Yuddha Kanda Sarga 84 – யுத்³த⁴காண்ட³ சதுரஶீதிதம꞉ ஸர்க³꞉ (84)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ சதுரஶீதிதம꞉ ஸர்க³꞉ (84)

॥ இந்த்³ரஜிந்மாயாவிவரணம் ॥

ராமமாஶ்வாஸயாநே து லக்ஷ்மணே ப்⁴ராத்ருவத்ஸலே ।
நிக்ஷிப்ய கு³ள்மாந்ஸ்வஸ்தா²நே தத்ராக³ச்ச²த்³விபீ⁴ஷண꞉ ॥ 1 ॥

நாநாப்ரஹரணைர்வீரைஶ்சதுர்பி⁴꞉ ஸசிவைர்வ்ருத꞉ ।
நீலாஞ்ஜநசயாகாரைர்மாதங்கை³ரிவ யூத²ப꞉ ॥ 2 ॥

ஸோ(அ)பி⁴க³ம்ய மஹாத்மாநம் ராக⁴வம் ஶோகலாலஸம் ।
வாநராம்ஶ்சைவ த³த்³ருஶே பா³ஷ்பபர்யாகுலேக்ஷணாந் ॥ 3 ॥

ராக⁴வம் ச மஹாத்மாநமிக்ஷ்வாகுகுலநந்த³நம் ।
த³த³ர்ஶ மோஹமாபந்நம் லக்ஷ்மணஸ்யாங்கமாஶ்ரிதம் ॥ 4 ॥

வ்ரீடி³தம் ஶோகஸந்தப்தம் த்³ருஷ்ட்வா ராமம் விபீ⁴ஷண꞉ ।
அந்தர்து³꞉கே²ந தீ³நாத்மா கிமேததி³தி ஸோ(அ)ப்³ரவீத் ॥ 5 ॥

விபீ⁴ஷணமுக²ம் த்³ருஷ்ட்வா ஸுக்³ரீவம் தாம்ஶ்ச வாநராந் ।
லக்ஷ்மணோவாச மந்தா³ர்த²மித³ம் பா³ஷ்பபரிப்லுத꞉ ॥ 6 ॥

ஹதாமிந்த்³ரஜிதா ஸீதாமிஹ ஶ்ருத்வைவ ராக⁴வ꞉ ।
ஹநுமத்³வசநாத்ஸௌம்ய ததோ மோஹமுபாக³த꞉ ॥ 7 ॥

கத²யந்தம் து ஸௌமித்ரிம் ஸந்நிவார்ய விபீ⁴ஷண꞉ ।
புஷ்களார்த²மித³ம் வாக்யம் விஸஞ்ஜ்ஞம் ராமமப்³ரவீத் ॥ 8 ॥

மநுஜேந்த்³ரார்தரூபேண யது³க்தம் ச ஹநூமதா ।
தத³யுக்தமஹம் மந்யே ஸாக³ரஸ்யேவ ஶோஷணம் ॥ 9 ॥

அபி⁴ப்ராயம் து ஜாநாமி ராவணஸ்ய து³ராத்மந꞉ ।
ஸீதாம் ப்ரதி மஹாபா³ஹோ ந ச கா⁴தம் கரிஷ்யதி ॥ 10 ॥

யாச்யமாநஸ்து ப³ஹுஶோ மயா ஹிதசிகீர்ஷுணா ।
வைதே³ஹீமுத்ஸ்ருஜஸ்வேதி ந ச தத்க்ருதவாந்வச꞉ ॥ 11 ॥

நைவ ஸாம்நா ந தா³நேந ந பே⁴தே³ந குதோ யுதா⁴ ।
ஸா த்³ரஷ்டுமபி ஶக்யேத நைவ சாந்யேந கேநசித் ॥ 12 ॥

வாநராந்மோஹயித்வா து ப்ரதியாத꞉ ஸ ராக்ஷஸ꞉ ।
சைத்யம் நிகும்பி⁴லாம் நாம யத்ர ஹோமம் கரிஷ்யதி ॥ 13 ॥

ஹுதவாநுபயாதோ ஹி தே³வைரபி ஸவாஸவை꞉ ।
து³ராத⁴ர்ஷோ ப⁴வத்யேவ ஸங்க்³ராமே ராவணாத்மஜ꞉ ॥ 14 ॥

தேந மோஹயதா நூநமேஷா மாயா ப்ரயோஜிதா ।
விக்⁴நமந்விச்ச²தா தத்ர வாநராணாம் பராக்ரமே ॥ 15 ॥

ஸஸைந்யாஸ்தத்ர க³ச்சா²மோ யாவத்தந்ந ஸமாப்யதே ।
த்யஜேமம் நரஶார்தூ³ள மித்²யா ஸந்தாபமாக³தம் ॥ 16 ॥

ஸீத³தே ஹி ப³லம் ஸர்வம் த்³ருஷ்ட்வா த்வாம் ஶோககர்ஶிதம் ।
இஹ த்வம் ஸ்வஸ்த²ஹ்ருத³யஸ்திஷ்ட² ஸத்த்வஸமுச்ச்²ரித꞉ ॥ 17 ॥

லக்ஷ்மணம் ப்ரேஷயாஸ்மாபி⁴꞉ ஸஹ ஸைந்யாநுகர்ஷிபி⁴꞉ ।
ஏஷ தம் நரஶார்தூ³ளோ ராவணிம் நிஶிதை꞉ ஶரை꞉ ।
த்யாஜயிஷ்யதி தத்கர்ம ததோ வத்⁴யோ ப⁴விஷ்யதி ॥ 18 ॥

தஸ்யைதே நிஶிதாஸ்தீக்ஷ்ணா꞉ பத்ரிபத்ராங்க³வாஜிந꞉ ।
பதத்ரிண இவாஸௌம்யா꞉ ஶரா꞉ பாஸ்யந்தி ஶோணிதம் ॥ 19 ॥

தம் ஸந்தி³ஶ மஹாபா³ஹோ லக்ஷ்மணம் ஶுப⁴லக்ஷணம் ।
ராக்ஷஸஸ்ய விநாஶாய வஜ்ரம் வஜ்ரத⁴ரோ யதா² ॥ 20 ॥

மநுஜவர ந காலவிப்ரகர்ஷோ
ரிபுநித⁴நம் ப்ரதி யத்க்ஷமோ(அ)த்³ய கர்தும் ।
த்வமதிஸ்ருஜ ரிபோர்வதா⁴ய வாணீ-
-மமரரிபோர்மத²நே யதா² மஹேந்த்³ர꞉ ॥ 21 ॥

ஸமாப்தகர்மா ஹி ஸ ராக்ஷஸாதி⁴போ
ப⁴வத்யத்³ருஶ்ய꞉ ஸமரே ஸுராஸுரை꞉ ।
யுயுத்ஸதா தேந ஸமாப்தகர்மணா
ப⁴வேத்ஸுராணாமபி ஸம்ஶயோ மஹாந் ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ சதுரஶீதிதம꞉ ஸர்க³꞉ ॥ 84 ॥

யுத்³த⁴காண்ட³ பஞ்சாஶீதிதம꞉ ஸர்க³꞉ (85) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.