Read in తెలుగు / ಕನ್ನಡ / தமிழ் / देवनागरी / English (IAST)
<< ದ್ವಾತ್ರಿಂಶ ದಶಕಮ್ (೩೨) ಯಕ್ಷ ಕಥಾ
|| ಗೌತಮ ಕಥಾ ||
ಶಕ್ರಃ ಪುರಾ ಜೀವಗಣಸ್ಯ ಕರ್ಮ-
-ದೋಷಾತ್ಸಮಾಃ ಪಂಚದಶ ಕ್ಷಮಾಯಾಮ್ |
ವೃಷ್ಟಿಂ ನ ಚಕ್ರೇ ಧರಣೀ ಚ ಶುಷ್ಕ-
-ವಾಪೀತಟಾಗಾದಿಜಲಾಶಯಾಽಽಸೀತ್ || ೩೩-೧ ||
ಸಸ್ಯಾನಿ ಶುಷ್ಕಾಣಿ ಖಗಾನ್ ಮೃಗಾಂಶ್ಚ
ಭುಕ್ತ್ವಾಽಪ್ಯತೃಪ್ತಾಃ ಕ್ಷುಧಯಾ ತೃಷಾ ಚ |
ನಿಪೀಡಿತಾ ಮರ್ತ್ಯಶವಾನಿ ಚಾಹೋ
ಮರ್ತ್ಯಾ ಅನಿಷ್ಟಾನ್ಯಪಿ ಭುಂಜತೇ ಸ್ಮ || ೩೩-೨ ||
ಕ್ಷುಧಾಽರ್ದಿತಾಃ ಸರ್ವಜನಾ ಮಹಾಽಽಪ-
-ದ್ವಿಮುಕ್ತಿಕಾಮಾ ಮಿಳಿತಾಃ ಕದಾಚಿತ್ |
ತಪೋಧನಂ ಗೌತಮಮೇತ್ಯ ಭಕ್ತ್ಯಾ
ಪೃಷ್ಟಾ ಮುನಿಂ ಸ್ವಾಗಮಹೇತುಮೂಚುಃ || ೩೩-೩ ||
ವಿಜ್ಞಾಯ ಸರ್ವಂ ಮುನಿರಾಟ್ ಕೃಪಾಲುಃ
ಸಂಪೂಜ್ಯ ಗಾಯತ್ರ್ಯಭಿಧಾಂ ಶಿವೇ ತ್ವಾಮ್ |
ಪ್ರಸಾದ್ಯ ದೃಷ್ಟ್ವಾ ಚ ತವೈವ ಹಸ್ತಾ-
-ಲ್ಲೇಭೇ ನವಂ ಕಾಮದಪಾತ್ರಮೇಕಮ್ || ೩೩-೪ ||
ದುಕೂಲಸೌವರ್ಣವಿಭೂಷಣಾನ್ನ-
-ವಸ್ತ್ರಾದಿ ಗಾವೋ ಮಹಿಷಾದಯಶ್ಚ |
ಯದ್ಯಜ್ಜನೈರೀಪ್ಸಿತಮಾಶು ತತ್ತ-
-ತ್ತತ್ಪಾತ್ರತೋ ದೇವಿ ಸಮುದ್ಬಭೂವ || ೩೩-೫ ||
ರೋಗೋ ನ ದೈನ್ಯಂ ನ ಭಯಂ ನ ಚೈವ
ಜನಾ ಮಿಥೋ ಮೋದಕರಾ ಬಭೂವುಃ |
ತೇ ಗೌತಮಸ್ಯೋಗ್ರತಪಃಪ್ರಭಾವ-
-ಮುಚ್ಚೈರ್ಜಗುಸ್ತಾಂ ಕರುಣಾರ್ದ್ರತಾಂ ಚ || ೩೩-೬ ||
ಏವಂ ಸಮಾ ದ್ವಾದಶ ತತ್ರ ಸರ್ವೇ
ನಿನ್ಯುಃ ಕದಾಚಿನ್ಮಿಳಿತೇಷು ತೇಷು |
ಶ್ರೀನಾರದೋ ದೇವಿ ಶಶೀವ ಗಾಯ-
-ತ್ರ್ಯಾಶ್ಚರ್ಯಶಕ್ತಿಂ ಪ್ರಗೃಣನ್ನವಾಪ || ೩೩-೭ ||
ಸ ಪೂಜಿತಸ್ತತ್ರ ನಿಷಣ್ಣ ಉಚ್ಚೈ-
-ರ್ನಿವೇದ್ಯ ತಾಂ ಗೌತಮಕೀರ್ತಿಲಕ್ಷ್ಮೀಮ್ |
ಸಭಾಸು ಶಕ್ರಾದಿಸುರೈಃ ಪ್ರಗೀತಾಂ
ಜಗಾಮ ಸಂತೋ ಜಹೃಷುಃ ಕೃತಜ್ಞಾಃ || ೩೩-೮ ||
ಕಾಲೇ ಧರಾಂ ವೃಷ್ಟಿಸಮೃದ್ಧಸಸ್ಯಾಂ
ದೃಷ್ಟ್ವಾ ಜನಾ ಗೌತಮಮಾನಮಂತಃ |
ಆಪೃಚ್ಛ್ಯ ತೇ ಸಜ್ಜನಸಂಗಪೂತಾ
ಮುದಾ ಜವಾತ್ಸ್ವಸ್ವಗೃಹಾಣಿ ಜಗ್ಮುಃ || ೩೩-೯ ||
ದುಃಖಾನಿ ಮೇ ಸಂತು ಯತೋ ಮನೋ ಮೇ
ಪ್ರತಪ್ತಸಂಘಟ್ಟಿತಹೇಮಶೋಭಿ |
ವಿಶುದ್ಧಮಸ್ತು ತ್ವಯೀ ಬದ್ಧರಾಗೋ
ಭವಾನಿ ತೇ ದೇವಿ ನಮೋಽಸ್ತು ಭೂಯಃ || ೩೩-೧೦ ||
ಚತುಸ್ತ್ರಿಂಶ ದಶಕಮ್ (೩೪) – ಗೌತಮಶಾಪಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.