Read in తెలుగు / ಕನ್ನಡ / தமிழ் / देवनागरी / English (IAST)
<< ಷಡ್ವಿಂಶ ದಶಕಮ್ (೨೬) ಸುರಥ ಕಥಾ
|| ಶತಾಕ್ಷ್ಯವತಾರಮ್ ||
ದೈತ್ಯಃ ಪುರಾ ಕಶ್ಚನ ದುರ್ಗಮಾಖ್ಯಃ
ಪ್ರಸಾದಿತಾತ್ಪದ್ಮಭವಾತ್ತಪೋಭಿಃ |
ಅವೈದಿಕಂ ವೈದಿಕಮಪ್ಯಗೃಹ್ಣಾ-
-ನ್ಮಂತ್ರಂ ಸಮಸ್ತಂ ದಿವಿಷಜ್ಜಯೈಷೀ || ೨೭-೧ ||
ವೇದೇ ಗೃಹೀತೇ ದಿತಿಜೇನ ವಿಪ್ರಾಃ
ಶ್ರುತಿಸ್ಥಿರಾ ವಿಸ್ಮೃತವೇದಮಂತ್ರಾಃ |
ಸಾಂಧ್ಯಾನಿ ಕರ್ಮಾಣ್ಯಪಿ ನೈವ ಚಕ್ರುಃ
ಕ್ಷಿತಿಸ್ತ್ವವೇದಾಧ್ಯಯನಾ ಬಭೂವ || ೨೭-೨ ||
ಹೃತೇಷು ಮಂತ್ರೇಷ್ವಖಿಲೇಷು ಪೂಜಾ-
-ಯಜ್ಞಾದಿ ಭೂಮೌ ನ ಕೃತಂ ಮನುಷ್ಯೈಃ |
ಸುರಾ ಅಶಕ್ತಾಸ್ತದಲಾಭಖಿನ್ನಾ
ದೈತ್ಯೇನ ಯುದ್ಧೇ ಬಲಿನಾ ಜಿತಾಶ್ಚ || ೨೭-೩ ||
ತ್ಯಕ್ತ್ವಾ ದಿವಂ ತೇ ಗಿರಿಗಹ್ವರೇಷು
ನಿಲೀಯ ವರ್ಷಾಣಿ ಬಹೂನಿ ನಿನ್ಯುಃ |
ವೃಷ್ಟೇರಭಾವಾದ್ಧರಣೀ ಚ ಶುಷ್ಕ-
-ಜಲಾಶಯಾ ತರ್ಷನಿಪೀಡಿತಾಽಭೂತ್ || ೨೭-೪ ||
ಸರ್ವೇ ತೃಷಾರ್ತಾಶ್ಚ ಹಿಮಾದ್ರಿಮೇತ್ಯ
ತ್ವಾಂ ಧ್ಯಾನಪೂಜಾನುತಿಭಿರ್ಭಜಂತಃ |
ಪ್ರಸಾದಯಾಮಾಸುರನೇಕಕೋಟಿ-
-ಬ್ರಹ್ಮಾಂಡಕರ್ತ್ರೀಮಖಿಲಾರ್ತಿಹಂತ್ರೀಮ್ || ೨೭-೫ ||
ದೃಷ್ಟಾ ದಯಾರ್ದ್ರಾಕ್ಷಿಶತಾ ತ್ವಮೇಭಿಃ
ಕೃಪಾಶ್ರುವರ್ಷೈರ್ನವರಾತ್ರಮುರ್ವ್ಯಾಮ್ |
ಜಲಾಶಯಾನ್ಪೂರ್ಣಜಲಾಂಶ್ಚಕರ್ಥ
ಜನಾಃ ಶತಾಕ್ಷೀತ್ಯಭಿಧಾಂ ದದುಸ್ತೇ || ೨೭-೬ ||
ಕ್ಷುತ್ಪೀಡಿತಾನಾಂ ಚ ಚರಾಚರಾಣಾಂ
ಸರ್ವತ್ರ ನಾನಾವಿಧಮನ್ನಮಿಷ್ಟಮ್ |
ಸ್ವಾದೂನಿ ಮೂಲಾನಿ ಫಲಾನಿ ಚಾದಾಃ
ಶಾಕಂಭರೀತಿ ಪ್ರಥಿತಾ ತತೋಽಭೂಃ || ೨೭-೭ ||
ದೈತ್ಯಸ್ತು ವಿಜ್ಞಾಯ ಸಮಸ್ತಮಸ್ತ್ರ-
-ಶಸ್ತ್ರೈಃ ಸಸೈನ್ಯಃ ಪ್ರಹರನ್ ವಪುಸ್ತೇ |
ರಣಾಂಗಣೇ ಸಾಯಕವಿದ್ಧಗಾತ್ರಃ
ಸಶಬ್ದಮುರ್ವ್ಯಾಂ ತರುವತ್ಪಪಾತ || ೨೭-೮ ||
ಸ ಚಾಸುರಾತ್ಮಾ ಖಲು ವೇದಮಂತ್ರಾನ್
ಚಿರಂ ಪಠಂಸ್ತ್ವಾಮಭಿವೀಕ್ಷಮಾಣಃ |
ಗತಾಯುರಾವಿಶ್ಯ ಪರಾತ್ಮನಿ ತ್ವ-
-ಯ್ಯವಾಪ ಮುಕ್ತಿಂ ಮಿಷತಾಂ ಸುರಾಣಾಮ್ || ೨೭-೯ ||
ವೇದಾನ್ಹೃತಾನಬ್ಜಭವಾನನೇ ತ್ವಂ
ಪುನಶ್ಚ ನಿಕ್ಷಿಪ್ಯ ಜಗತ್ಸುರಕ್ಷಾಮ್ |
ಕೃತ್ವಾ ನುತಾ ದೇವಗಣೈರ್ನರೈಶ್ಚ
ತುಷ್ಟಾ ತಿರೋಽಭೂಃ ಕರುಣಾರ್ದ್ರನೇತ್ರಾ || ೨೭-೧೦ ||
ಭಕ್ತಸ್ಯ ವೈ ದುರ್ಗತಿನಾಶಿನೀ ತ್ವಂ
ಸುಖಪ್ರದಾ ದುರ್ಗಮಹಂತ್ರಿ ಮಾತಃ |
ದುರ್ಗೇತಿ ನಾಮ್ನಾ ವಿದಿತಾ ಚ ಲೋಕೇ
ವಿಚಿತ್ರರೂಪಾಸ್ತವ ದೇವಿ ಲೀಲಾಃ || ೨೭-೧೧ ||
ಕೋಽಪ್ಯಸ್ತಿ ಚಿತ್ತೇ ಮಮ ದುರ್ಗಮೋಽಯಂ
ಜ್ಞಾತಸ್ತ್ವಯಾ ನೈವ ಮಯಾ ತು ದೇವಿ |
ಯಃ ಸಂತತಂ ದ್ರುಹ್ಯತಿ ಮೇ ತಮಾಶು
ಸಂಹೃತ್ಯ ಮಾಂ ರಕ್ಷ ನಮೋ ನಮಸ್ತೇ || ೨೭-೧೨ ||
ಅಷ್ಟಾವಿಂಶ ದಶಕಮ್ (೨೮) – ಶಕ್ತ್ಯವಮಾನದೋಷಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.