Taittiriya Upanishad Bhriguvalli – தைத்திரீயோபநிஷத் – 3. ப்⁴ருகு³வல்லீ

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வேதஸூக்தங்கள் → தைத்திரீயோபநிஷத் – 3. ப்⁴ருகு³வல்லீ

ஓம் ஸ॒ஹ நா॑வவது । ஸ॒ஹ நௌ॑ பு⁴நக்து । ஸ॒ஹ வீ॒ர்யம்॑ கரவாவஹை ।
தே॒ஜ॒ஸ்விநா॒வதீ⁴॑தமஸ்து॒ மா வி॑த்³விஷா॒வஹை᳚ ।
ஓம் ஶாந்தி॒: ஶாந்தி॒: ஶாந்தி॑: ॥

(தை।ஆ।9।1।1)

ப்⁴ருகு³॒ர்வை வா॑ரு॒ணி꞉ । வரு॑ணம்॒ பித॑ர॒முப॑ஸஸார ।
அதீ⁴॑ஹி ப⁴க³வோ॒ ப்³ரஹ்மேதி॑ । தஸ்மா॑ ஏ॒தத்ப்ரோ॑வாச ।
அந்நம்॑ ப்ரா॒ணம் சக்ஷு॒ஶ்ஶ்ரோத்ரம்॒ மநோ॒ வாச॒மிதி॑ ।
தக்³ம் ஹோ॑வாச । யதோ॒ வா இ॒மாநி॒ பூ⁴தா॑நி॒ ஜாய॑ந்தே ।
யேந॒ ஜாதா॑நி॒ ஜீவ॑ந்தி ।
யத்ப்ரய॑ந்த்ய॒பி⁴ஸம்வி॑ஶந்தி । தத்³விஜி॑ஜ்ஞாஸஸ்வ । தத்³ப்³ரஹ்மேதி॑ ।
ஸ தபோ॑(அ)தப்யத । ஸ தப॑ஸ்த॒ப்த்வா ॥ 1 ॥

இதி ப்ரத²மோ(அ)நுவாக꞉ ॥

அந்நம்॒ ப்³ரஹ்மேதி॒ வ்ய॑ஜாநாத் ।
அ॒ந்நாத்³த்⁴யே॑வ க²ல்வி॒மாநி॒ பு⁴தா॑நி॒ ஜாய॑ந்தே ।
அந்நே॑ந॒ ஜாதா॑நி॒ ஜீவ॑ந்தி ।
அந்நம்॒ ப்ரய॑ந்த்ய॒பி⁴ஸம்வி॑ஶ॒ந்தீதி॑ । தத்³வி॒ஜ்ஞாய॑ ।
புந॑ரே॒வ வரு॑ணம்॒ பித॑ர॒முப॑ஸஸார ।
அதீ⁴॑ஹி ப⁴க³வோ॒ ப்³ரஹ்மேதி॑ । தக்³ம் ஹோ॑வாச ।
தப॑ஸா॒ ப்³ரஹ்ம॒ விஜி॑ஜ்ஞாஸஸ்வ । தபோ॒ ப்³ரஹ்மேதி॑ ।
ஸ தபோ॑(அ)தப்யத । ஸ தப॑ஸ்த॒ப்த்வா ॥ 1 ॥

இதி த்³விதீயோ(அ)நுவாக꞉ ॥

ப்ரா॒ணோ ப்³ர॒ஹ்மேதி॒ வ்ய॑ஜாநாத் ।
ப்ரா॒ணாத்³த்⁴யே॑வ க²ல்வி॒மாநி॒ பூ⁴தா॑நி॒ ஜாய॑ந்தே ।
ப்ரா॒ணேந॒ ஜாதா॑நி॒ ஜீவ॑ந்தி ।
ப்ரா॒ணம் ப்ரய॑ந்த்ய॒பி⁴ஸம்வி॑ஶ॒ந்தீதி॑ । தத்³வி॒ஜ்ஞாய॑ ।
புந॑ரே॒வ வரு॑ணம்॒ பித॑ர॒முப॑ஸஸார ।
அதீ⁴॑ஹி ப⁴க³வோ॒ ப்³ரஹ்மேதி॑ । தக்³ம் ஹோ॑வாச ।
தப॑ஸா॒ ப்³ரஹ்ம॒ விஜி॑ஜ்ஞாஸஸ்வ । தபோ॒ ப்³ரஹ்மேதி॑ ।
ஸ தபோ॑(அ)தப்யத । ஸ தப॑ஸ்த॒ப்த்வா ॥ 1 ॥

