Balakanda Sarga 63 – பா³லகாண்ட³ த்ரிஷஷ்டிதம꞉ ஸர்க³꞉ (63)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ த்ரிஷஷ்டிதம꞉ ஸர்க³꞉ (63)

॥ மேநகாநிர்வாஸ꞉ ॥

பூர்ணே வர்ஷஸஹஸ்ரே து வ்ரதஸ்நாதம் மஹாமுநிம் ।
அப்⁴யாக³ச்ச²ந்ஸுரா꞉ ஸர்வே தப꞉ப²லசிகீர்ஷவ꞉ ॥ 1 ॥

அப்³ரவீத்ஸுமஹாதேஜா ப்³ரஹ்மா ஸுருசிரம் வச꞉ ।
ருஷிஸ்த்வமஸி ப⁴த்³ரம் தே ஸ்வார்ஜிதை꞉ கர்மபி⁴꞉ ஶுபை⁴꞉ ॥ 2 ॥

தமேவமுக்த்வா தே³வேஶஸ்த்ரிதி³வம் புநரப்⁴யகா³த் ।
விஶ்வாமித்ரோ மஹாதேஜா பூ⁴யஸ்தேபே மஹத்தப꞉ ॥ 3 ॥

தத꞉ காலேந மஹதா மேநகா பரமாப்ஸரா꞉ ।
புஷ்கரேஷு நரஶ்ரேஷ்ட² ஸ்நாதும் ஸமுபசக்ரமே ॥ 4 ॥

தாம் த³த³ர்ஶ மஹாதேஜா மேநகாம் குஶிகாத்மஜ꞉ ।
ரூபேணாப்ரதிமாம் தத்ர வித்³யுதம் ஜலதே³ யதா² ॥ 5 ॥

த்³ருஷ்ட்வா கந்த³ர்பவஶகோ³ முநிஸ்தாமித³மப்³ரவீத் ।
அப்ஸர꞉ ஸ்வாக³தம் தே(அ)ஸ்து வஸ சேஹ மமாஶ்ரமே ॥ 6 ॥

அநுக்³ருஹ்ணீஷ்வ ப⁴த்³ரம் தே மத³நேந ஸுமோஹிதம் ।
இத்யுக்தா ஸா வராரோஹா தத்ர வாஸமதா²கரோத் ॥ 7 ॥

தபஸோ ஹி மஹாவிக்⁴நோ விஶ்வாமித்ரமுபாக³த꞉ ।
தஸ்யாம் வஸந்த்யாம் வர்ஷாணி பஞ்ச பஞ்ச ச ராக⁴வ ॥ 8 ॥

விஶ்வாமித்ராஶ்ரமே தஸ்மிந்ஸுகே²ந வ்யதிசக்ரமு꞉ ।
அத² காலே க³தே தஸ்மிந்விஶ்வாமித்ரோ மஹாமுநி꞉ ॥ 9 ॥

ஸவ்ரீட³ இவ ஸம்வ்ருத்தஶ்சிந்தாஶோகபராயண꞉ ।
பு³த்³தி⁴ர்முநே꞉ ஸமுத்பந்நா ஸாமர்ஷா ரகு⁴நந்த³ந ॥ 10 ॥

ஸர்வம் ஸுராணாம் கர்மைதத்தபோ(அ)பஹரணம் மஹத் ।
அஹோராத்ராபதே³ஶேந க³தா꞉ ஸம்வத்ஸரா த³ஶ ॥ 11 ॥

காமமோஹாபி⁴பூ⁴தஸ்ய விக்⁴நோ(அ)யம் ப்ரத்யுபஸ்தி²த꞉ ।
விநி꞉ஶ்வஸந்முநிவர꞉ பஶ்சாத்தாபேந து³꞉கி²த꞉ ॥ 12 ॥

பீ⁴தாமப்ஸரஸம் த்³ருஷ்ட்வா வேபந்தீம் ப்ராஞ்ஜலிம் ஸ்தி²தாம் ।
மேநகாம் மது⁴ரைர்வாக்யைர்விஸ்ருஜ்ய குஶிகாத்மஜ꞉ ॥ 13 ॥

