Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಮಾನ್ ವೇಂಕಟನಾಥಾರ್ಯಃ ಕವಿತಾರ್ಕಿಕ ಕೇಸರೀ |
ವೇದಾಂತಾಚಾರ್ಯ ವರ್ಯೋ ಮೇ ಸನ್ನಿಧತ್ತಾಂ ಸದಾ ಹೃದಿ ||
ಅಹಂ ಮದ್ರಕ್ಷಣಭರೋ ಮದ್ರಕ್ಷಣ ಫಲಂ ತಥಾ |
ನ ಮಮ ಶ್ರೀಪತೇರೇವೇತ್ಯಾತ್ಮಾನಂ ನಿಕ್ಷಿಪೇತ್ ಬುಧಃ || ೧ ||
ನ್ಯಸ್ಯಾಮ್ಯಕಿಂಚನಃ ಶ್ರೀಮನ್ ಅನುಕೂಲೋನ್ಯವರ್ಜಿತಃ |
ವಿಶ್ವಾಸ ಪ್ರಾರ್ಥನಾಪೂರ್ವಮ್ ಆತ್ಮರಕ್ಷಾಭರಂ ತ್ವಯಿ || ೨ ||
ಸ್ವಾಮೀ ಸ್ವಶೇಷಂ ಸ್ವವಶಂ ಸ್ವಭರತ್ವೇನ ನಿರ್ಭರಂ |
ಸ್ವದತ್ತ ಸ್ವಧಿಯಾ ಸ್ವಾರ್ಥಂ ಸ್ವಸ್ಮಿನ್ ನ್ಯಸ್ಯತಿ ಮಾಂ ಸ್ವಯಮ್ || ೩ ||
ಶ್ರೀಮನ್ ಅಭೀಷ್ಟ ವರದ ತ್ವಾಮಸ್ಮಿ ಶರಣಂ ಗತಃ |
ಏತದ್ದೇಹಾವಸಾನೇ ಮಾಂ ತ್ವತ್ಪಾದಂ ಪ್ರಾಪಯ ಸ್ವಯಮ್ || ೪ ||
ತ್ವಚ್ಛೇಷತ್ವೇ ಸ್ಥಿರಧಿಯಂ ತ್ವತ್ ಪ್ರಾಪ್ತ್ಯೇಕ ಪ್ರಯೋಜನಂ |
ನಿಷಿದ್ಧ ಕಾಮ್ಯರಹಿತಂ ಕುರು ಮಾಂ ನಿತ್ಯ ಕಿಂಕರಮ್ || ೫ ||
ದೇವೀ ಭೂಷಣ ಹೇತ್ಯಾದಿ ಜುಷ್ಟಸ್ಯ ಭಗವಂಸ್ತವ |
ನಿತ್ಯಂ ನಿರಪರಾಧೇಷು ಕೈಂಕರ್ಯೇಷು ನಿಯುಂಕ್ಷ್ವ ಮಾಮ್ || ೬ ||
ಮಾಂ ಮದೀಯಂ ಚ ನಿಖಿಲಂ ಚೇತನಾಽಚೇತನಾತ್ಮಕಂ |
ಸ್ವಕೈಂಕರ್ಯೋಪಕರಣಂ ವರದ ಸ್ವೀಕುರು ಸ್ವಯಮ್ || ೭ ||
ತ್ವದೇಕ ರಕ್ಷ್ಯಸ್ಯ ಮಮ ತ್ವಮೇವ ಕರುಣಾಕರ |
ನ ಪ್ರವರ್ತಯ ಪಾಪಾನಿ ಪ್ರವೃತ್ತಾನಿ ನಿವರ್ತಯ || ೮ ||
ಅಕೃತ್ಯಾನಾಂ ಚ ಕರಣಂ ಕೃತ್ಯಾನಾಂ ವರ್ಜನಂ ಚ ಮೇ |
ಕ್ಷಮಸ್ವ ನಿಖಿಲಂ ದೇವ ಪ್ರಣತಾರ್ತಿಹರ ಪ್ರಭೋ || ೯ ||
ಶ್ರೀಮಾನ್ ನಿಯತ ಪಂಚಾಂಗಂ ಮದ್ರಕ್ಷಣ ಭರಾರ್ಪಣಂ |
ಅಚೀಕರತ್ ಸ್ವಯಂ ಸ್ವಸ್ಮಿನ್ ಅತೋಹಮಿಹ ನಿರ್ಭರಃ || ೧೦ ||
ಸಂಸಾರಾವರ್ತವೇಗ ಪ್ರಶಮನ ಶುಭದೃಗ್ದೇಶಿಕ ಪ್ರೇಕ್ಷಿತೋಹಂ
ಸಂತ್ಯಕ್ತೋನ್ಯೈರುಪಾಯೈರನುಚಿತಚರಿತೇಶ್ವದ್ಯ ಶಾಂತಾಭಿಸಂಧಿಃ |
ನಿಶ್ಶಂಕ ಸ್ತತ್ತ್ವದೃಷ್ಟ್ವಾ ನಿರವಧಿಕದಯಂ ಪ್ರಾಪ್ಯ ಸಂರಕ್ಷಕಂ
ತ್ವಾಂ ನ್ಯಸ್ಯತ್ವತ್ಪಾದಪದ್ಮೇ ವರದ ನಿಜಭರಂ ನಿರ್ಭರೋ ನಿರ್ಭಯೋಸ್ಮಿ || ೧೧ ||
ಇತಿ ಕವಿತಾರ್ಕಿಕಸಿಂಹಸ್ಯ ಸರ್ವತಂತ್ರಸ್ವತಂತ್ರಸ್ಯ ಶ್ರೀಮದ್ವೇಂಕಟನಾಥಸ್ಯ
ವೇದಾಂತಾಚಾರ್ಯಸ್ಯ ಕೃತಿಷು ನ್ಯಾಸದಶಕಮ್
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.