இதி த்ருதீயோ(அ)நுவாக꞉ ॥

மநோ॒ ப்³ரஹ்மேதி॒ வ்ய॑ஜாநாத் ।
மந॑ஸோ॒ ஹ்யே॑வ க²ல்வி॒மாநி॒ பூ⁴தா॑நி॒ ஜாய॑ந்தே ।
மந॑ஸா॒ ஜாதா॑நி॒ ஜீவ॑ந்தி ।
மந॒: ப்ரய॑ந்த்ய॒பி⁴ஸம்வி॑ஶ॒ந்தீதி॑ । தத்³வி॒ஜ்ஞாய॑ ।
புந॑ரே॒வ வரு॑ணம்॒ பித॑ர॒முப॑ஸஸார ।
அதீ⁴॑ஹி ப⁴க³வோ॒ ப்³ரஹ்மேதி॑ । தக்³ம் ஹோ॑வாச ।
தப॑ஸா॒ ப்³ரஹ்ம॒ விஜி॑ஜ்ஞாஸஸ்வ । தபோ॒ ப்³ரஹ்மேதி॑ ।
ஸ தபோ॑(அ)தப்யத । ஸ தப॑ஸ்த॒ப்த்வா ॥ 1 ॥

இதி சதுர்தோ²(அ)நுவாக꞉ ॥

வி॒ஜ்ஞாநம்॒ ப்³ரஹ்மேதி॒ வ்ய॑ஜாநாத் ।
வி॒ஜ்ஞாநா॒த்³த்⁴யே॑வ க²ல்வி॒மாநி॒ பூ⁴தா॑நி॒ ஜாய॑ந்தே ।
வி॒ஜ்ஞாநே॑ந॒ ஜாதா॑நி॒ ஜீவ॑ந்தி ।
வி॒ஜ்ஞாநம்॒ ப்ரய॑ந்த்ய॒பி⁴ஸம்வி॑ஶ॒ந்தீதி॑ । தத்³வி॒ஜ்ஞாய॑ ।
புந॑ரே॒வ வரு॑ணம்॒ பித॑ர॒முப॑ஸஸார ।
அதீ⁴॑ஹி ப⁴க³வோ॒ ப்³ரஹ்மேதி॑ । தக்³ம் ஹோ॑வாச ।
தப॑ஸா॒ ப்³ரஹ்ம॒ விஜி॑ஜ்ஞாஸஸ்வ । தபோ॒ ப்³ரஹ்மேதி॑ ।
ஸ தபோ॑(அ)தப்யத । ஸ தப॑ஸ்த॒ப்த்வா ॥ 1 ॥

இதி பஞ்சமோ(அ)நுவாக꞉ ॥

ஆ॒ந॒ந்தோ³ ப்³ர॒ஹ்மேதி॒ வ்ய॑ஜாநாத் ।
ஆ॒நந்தா³॒த்³த்⁴யே॑வ க²ல்வி॒மாநி॒ பூ⁴தா॑நி॒ ஜாய॑ந்தே ।
ஆ॒ந॒ந்தே³ந॒ ஜாதா॑நி॒ ஜீவ॑ந்தி ।
ஆ॒ந॒ந்த³ம் ப்ரய॑ந்த்ய॒பி⁴ஸம்வி॑ஶ॒ந்தீதி॑ ।
ஸைஷா பா⁴᳚ர்க³॒வீ வா॑ரு॒ணீ வி॒த்³யா । ப॒ர॒மே வ்யோ॑ம॒ந்ப்ரதி॑ஷ்டி²தா ।
ஸ ய ஏ॒வம் வேத³॒ ப்ரதி॑திஷ்ட²தி । அந்ந॑வாநந்நா॒தோ³ ப⁴॑வதி ।
ம॒ஹாந்ப⁴॑வதி ப்ர॒ஜயா॑ ப॒ஶுபி⁴॑ர்ப்³ரஹ்மவர்ச॒ஸேந॑ ।
ம॒ஹாந்கீ॒ர்த்யா ॥ 1 ॥

இதி ஷஷ்டோ²(அ)நுவாக꞉ ॥

அந்நம்॒ ந நி॑ந்த்³யாத் । தத்³வ்ர॒தம் । ப்ரா॒ணோ வா அந்நம்᳚ ।
ஶரீ॑ரமந்நா॒த³ம் । ப்ரா॒ணே ஶரீ॑ரம்॒ ப்ரதி॑ஷ்டி²தம் ।
ஶரீ॑ரே ப்ரா॒ண꞉ ப்ரதி॑ஷ்டி²த꞉ । ததே³॒தத³ந்ந॒மந்நே॒ ப்ரதி॑ஷ்டி²தம் ।
ஸ ய ஏ॒தத³ந்ந॒மந்நே॒ ப்ரதி॑ஷ்டி²தம்॒ வேத³॒ ப்ரதி॑திஷ்ட²தி ।
அந்ந॑வாநந்நா॒தோ³ ப⁴॑வதி ।
ம॒ஹாந்ப⁴॑வதி ப்ர॒ஜயா॑ ப॒ஶுபி⁴॑ர்ப்³ரஹ்மவர்ச॒ஸேந॑ । ம॒ஹாந்கீ॒ர்த்யா ॥ 1 ॥

