Read in తెలుగు / ಕನ್ನಡ / தமிழ் / देवनागरी / English (IAST)
పార్వత్యువాచ |
కైలాస వాసిన్ భగవన్ భక్తానుగ్రహకారక |
రాధికా కవచం పుణ్యం కథయస్వ మమ ప్రభో || ౧ ||
యద్యస్తి కరుణా నాథ త్రాహి మాం దుఃఖతో భయాత్ |
త్వమేవ శరణం నాథ శూలపాణే పినాకధృత్ || ౨ ||
శివ ఉవాచ |
శృణుష్వ గిరిజే తుభ్యం కవచం పూర్వసూచితమ్ |
సర్వరక్షాకరం పుణ్యం సర్వహత్యాహరం పరమ్ || ౩ ||
హరిభక్తిప్రదం సాక్షాద్భుక్తిముక్తిప్రసాధనమ్ |
త్రైలోక్యాకర్షణం దేవి హరిసాన్నిధ్యకారకమ్ || ౪ ||
సర్వత్ర జయదం దేవి సర్వశత్రుభయావహమ్ |
సర్వేషాం చైవ భూతానాం మనోవృత్తిహరం పరమ్ || ౫ ||
చతుర్ధా ముక్తిజనకం సదానందకరం పరమ్ |
రాజసూయాశ్వమేధానాం యజ్ఞానాం ఫలదాయకమ్ || ౬ ||
ఇదం కవచమజ్ఞాత్వా రాధామంత్రం చ యో జపేత్ |
స నాప్నోతి ఫలం తస్య విఘ్నాస్తస్య పదే పదే || ౭ ||
ఋషిరస్య మహాదేవోఽనుష్టుప్ ఛందశ్చ కీర్తితమ్ |
రాధాఽస్య దేవతా ప్రోక్తా రాం బీజం కీలకం స్మృతమ్ || ౮ ||
ధర్మార్థకామమోక్షేషు వినియోగః ప్రకీర్తితః |
శ్రీరాధా మే శిరః పాతు లలాటం రాధికా తథా || ౯ ||
శ్రీమతీ నేత్రయుగళం కర్ణౌ గోపేంద్రనందినీ |
హరిప్రియా నాసికాం చ భ్రూయుగం శశిశోభనా || ౧౦ ||
ఓష్ఠం పాతు కృపాదేవీ అధరం గోపికా తథా |
వృషభానుసుతా దంతాంశ్చిబుకం గోపనందినీ || ౧౧ ||
చంద్రావలీ పాతు గండం జిహ్వాం కృష్ణప్రియా తథా |
కంఠం పాతు హరిప్రాణా హృదయం విజయా తథా || ౧౨ ||
బాహూ ద్వౌ చంద్రవదనా ఉదరం సుబలస్వసా |
కోటియోగాన్వితా పాతు పాదౌ సౌభద్రికా తథా || ౧౩ ||
నఖాంశ్చంద్రముఖీ పాతు గుల్ఫౌ గోపాలవల్లభా |
నఖాన్ విధుముఖీ దేవీ గోపీ పాదతలం తథా || ౧౪ ||
శుభప్రదా పాతు పృష్ఠం కుక్షౌ శ్రీకాంతవల్లభా |
జానుదేశం జయా పాతు హరిణీ పాతు సర్వతః || ౧౫ ||
వాక్యం వాణీ సదా పాతు ధనాగారం ధనేశ్వరీ |
పూర్వాం దిశం కృష్ణరతా కృష్ణప్రాణా చ పశ్చిమామ్ || ౧౬ ||
ఉత్తరాం హరితా పాతు దక్షిణాం వృషభానుజా |
చంద్రావలీ నైశమేవ దివా క్ష్వేడితమేఖలా || ౧౭ ||
సౌభాగ్యదా మధ్యదినే సాయాహ్నే కామరూపిణీ |
రౌద్రీ ప్రాతః పాతు మాం హి గోపినీ రజనీక్షయే || ౧౮ ||
హేతుదా సంగవే పాతు కేతుమాలా దివార్ధకే |
శేషాఽపరాహ్ణసమవే శమితా సర్వసంధిషు || ౧౯ ||
యోగినీ భోగసమయే రతౌ రతిప్రదా సదా |
కామేశీ కౌతుకే నిత్యం యోగే రత్నావలీ మమ || ౨౦ ||
సర్వదా సర్వకార్యేషు రాధికా కృష్ణమానసా |
ఇత్యేతత్కథితం దేవి కవచం పరమాద్భుతమ్ || ౨౧ ||
సర్వరక్షాకరం నామ మహారక్షాకరం పరమ్ |
ప్రాతర్మధ్యాహ్నసమయే సాయాహ్నే ప్రపఠేద్యది || ౨౨ ||
సర్వార్థసిద్ధిస్తస్య స్యాద్యన్మనసి వర్తతే |
రాజద్వారే సభాయాం చ సంగ్రామే శత్రుసంకటే || ౨౩ ||
ప్రాణార్థనాశసమయే యః పఠేత్ప్రయతో నరః |
తస్య సిద్ధిర్భవేద్దేవి న భయం విద్యతే క్వచిత్ || ౨౪ ||
ఆరాధితా రాధికా చ తేన సత్యం న సంశయః |
గంగాస్నానాద్ధరేర్నామగ్రహణాద్యత్ఫలం లభేత్ || ౨౫ ||
తత్ఫలం తస్య భవతి యః పఠేత్ప్రయతః శుచిః |
హరిద్రారోచనాచంద్రమండితం హరిచందనమ్ || ౨౬ ||
కృత్వా లిఖిత్వా భూర్జే చ ధారయేన్మస్తకే భుజే |
కంఠే వా దేవదేవేశి స హరిర్నాత్ర సంశయః || ౨౭ ||
కవచస్య ప్రసాదేన బ్రహ్మా సృష్టిం స్థితిం హరిః |
సంహారం చాఽహం నియతం కరోమి కురుతే తథా || ౨౮ ||
వైష్ణవాయ విశుద్ధాయ విరాగగుణశాలినే |
దద్యాత్కవచమవ్యగ్రమన్యథా నాశమాప్నుయాత్ || ౨౯ ||
ఇతి శ్రీనారదపంచరాత్రే జ్ఞానామృతసారే రాధా కవచమ్ |
మరిన్ని శ్రీ కృష్ణ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.