Devi Narayaniyam Dasakam 13 – த்ரயோத³ஶ த³ஶகம் (13) – உதத்²ய மஹிமா

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → தே³வீ நாராயணீயம் → த்ரயோத³ஶ த³ஶகம் (13) – உதத்²ய மஹிமா

அதா²(ஆ)க³த꞉ கஶ்சித³தி⁴ஜ்யத⁴ந்வா
முநிம் நிஷாத³꞉ ஸஹஸா ஜகா³த³ ।
த்வம் ஸத்யவாக்³ப்³ரூஹி முநே த்வயா கிம்
த்³ருஷ்ட꞉ கிடி꞉ ஸாயகவித்³த⁴தே³ஹ꞉ ॥ 13-1 ॥

த்³ருஷ்டஸ்த்வயா சேத்³வத³ ஸூகர꞉ க்வ
க³தோ ந வா(அ)த்³ருஶ்யத கிம் முநீந்த்³ர ।
அஹம் நிஷாத³꞉ க²லு வந்யவ்ருத்தி-
-ர்மமாஸ்தி தா³ராதி³கபோஷ்யவர்க³꞉ ॥ 13-2 ॥

ஶ்ருத்வா நிஷாத³ஸ்ய வசோ முநி꞉ ஸ
தூஷ்ணீம் ஸ்தி²தஶ்சிந்தயதி ஸ்ம கா³ட⁴ம் ।
வதா³மி கிம் த்³ருஷ்ட இதீர்யதே சே-
-த்³த⁴ந்யாத³யம் தம் மம சாப்யக⁴ம் ஸ்யாத் ॥ 13-3 ॥

ஸத்யம் நரம் ரக்ஷதி ரக்ஷிதம் சே-
-த³ஸத்யவக்தா நரகம் வ்ரஜேச்ச ।
ஸத்யம் ஹி ஸத்யம் ஸத³யம் ந கிஞ்சி-
-த்ஸத்யம் க்ருபாஶூந்யமித³ம் மதம் மே ॥ 13-4 ॥

ஏவம் முநேஶ்சிந்தயத꞉ ஸ்வகார்ய-
-வ்யக்³ரோ நிஷாத³꞉ புநரேவமூசே ।
த்³ருஷ்டஸ்த்வயா கிம் ஸ கிடிர்ந கிம் வா
த்³ருஷ்ட꞉ ஸ ஶீக்⁴ரம் கத²யாத்ர ஸத்யம் ॥ 13-5 ॥

முநிஸ்தமாஹாத்ர புந꞉ புந꞉ கிம்
நிஷாத³ மாம் ப்ருச்ச²ஸி மோஹமக்³ந꞉ ।
பஶ்யந் ந பா⁴ஷேத ந ச ப்³ருவாண꞉
பஶ்யேத³ளம் வாக்³பி⁴ரவேஹி ஸத்யம் ॥ 13-6 ॥

உந்மாதி³நோ ஜல்பநமேததே³வம்
மத்வா நிஷாத³꞉ ஸஹஸா ஜகா³ம ।
ந ஸத்யமுக்தம் முநிநா ந கோலோ
ஹதஶ்ச ஸர்வம் தவ தே³வி லீலா꞉ ॥ 13-7 ॥

த்³ரஷ்டா பரம் ப்³ரஹ்ம ததே³வ ச ஸ்யா-
-தி³தி ஶ்ருதி꞉ ப்ராஹ ந பா⁴ஷதே ஸ꞉ ।
ஸதா³ ப்³ருவாணஸ்து ந பஶ்யதீத³-
-மயம் ஹி ஸத்யவ்ரதவாக்யஸார꞉ ॥ 13-8 ॥

பூ⁴ய꞉ ஸ ஸாரஸ்வதபீ³ஜமந்த்ரம்
சிரம் ஜபந் ஜ்ஞாநநிதி⁴꞉ கவிஶ்ச ।
வால்மீகிவத்ஸர்வதி³ஶி ப்ரஸித்³தோ⁴
ப³பூ⁴வ ப³ந்தூ⁴ந் ஸமதர்பயச்ச ॥ 13-9 ॥

ஸ்ம்ருதா நதா தே³வி ஸுபூஜிதா வா
ஶ்ருதா நுதா வா க²லு வந்தி³தா வா ।
த³தா³ஸி நித்யம் ஹிதமாஶ்ரிதேப்⁴ய꞉
க்ருபார்த்³ரசித்தே ஸததம் நமஸ்தே ॥ 13-10 ॥

சதுர்த³ஶ த³ஶகம் (14) – ஸுத³ர்ஶநகதா²-ப⁴ரத்³வாஜாஶ்ரம ப்ரவேஶம் >>

---

ஸம்பூர்ண தே³வீ நாராயணீயம் பார்க்க.