Devi Narayaniyam Dasakam 7 – ஸப்தம த³ஶகம் (7) – ஶுகோத்பத்தி꞉

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → தே³வீ நாராயணீயம் → ஸப்தம த³ஶகம் (7) – ஶுகோத்பத்தி꞉

க்ருஷ்ணஸ்ய தஸ்யாரணித꞉ ஶுகாக்²ய-
-ஸ்தவ ப்ரஸாதா³த³ஜநிஷ்ட புத்ர꞉ ।
ஹ்ருஷ்டோ முநிர்மங்க³ளகர்ம சக்ரே
தத்ராதி³தேயா வவ்ருஷு꞉ ஸுமாநி ॥ 7-1 ॥

கேசிஜ்ஜகு³꞉ கேசந வாத்³யகோ⁴ஷம்
சக்ருஶ்ச நாகே நந்ருது꞉ ஸ்த்ரியஶ்ச ।
வாயுர்வவௌ ஸ்பர்ஶஸுக²꞉ ஸுக³ந்த⁴꞉
ஶுகோத்³ப⁴வே ஸர்வஜநா꞉ ப்ரஹ்ருஷ்டா꞉ ॥ 7-2 ॥

பா³ல꞉ ஸ ஸத்³யோ வவ்ருதே⁴ ஸுசேதா
ப்³ருஹஸ்பதேராத்தஸமஸ்தவித்³ய꞉ ।
த³த்வா விநீதோ கு³ருத³க்ஷிணாம் ச
ப்ரத்யாக³தோ ஹர்ஷயதி ஸ்ம தாதம் ॥ 7-3 ॥

யுவாநமேகாந்ததப꞉ப்ரவ்ருத்தம்
வ்யாஸ꞉ கதா³சிச்சு²கமேவமூசே ।
வேதா³ம்ஶ்ச ஶாஸ்த்ராணி ச வேத்ஸி புத்ர
க்ருத்வா விவாஹம் ப⁴வ ஸத்³க்³ருஹஸ்த²꞉ ॥ 7-4 ॥

ஸர்வாஶ்ரமாணாம் கவயோ விஶிஷ்டா
க்³ருஹாஶ்ரமம் ஶ்ரேஷ்ட²தரம் வத³ந்தி ।
தமாஶ்ரிதஸ்திஷ்ட²தி லோக ஏஷ
யஜஸ்வ தே³வாந் விதி⁴வத்பித்ரூம்ஶ்ச ॥ 7-5 ॥

தவாஸ்து ஸத்புத்ர ருணாத³ஹம் ச
முச்யேய மாம் த்வம் ஸுகி²நம் குருஷ்வ ।
புத்ர꞉ ஸுகா²யாத்ர பரத்ர ச ஸ்யா-
-த்த்வாம் புத்ர தீவ்ரைரளபே⁴ தபோபி⁴꞉ ॥ 7-6 ॥

கிஞ்ச ப்ரமாதீ²நி ஸதே³ந்த்³ரியாணி
ஹரந்தி சித்தம் ப்ரஸப⁴ம் நரஸ்ய ।
பஶ்யந் பிதா மே ஜநநீம் தபஸ்வீ
பராஶரோ(அ)பி ஸ்மரமோஹிதோ(அ)பூ⁴த் ॥ 7-7 ॥

ய ஆஶ்ரமாதா³ஶ்ரமமேதி தத்த-
-த்கர்மாணி குர்வந் ஸ ஸுகீ² ஸதா³ ஸ்யாத் ।
க்³ருஹாஶ்ரமோ நைவ ச ப³ந்த⁴ஹேது-
-ஸ்த்வயா ச தீ⁴மந் க்ரியதாம் விவாஹ꞉ ॥ 7-8 ॥

ஏவம் ப்³ருவாணோ(அ)பி ஶுகம் விவாஹா-
-த்³யஸக்தமாஜ்ஞாய பிதேவ ராகீ³ ।
புராணகர்தா ச ஜக³த்³கு³ரு꞉ ஸ
மாயாநிமக்³நோ(அ)ஶ்ருவிளோசநோ(அ)பூ⁴த் ॥ 7-9 ॥

போ⁴கே³ஷு மே நிஸ்ப்ருஹதா(அ)ஸ்து மாத꞉
ப்ரளோபி⁴தோ மா கரவாணி பாபம் ।
மா பா³த⁴தாம் மாம் தவ தே³வி மாயா
மாயாதி⁴நாதே² ஸததம் நமஸ்தே ॥ 7-10 ॥

அஷ்டம த³ஶகம் (8) – பரமஜ்ஞாநோபதே³ஶம் >>

---

ஸம்பூர்ண தே³வீ நாராயணீயம் பார்க்க.