Read in తెలుగు / ಕನ್ನಡ / தமிழ் / देवनागरी / English (IAST)
అథ విబుధవిలాసినీషు విష్వ-
-ఙ్మునిమభితః పరివార్య తస్థుషీషు |
మదవిహృతివికత్థనప్రలాపా-
-స్వవమతినిర్మితనైజచాపలాసు || ౧ ||
త్రిభువనముదముద్యతాసు కర్తుం
మధుసహసాగతిసర్వనిర్వహాసు |
మధురసభరితాఖిలాత్మభావా-
-స్వగణితభీతిషు శాపతశ్శుకస్య || ౨ ||
అతివిమలమతిర్మహానుభావో
మునిరపి శాంతమనా నిజాత్మగుప్త్యై |
అఖిలభువనరక్షకస్య విష్ణోః
స్తుతిమథ కర్తుమనా మనాగ్బభూవ || ౩ ||
శ్రియఃశ్రియం షడ్గుణపూరపూర్ణం
శ్రీవత్సచిహ్నం పురుషం పురాణమ్ |
శ్రీకంఠపూర్వామరబృందవంద్యం
శ్రియఃపతిం తం శరణం ప్రపద్యే || ౪ ||
విభుం హృది స్వం భువనేశమీడ్యం
నీళాశ్రయం నిర్మలచిత్తచింత్యమ్ |
పరాత్పరం పామరపారమేన-
-ముపేంద్రమూర్తిం శరణం ప్రపద్యే || ౫ ||
స్మేరాతసీసూనసమానకాంతిం
సురక్తపద్మప్రభపాదహస్తమ్ |
ఉన్నిద్రపంకేరుహచారునేత్రం
పవిత్రపాణిం శరణం ప్రపద్యే || ౬ ||
సహస్రభానుప్రతిమోపలౌఘ-
-స్ఫురత్కిరీటప్రవరోత్తమాంగమ్ |
ప్రవాలముక్తానవరత్నహార-
-తారం హరిం తం శరణం ప్రపద్యే || ౭ ||
పురా రజోదుష్టధియో విధాతు-
-రపాహృతాన్ యో మధుకైటభాభ్యామ్ |
వేదానుపాదాయ దదౌ చ తస్మై
తం మత్స్యరూపం శరణం ప్రపద్యే || ౮ ||
పయోధిమధ్యేఽపి చ మందరాద్రిం
ధర్తుం చ యః కూర్మవపుర్బభూవ |
సుధాం సురాణామవనార్థమిచ్ఛం-
-స్తమాదిదేవం శరణం ప్రపద్యే || ౯ ||
వసుంధరామంతరదైత్యపీడాం
రసాతలాంతర్వివశాభివిష్టామ్ |
ఉద్ధారణార్థం చ వరాహ ఆసీ-
-చ్చతుర్భుజం తం శరణం ప్రపద్యే || ౧౦ ||
నఖైర్వరైస్తీక్ష్ణముఖైర్హిరణ్య-
-మరాతిమామర్దితసర్వసత్త్వమ్ |
విదారయామాస చ యో నృసింహో
హిరణ్యగర్భం శరణం ప్రపద్యే || ౧౧ ||
మహన్మహత్వేంద్రియపంచభూత-
-తన్మాత్రమాత్రప్రకృతిః పురాణీ |
యతః ప్రసూతా పురుషాస్తదాత్మా
తమాత్మనాథం శరణం ప్రపద్యే || ౧౨ ||
పురా య ఏతత్సకలం బభూవ
యేనాపి తద్యత్ర చ లీనమేతత్ |
ఆస్తాం యతోఽనుగ్రహనిగ్రహౌ చ
తం శ్రీనివాసం శరణం ప్రపద్యే || ౧౩ ||
నిరామయం నిశ్చలనీరరాశి-
-నీకాశసద్రూపమయం మహస్తత్ |
నియంతృ నిర్మాతృ నిహంతృ నిత్యం
నిద్రాంతమేనం శరణం ప్రపద్యే || ౧౪ ||
జగంతి యః స్థావరజంగమాని
సంహృత్య సర్వాణ్యుదరేశయాని |
ఏకార్ణవాంతర్వటపత్రతల్పే
స్వపిత్యనంతం శరణం ప్రపద్యే || ౧౫ ||
నిరస్తదుఃఖౌఘమతీంద్రియం తం
నిష్కారణం నిష్కలమప్రమేయమ్ |
అణోరణీయాంసమనంతమంత-
-రాత్మానుభావం శరణం ప్రపద్యే || ౧౬ ||
సప్తాంబుజీరంజకరాజహాసం
సప్తార్ణవీసంసృతికర్ణధారమ్ |
సప్తాశ్వబింబాశ్వహిరణ్మయం తం
సప్తార్చిరంగం శరణం ప్రపద్యే || ౧౭ ||
నిరాగసం నిర్మలపూర్ణబింబం
నిశీథినీనాథనిభాననాభమ్ |
నిర్ణీతనిద్రం నిగమాంతనిత్యం
నిఃశ్రేయసం తం శరణం ప్రపద్యే || ౧౮ ||
నిరామయం నిర్మలమప్రమేయం
నిజాంతరారోపితవిశ్వబింబమ్ |
నిస్సీమకల్యాణగుణాత్మభూతిం
నిధిం నిధీనాం శరణం ప్రపద్యే || ౧౯ ||
త్వక్చర్మమాంసాస్థ్యసృగశ్రుమూత్ర-
-శ్లేష్మాంత్రవిట్చ్ఛుక్లసముచ్చయేషు |
దేహేష్వసారేషు న మే స్పృహైషా
ధ్రువం ధ్రువం త్వం భగవన్ ప్రసీద || ౨౦ ||
గోవింద కేశవ జనార్దన వాసుదేవ
విశ్వేశ విశ్వ మధుసూదన విశ్వరూప |
శ్రీపద్మనాభ పురుషోత్తమ పుష్కరాక్ష
నారాయణాచ్యుత నృసింహ నమో నమస్తే || ౨౧ ||
దేవాః సమస్తామరయోగిముఖ్యాః
గంధర్వవిద్యాధరకిన్నరాశ్చ |
యత్పాదమూలం సతతం నమంతి
తం నారసింహం శరణం ప్రపద్యే || ౨౨ ||
వేదాన్ సమస్తాన్ ఖలు శాస్త్రగర్భాన్
ఆయుః స్థిరం కీర్తిమతీవ లక్ష్మీమ్ |
యస్య ప్రసాదాత్ పురుషా లభంతే
తం నారసింహం శరణం ప్రపద్యే || ౨౩ ||
బ్రహ్మా శివస్త్వం పురుషోత్తమశ్చ
నారాయణోఽసౌ మరుతాంపతిశ్చ |
చంద్రార్కవాయ్వగ్నిమరుద్గణాశ్చ
త్వమేవ నాన్యత్ సతతం నతోఽస్మి || ౨౪ ||
స్రష్టా చ నిత్యం జగతామధీశః
త్రాతా చ హంతా విభురప్రమేయః |
ఏకస్త్వమేవ త్రివిధా విభిన్నః
త్వాం సింహమూర్తిం సతతం నతోఽస్మి || ౨౫ ||
ఇతి శ్రీనివాస స్తోత్రమ్ |
మరిన్ని శ్రీ నృసింహ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.