உத்தரம் பர்வதம் ராம விஶ்வாமித்ரோ ஜகா³ம ஹ ।
ஸ க்ருத்வா நைஷ்டி²கீம் பு³த்³தி⁴ம் ஜேதுகாமோ மஹாயஶா꞉ ॥ 14 ॥

கௌஶிகீதீரமாஸாத்³ய தபஸ்தேபே ஸுதா³ருணம் ।
தஸ்ய வர்ஷஸஹஸ்ராணி கோ⁴ரம் தப உபாஸத꞉ ॥ 15 ॥

உத்தரே பர்வதே ராம தே³வதாநாமபூ⁴த்³ப⁴யம் ।
ஆமந்த்ரயந்ஸமாக³ம்ய ஸர்வே ஸர்ஷிக³ணா꞉ ஸுரா꞉ ॥ 16 ॥

மஹர்ஷிஶப்³த³ம் லப⁴தாம் ஸாத்⁴வயம் குஶிகாத்மஜ꞉ ।
தே³வதாநாம் வச꞉ ஶ்ருத்வா ஸர்வலோகபிதாமஹ꞉ ॥ 17 ॥

அப்³ரவீந்மது⁴ரம் வாக்யம் விஶ்வாமித்ரம் தபோத⁴நம் ।
மஹர்ஷே ஸ்வாக³தம் வத்ஸ தபஸோக்³ரேண தோஷித꞉ ॥ 18 ॥

மஹத்த்வம்ருஷிமுக்²யத்வம் த³தா³மி தவ ஸுவ்ரத ।
ப்³ரஹ்மண꞉ ஸ வச꞉ ஶ்ருத்வா ஸர்வலோகேஶ்வரஸ்ய ஹ ॥ 19 ॥

[* ந விஷண்ணோ ந ஸந்துஷ்டோ விஶ்வாமித்ரஸ்தபோத⁴ந꞉ । *]
ப்ராஞ்ஜலி꞉ ப்ரணதோ பூ⁴த்வா ப்ரத்யுவாச பிதாமஹம் ।
ப்³ரஹ்மர்ஷிஶப்³த³மதுலம் ஸ்வார்ஜிதை꞉ கர்மபி⁴꞉ ஶுபை⁴꞉ ॥ 20 ॥

யதி³ மே ப⁴க³வாநாஹ ததோ(அ)ஹம் விஜிதேந்த்³ரிய꞉ ।
தமுவாச ததோ ப்³ரஹ்மா ந தாவத்த்வம் ஜிதேந்த்³ரிய꞉ ॥ 21 ॥

யதஸ்வ முநிஶார்தூ³ள இத்யுக்த்வா த்ரிதி³வம் க³த꞉ ।
விப்ரஸ்தி²தேஷு தே³வேஷு விஶ்வாமித்ரோ மஹாமுநி꞉ ॥ 22 ॥

ஊர்த்⁴வபா³ஹுர்நிராளம்போ³ வாயுப⁴க்ஷஸ்தபஶ்சரந் ।
த⁴ர்மே பஞ்சதபா பூ⁴த்வா வர்ஷாஸ்வாகாஶஸம்ஶ்ரய꞉ ॥ 23 ॥

ஶிஶிரே ஸலிலஸ்தா²யீ ராத்ர்யஹாநி தபோத⁴ந꞉ ।
ஏவம் வர்ஷஸஹஸ்ரம் ஹி தபோ கோ⁴ரமுபாக³மத் ॥ 24 ॥

தஸ்மிந்ஸந்தப்யமாநே து விஶ்வாமித்ரே மஹாமுநௌ ।
ஸம்ப்⁴ரம꞉ ஸுமஹாநாஸீத்ஸுராணாம் வாஸவஸ்ய ச ॥ 25 ॥

ரம்பா⁴மப்ஸரஸம் ஶக்ர꞉ ஸஹ ஸர்வைர்மருத்³க³ணை꞉ ।
உவாசாத்மஹிதம் வாக்யமஹிதம் கௌஶிகஸ்ய ச ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ த்ரிஷஷ்டிதம꞉ ஸர்க³꞉ ॥ 63 ॥

பா³லகாண்ட³ சது꞉ஷஷ்டிதம꞉ ஸர்க³꞉ (64) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.