం బ్రూహి యన్మనసేచ్ఛసి || ౨ ||
ఏవముక్తస్తు కాకుత్స్థః ప్రత్యువాచ కృతాంజలిః |
లక్ష్మణేన సహ భ్రాత్రా సీతయా సహ భార్యయా || ౩ ||
యది ప్రీతిః సముత్పన్నా మయి సర్వసురేశ్వర |
వక్ష్యామి కురు తే సత్యం వచనం వదతాం వర || ౪ ||
మమ హేతోః పరాక్రాంతా యే గతా యమసాదనమ్ |
తే సర్వే జీవితం ప్రాప్య సముత్తిష్ఠంతు వానరాః || ౫ ||
మత్కృతే విప్రయుక్తా యే పుత్రైర్దారైశ్చ వానరాః |
మత్ప్రియేష్వభియుక్తాశ్చ న మృత్యుం గణయంతి చ || ౬ ||
త్వత్ప్రసాదాత్సమేయుస్తే వరమేతదహం వృణే |
నీరుజో నిర్వ్రణాంశ్చైవ సంపన్నబలపౌరుషాన్ || ౭ ||
గోలాంగూలాంస్తథైవర్క్షాన్ద్రష్టుమిచ్ఛామి మానద |
అకాలే చాపి ముఖ్యాని మూలాని చ ఫలాని చ || ౮ ||
నద్యశ్చ విమలాస్తత్ర తిష్ఠేయుర్యత్ర వానరాః |
శ్రుత్వా తు వచనం తస్య రాఘవస్య మహాత్మనః || ౯ ||
మహేంద్రః ప్రత్యువాచేదం వచనం ప్రీతిలక్షణమ్ |
మహానయం వరస్తాత త్వయోక్తో రఘునందన || ౧౦ ||
ద్విర్మయా నోక్తపూర్వం హి తస్మాదేతద్భవిష్యతి |
సముత్థాస్యంతి హరయో యే హతా యుధి రాక్షసైః || ౧౧ ||
ఋక్షాశ్చ సహగోపుచ్ఛా నికృత్తాననబాహవః |
నీరుజో నిర్వ్రణాశ్చైవ సంపన్నబలపౌరుషాః || ౧౨ ||
సముత్థాస్యంతి హరయః సుప్తా నిద్రాక్షయే యథా |
సుహృద్భిర్బాంధవైశ్చైవ జ్ఞాతిభిః స్వజనైరపి || ౧౩ ||
సర్వ ఏవ సమేష్యంతి సంయుక్తాః పరయా ముదా |
అకాలే పుష్పశబలాః ఫలవంతశ్చ పాదపాః || ౧౪ ||
భవిష్యంతి మహేష్వాస నద్యశ్చ సలిలాయుతాః |
సవ్రణైః ప్రథమం గాత్రైః సంవృత్తైర్నిర్వ్రణైః పునః || ౧౫ ||
తతః సముత్థితాః సర్వే సుప్త్వేవ హరిపుంగవాః |
బభూవుర్వానరాః సర్వే కిమేతదితి విస్మితాః || ౧౬ ||
తే సర్వే వానరాస్తస్మై రాఘవాయాభ్యవాదయన్ |
కాకుత్స్థం పరిపూర్ణార్థం దృష్ట్వా సర్వే సురోత్తమాః || ౧౭ ||
ఊచుస్తే ప్రథమం స్తుత్వా స్తవార్హం సహలక్ష్మణమ్ |
గచ్ఛాయోధ్యామితో వీర విసర్జయ చ వానరాన్ || ౧౮ ||
మైథిలీం సాంత్వయస్వైనామనురక్తాం తపస్వినీమ్ |
శత్రుఘ్నం చ మహాత్మానం మాతౄః సర్వాః పరంతప || ౧౯ ||
భ్రాతరం పశ్య భరతం త్వచ్ఛోకాద్వ్రతధారిణమ్ |
అభిషేచయ చాత్మానం పౌరాన్గత్వా ప్రహర్షయ || ౨౦ ||
ఏవముక్త్వా తమామంత్ర్య రామం సౌమిత్రిణా సహ |
విమానైః సూర్యసంకాశైర్హృష్టా జగ్ముః సురా దివమ్ || ౨౧ ||
అభివాద్య చ కాకుత్స్థః సర్వాంస్తాంస్త్రిదశోత్తమాన్ |
లక్ష్మణేన సహ భ్రాత్రా వాసమాజ్ఞాపయత్తదా || ౨౨ ||
తతస్తు సా లక్ష్మణరామపాలితా
మహాచమూర్హృష్టజనా యశస్వినీ |
శ్రియా జ్వలంతీ విరరాజ సర్వతో
నిశా ప్రణీతేవ హి శీతరశ్మినా || ౨౩ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే త్రయోవింశత్యుత్తరశతతమః సర్గః || ౧౨౩ ||
యుద్ధకాండ చతుర్వింశత్యుత్తరశతతమః సర్గః (౧౨౪) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.