இதி ஸப்தமோ(அ)நுவாக꞉ ॥

அந்நம்॒ ந பரி॑சக்ஷீத । தத்³வ்ர॒தம் । ஆபோ॒ வா அந்நம்᳚ ।
ஜ்யோதி॑ரந்நா॒த³ம் । அ॒ப்ஸு ஜ்யோதி॒: ப்ரதி॑ஷ்டி²தம் ।
ஜ்யோதி॒ஷ்யாப॒: ப்ரதி॑ஷ்டி²தா꞉ । ததே³॒தத³ந்ந॒மந்நே॒ ப்ரதி॑ஷ்டி²தம் ।
ஸ ய ஏ॒தத³ந்ந॒மந்நே॒ ப்ரதி॑ஷ்டி²தம்॒ வேத³॒ ப்ரதி॑திஷ்ட²தி ।
அந்ந॑வாநந்நா॒தோ³ ப⁴॑வதி ।
மஹா॒ந்ப⁴॑வதி ப்ர॒ஜயா॑ ப॒ஶுபி⁴॑ர்ப்³ரஹ்மவர்ச॒ஸேந॑ ।
ம॒ஹாந்கீ॒ர்த்யா ॥ 1 ॥

இத்யஷ்டமோ(அ)நுவாக꞉ ॥

அந்நம்॑ ப³॒ஹு கு॑ர்வீத । தத்³வ்ர॒தம் । ப்ரு॒தி²॒வீ வா அந்நம்᳚ ।
ஆ॒கா॒ஶோ᳚(அ)ந்நா॒த³꞉ । ப்ரு॒தி²॒வ்யாமா॑கா॒ஶ꞉ ப்ரதி॑ஷ்டி²த꞉ ।
ஆ॒கா॒ஶே ப்ரு॑தி²॒வீ ப்ரதி॑ஷ்டி²தா ।
ததே³॒தத³ந்ந॒மந்நே॒ ப்ரதி॑ஷ்டி²தம் ।
ஸ ய ஏ॒தத³ந்ந॒மந்நே॒ ப்ரதி॑ஷ்டி²தம்॒ வேத³॒ ப்ரதி॑திஷ்ட²தி ।
அந்ந॑வாநந்நா॒தோ³ ப⁴॑வதி ।
ம॒ஹாந்ப⁴॑வதி ப்ர॒ஜயா॑ ப॒ஶுபி⁴॑ர்ப்³ரஹ்மவர்ச॒ஸேந॑ ।
ம॒ஹாந்கீ॒ர்த்யா ॥ 1 ॥

இதி நவமோ(அ)நுவாக꞉ ॥

ந கஞ்சந வஸதௌ ப்ரத்யா॑சக்ஷீ॒த । தத்³வ்ர॒தம் ।
தஸ்மாத்³யயா கயா ச வித⁴யா ப³ஹ்வ॑ந்நம் ப்ரா॒ப்நுயாத் ।
அராத்⁴யஸ்மா அந்நமி॑த்யாச॒க்ஷதே ।
ஏதத்³வை முக²தோ᳚(அ)ந்நக்³ம் ரா॒த்³த⁴ம் ।
முக²தோ(அ)ஸ்மா அ॑ந்நக்³ம் ரா॒த்⁴யதே ।
ஏதத்³வை மத்⁴யதோ᳚(அ)ந்நக்³ம் ரா॒த்³த⁴ம் ।
மத்⁴யதோ(அ)ஸ்மா அ॑ந்நக்³ம் ரா॒த்⁴யதே ।
ஏதத்³வா அந்ததோ᳚(அ)ந்நக்³ம் ரா॒த்³த⁴ம் ।
அந்ததோ(அ)ஸ்மா அ॑ந்நக்³ம் ரா॒த்⁴யதே ॥ 1 ॥

ய ஏ॑வம் வே॒த³ । க்ஷேம இ॑தி வா॒சி ।
யோக³க்ஷேம இதி ப்ரா॑ணாபா॒நயோ꞉ ।
கர்மே॑தி ஹ॒ஸ்தயோ꞉ । க³திரி॑தி பா॒த³யோ꞉ । விமுக்திரி॑தி பா॒யௌ ।
இதி மாநுஷீ᳚ஸ்ஸமா॒ஜ்ஞா꞉ । அத² தை³॒வீ꞉ । த்ருப்திரி॑தி வ்ரு॒ஷ்டௌ ।
ப³லமி॑தி வி॒த்³யுதி ॥ 2 ॥

