Read in తెలుగు / ಕನ್ನಡ / தமிழ் / देवनागरी / English (IAST)
|| విభీషణవిలాపః ||
భ్రాతరం నిహతం దృష్ట్వా శయానం రామనిర్జితమ్ |
శోకవేగపరీతాత్మా విలలాప విభీషణః || ౧ ||
వీర విక్రాంతవిఖ్యాత వినీత నయకోవిద |
మహార్హశయనోపేత కిం శేషేఽద్య హతో భువి || ౨ ||
విక్షిప్య దీర్ఘౌ నిశ్చేష్టౌ భుజావంగదభూషితౌ |
ముకుటేనాపవృత్తేన భాస్కరాకారవర్చసా || ౩ ||
తదిదం వీర సంప్రాప్తం మయా పూర్వం సమీరితమ్ |
కామమోహపరీతస్య యత్తే న రుచితం వచః || ౪ ||
యన్న దర్పాత్ప్రహస్తో వా నేంద్రజిన్నాపరే జనాః |
న కుంభకర్ణోఽతిరథో నాతికాయో నరాంతకః || ౫ ||
న స్వయం త్వమమన్యేథాస్తస్యోదర్కోఽయమాగతః |
గతః సేతుః సునీతానాం గతో ధర్మస్య విగ్రహః || ౬ ||
గతః సత్త్వస్య సంక్షేపః ప్రస్తావానాం గతిర్గతా |
ఆదిత్యః పతితో భూమౌ మగ్నస్తమసి చంద్రమాః || ౭ ||
చిత్రభానుః ప్రశాంతార్చిర్వ్యవసాయో నిరుద్యమః |
అస్మిన్నిపతితే భూమౌ వీరే శస్త్రభృతాం వరే || ౮ ||
కిం శేషమివ లోకస్య హతవీరస్య సాంప్రతమ్ |
రణే రాక్షసశార్దూలే ప్రసుప్త ఇవ పాంసుషు || ౯ ||
ధృతిప్రవాలః ప్రసహాగ్ర్యపుష్పః
తపోబలః శౌర్యనిబద్ధమూలః |
రణే మహాన్రాక్షసరాజవృక్షః
సంమర్దితో రాఘవమారుతేన || ౧౦ ||
తేజోవిషాణః కులవంశవంశః
కోపప్రసాదాపరగాత్రహస్తః |
ఇక్ష్వాకుసింహావగృహీతదేహః
సుప్తః క్షితౌ రావణగంధహస్తీ || ౧౧ ||
పరాక్రమోత్సాహవిజృంభితార్చిః
నిశ్వాసధూమః స్వబలప్రతాపః |
ప్రతాపవాన్సంయతి రాక్షసాగ్నిః
నిర్వాపితో రామపయోధరేణ || ౧౨ ||
సింహర్క్షలాంగూలకకుద్విషాణః
పరాభిజిద్గంధనగంధహస్తీ |
రక్షోవృషశ్చాపలకర్ణచక్షుః
క్షితీశ్వరవ్యాఘ్రహతోఽవసన్నః || ౧౩ ||
వదంతం హేతుమద్వాక్యం పరిమృష్టార్థనిశ్చయమ్ |
రామః శోకసమావిష్టమిత్యువాచ విభీషణమ్ || ౧౪ ||
నాయం వినష్టో నిశ్చేష్టః సమరే చండవిక్రమః |
అత్యున్నతమహోత్సాహః పతితోఽయమశంకితః || ౧౫ ||
నైవం వినష్టాః శోచ్యంతే క్షత్రధర్మమవస్థితాః |
వృద్ధిమాశంసమానా యే నిపతంతి రణాజిరే || ౧౬ ||
యేన సేంద్రాస్త్రయో లోకాస్త్రాసితా యుధి ధీమతా |
తస్మిన్కాలసమాయుక్తే న కాలః పరిశోచితుమ్ || ౧౭ ||
నైకాంతవిజయో యుద్ధే భూతపూర్వః కదాచన |
పరైర్వా హన్యతే వీరః పరాన్వా హంతి సంయుగే || ౧౮ ||
ఇయం హి పూర్వైః సందిష్టా గతిః క్షత్రియసమ్మతా |
క్షత్రియో నిహతః సంఖ్యే న శోచ్య ఇతి నిశ్చయః || ౧౯ ||
తదేవం నిశ్చయం దృష్ట్వా తత్త్వమాస్థాయ విజ్వరః |
యదిహానంతరం కార్యం కల్ప్యం తదనుచింతయ || ౨౦ ||
తముక్తవాక్యం విక్రాంతం రాజపుత్రం విభీషణః |
ఉవాచ శోకసంతప్తో భ్రాతుర్హితమనంతరమ్ || ౨౧ ||
యోఽయం విమర్దేషు న భగ్నపూర్వః
సురైః సమేతైః సహ వాసవేన |
భవంతమాసాద్య రణే విభగ్నో
వేలామివాసాద్య యథా సముద్రః || ౨౨ ||
అనేన దత్తాని సుపూజితాని
భుక్తాశ్చ భోగా నిభృతాశ్చ భృత్యాః |
ధనాని మిత్రేషు సమర్పితాని
వైరాణ్యమిత్రేషు చ యాపితాని || ౨౩ ||
ఏషో హితాగ్నశ్చ మహాతపాశ్చ
వేదాంతగః కర్మసు చాగ్ర్యవీర్యః |
ఏతస్య యత్ప్రేతగతస్య కృత్యం
తత్కర్తుమిచ్ఛామి తవ ప్రసాదాత్ || ౨౪ ||
స తస్య వాక్యైః కరుణైర్మహాత్మా
సంబోధితః సాధు విభీషణేన |
ఆజ్ఞాపయామాస నరేంద్రసూనుః
స్వర్గీయమాధానమదీనసత్త్వః || ౨౫ ||
మరణాంతాని వైరాణి నిర్వృత్తం నః ప్రయోజనమ్ |
క్రియతామస్య సంస్కారో మమాప్యేష యథా తవ || ౨౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే ద్వాదశోత్తరశతతమః సర్గః || ౧౧౨ ||
యుద్ధకాండ త్రయోదశోత్తరశతతమః సర్గః (౧౧౩) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.