Read in తెలుగు / ಕನ್ನಡ / தமிழ் / देवनागरी / English (IAST)
ಧ್ವಾಂತದಂತಿಕೇಸರೀ ಹಿರಣ್ಯಕಾಂತಿಭಾಸುರಃ
ಕೋಟಿರಶ್ಮಿಭೂಷಿತಸ್ತಮೋಹರೋಽಮಿತದ್ಯುತಿಃ |
ವಾಸರೇಶ್ವರೋ ದಿವಾಕರಃ ಪ್ರಭಾಕರಃ ಖಗೋ
ಭಾಸ್ಕರಃ ಸದೈವ ಪಾತು ಮಾಂ ವಿಭಾವಸೂ ರವಿಃ || ೧ ||
ಯಕ್ಷಸಿದ್ಧಕಿನ್ನರಾದಿದೇವಯೋನಿಸೇವಿತಂ
ತಾಪಸೈರೃಷೀಶ್ವರೈಶ್ಚ ನಿತ್ಯಮೇವ ವಂದಿತಮ್ |
ತಪ್ತಕಾಂಚನಾಭಮರ್ಕಮಾದಿದೈವತಂ ರವಿಂ
ವಿಶ್ವಚಕ್ಷುಷಂ ನಮಾಮಿ ಸಾದರಂ ಮಹಾದ್ಯುತಿಮ್ || ೨ ||
ಭಾನುನಾ ವಸುಂಧರಾ ಪುರೈವ ನಿರ್ಮಿತಾ ತಥಾ
ಭಾಸ್ಕರೇಣ ತೇಜಸಾ ಸದೈವ ಪಾಲಿತಾ ಮಹೀ |
ಭೂರ್ವಿಲೀನತಾಂ ಪ್ರಯಾತಿ ಕಾಶ್ಯಪೇಯವರ್ಚಸಾ
ತಂ ರವಿ ಭಜಾಮ್ಯಹಂ ಸದೈವ ಭಕ್ತಿಚೇತಸಾ || ೩ ||
ಅಂಶುಮಾಲಿನೇ ತಥಾ ಚ ಸಪ್ತಸಪ್ತಯೇ ನಮೋ
ಬುದ್ಧಿದಾಯಕಾಯ ಶಕ್ತಿದಾಯಕಾಯ ತೇ ನಮಃ |
ಅಕ್ಷರಾಯ ದಿವ್ಯಚಕ್ಷುಷೇಽಮೃತಾಯ ತೇ ನಮಃ
ಶಂಖಚಕ್ರಭೂಷಣಾಯ ವಿಷ್ಣುರೂಪಿಣೇ ನಮಃ || ೪ ||
ಭಾನವೀಯಭಾನುಭಿರ್ನಭಸ್ತಲಂ ಪ್ರಕಾಶತೇ
ಭಾಸ್ಕರಸ್ಯ ತೇಜಸಾ ನಿಸರ್ಗ ಏಷ ವರ್ಧತೇ |
ಭಾಸ್ಕರಸ್ಯ ಭಾ ಸದೈವ ಮೋದಮಾತನೋತ್ಯಸೌ
ಭಾಸ್ಕರಸ್ಯ ದಿವ್ಯದೀಪ್ತಯೇ ಸದಾ ನಮೋ ನಮಃ || ೫ ||
ಅಂಧಕಾರನಾಶಕೋಽಸಿ ರೋಗನಾಶಕಸ್ತಥಾ
ಭೋ ಮಮಾಪಿ ನಾಶಯಾಶು ದೇಹಚಿತ್ತದೋಷತಾಮ್ |
ಪಾಪದುಃಖದೈನ್ಯಹಾರಿಣಂ ನಮಾಮಿ ಭಾಸ್ಕರಂ
ಶಕ್ತಿಧೈರ್ಯಬುದ್ಧಿಮೋದದಾಯಕಾಯ ತೇ ನಮಃ || ೬ ||
ಭಾಸ್ಕರಂ ದಯಾರ್ಣವಂ ಮರೀಚಿಮಂತಮೀಶ್ವರಂ
ಲೋಕರಕ್ಷಣಾಯ ನಿತ್ಯಮುದ್ಯತಂ ತಮೋಹರಮ್ |
ಚಕ್ರವಾಕಯುಗ್ಮಯೋಗಕಾರಿಣಂ ಜಗತ್ಪತಿಂ
ಪದ್ಮಿನೀಮುಖಾರವಿಂದಕಾಂತಿವರ್ಧನಂ ಭಜೇ || ೭ ||
ಸಪ್ತಸಪ್ತಿಸಪ್ತಕಂ ಸದೈವ ಯಃ ಪಠೇನ್ನರೋ
ಭಕ್ತಿಯುಕ್ತಚೇತಸಾ ಹೃದಿ ಸ್ಮರನ್ ದಿವಾಕರಮ್ |
ಅಜ್ಞತಾತಮೋ ವಿನಾಶ್ಯ ತಸ್ಯ ವಾಸರೇಶ್ವರೋ
ನೀರುಜಂ ತಥಾ ಚ ತಂ ಕರೋತ್ಯಸೌ ರವಿಃ ಸದಾ || ೮ ||
ಇತಿ ಶ್ರೀ ಆಪಟೀಕರವಿರಚಿತಂ ಸಪ್ತಸಪ್ತಿಸಪ್ತಕಂ ನಾಮ ಶ್ರೀ ಭಾಸ್ಕರ ಸಪ್ತಕಮ್ |
ಇನ್ನಷ್ಟು ಶ್ರೀ ಸೂರ್ಯ ಸ್ತೋತ್ರಗಳು ನೋಡಿ. ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.