யஶ இ॑தி ப॒ஶுஷு । ஜ்யோதிரிதி ந॑க்ஷத்ரே॒ஷு ।
ப்ரஜாதிரம்ருதமாநந்த³ இ॑த்யுப॒ஸ்தே² । ஸர்வமி॑த்யாகா॒ஶே ।
தத்ப்ரதிஷ்டே²த்யு॑பாஸீ॒த । ப்ரதிஷ்டா²॑வாந்ப⁴॒வதி ।
தந்மஹ இத்யு॑பாஸீ॒த । ம॑ஹாந்ப⁴॒வதி । தந்மந இத்யு॑பாஸீ॒த ।
மாந॑வாந்ப⁴॒வதி ॥ 3 ॥

தந்நம இத்யு॑பாஸீ॒த । நம்யந்தே᳚(அ)ஸ்மை கா॒மா꞉ ।
தத்³ப்³ரஹ்மேத்யு॑பாஸீ॒த । ப்³ரஹ்ம॑வாந்ப⁴॒வதி ।
தத்³ப்³ரஹ்மண꞉ பரிமர இத்யு॑பாஸீ॒த ।
பர்யேணம் ம்ரியந்தே த்³விஷந்த॑ஸ்ஸப॒த்நா꞉ ।
பரி யே᳚(அ)ப்ரியா᳚ ப்⁴ராத்ரு॒வ்யா꞉ ।
ஸ யஶ்சா॑யம் பு॒ருஷே । யஶ்சாஸா॑வாதி³॒த்யே । ஸ ஏக॑: ॥ 4 ॥

ஸ ய॑ ஏவம்॒ வித் । அஸ்மால்லோ॑காத்ப்ரே॒த்ய ।
ஏதமந்நமயமாத்மாநமுப॑ஸங்க்ர॒ம்ய ।
ஏதம் ப்ராணமயமாத்மாநமுப॑ஸங்க்ர॒ம்ய ।
ஏதம் மநோமயமாத்மாநமுப॑ஸங்க்ர॒ம்ய ।
ஏதம் விஜ்ஞாநமயமாத்மாநமுப॑ஸங்க்ர॒ம்ய ।
ஏதமாநந்த³மயமாத்மாநமுப॑ஸங்க்ர॒ம்ய ।
இமாம்ˮல்லோகந்காமாந்நீ காமரூப்ய॑நுஸ॒ஞ்சரந் ।
ஏதத்²ஸாம கா³॑யந்நா॒ஸ்தே । ஹா 3 வு॒ ஹா 3 வு॒ ஹா 3 வு॑ ॥ 5 ॥

அ॒ஹமந்நம॒ஹமந்நம॒ஹமந்நம் ।
அ॒ஹமந்நா॒தோ³(அ)॒3ஹமந்நா॒தோ³(அ)॒3அஹமந்நா॒த³꞉ ।
அ॒ஹக்³க்³ ஶ்லோக॒க்ருத³॒ஹக்³க்³ ஶ்லோக॒க்ருத³॒ஹக்³க்³ ஶ்லோக॒க்ருத் ।
அ॒ஹமஸ்மி ப்ரத²மஜா ருதா3ஸ்ய॒ ।
பூர்வம் தே³வேப்⁴யோ அம்ருதஸ்ய நா3பா⁴॒யி॒ ।
யோ மா த³தா³தி ஸ இதே³வ மா3வா॒: ।
அ॒ஹமந்ந॒மந்ந॑ம॒த³ந்த॒மா3த்³மி॒ ।
அஹம்॒ விஶ்வம்॒ பு⁴வ॑ந॒மப்⁴ய॑ப⁴॒வாம் ।
ஸுவ॒ர்ந ஜ்யோதீ᳚: । ய ஏ॒வம் வேத³॑ । இத்யு॑ப॒நிஷ॑த் ॥ 6 ॥

இதி த³ஶமோ(அ)நுவாக꞉ ॥

॥ இதி ப்⁴ருகு³வல்லீ ஸமாப்தா ॥

ஓம் ஸ॒ஹ நா॑வவது । ஸ॒ஹ நௌ॑ பு⁴நக்து । ஸ॒ஹ வீ॒ர்யம்॑ கரவாவஹை ।
தே॒ஜ॒ஸ்விநா॒வதீ⁴॑தமஸ்து॒ மா வி॑த்³விஷா॒வஹை᳚ ।
ஓம் ஶாந்தி॒: ஶாந்தி॒: ஶாந்தி॑: ॥

---

மேலும் வேதஸூக்தங்கள் பார்க்க.