Read in తెలుగు / ಕನ್ನಡ / தமிழ் / देवनागरी / English (IAST)
atha kathamapi madrāsanāṁ tvadguṇalēśairviśōdhayāmi vibhō |
sāmba sadāśiva śambhō śaṅkara śaraṇaṁ mē tava caraṇayugam || 1 ||
ākhaṇḍalamadakhaṇḍanapaṇḍita taṇḍupriya caṇḍīśa vibhō |
sāmba sadāśiva śambhō śaṅkara śaraṇaṁ mē tava caraṇayugam || 2 ||
ibhacarmāmbara śambararipuvapurapaharaṇōjjvalanayana vibhō |
sāmba sadāśiva śambhō śaṅkara śaraṇaṁ mē tava caraṇayugam || 3 ||
īśa girīśa narēśa parēśa mahēśa bilēśayabhūṣaṇa bhō |
sāmba sadāśiva śambhō śaṅkara śaraṇaṁ mē tava caraṇayugam || 4 ||
umayā divyasumaṅgalavigrahayāliṅgitavāmāṅga vibhō |
sāmba sadāśiva śambhō śaṅkara śaraṇaṁ mē tava caraṇayugam || 5 ||
ūrīkuru māmajñamanāthaṁ dūrīkuru mē duritaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 6 ||
r̥ṣivaramānasahaṁsa carācarajananasthitilayakāraṇa bhō |
sāmba sadāśiva śambhō śaṅkara śaraṇaṁ mē tava caraṇayugam || 7 ||
r̥̄kṣādhīśakirīṭa mahōkṣārūḍha vidhr̥tarudrākṣa vibhō |
sāmba sadāśiva śambhō śaṅkara śaraṇaṁ mē tava caraṇayugam || 8 ||
luvarṇadvandvamavr̥ntasukusumamivāṅghrau tavārpayāmi vibhō |
sāmba sadāśiva śambhō śaṅkara śaraṇaṁ mē tava caraṇayugam || 9 ||
ēkaṁ saditi śrutyā tvamēva sadasītyupāsmahē mr̥ḍa bhō |
sāmba sadāśiva śambhō śaṅkara śaraṇaṁ mē tava caraṇayugam || 10 ||
aikyaṁ nijabhaktēbhyō vitarasi viśvambharō:’tra sākṣī bhō |
sāmba sadāśiva śambhō śaṅkara śaraṇaṁ mē tava caraṇayugam || 11 ||
ōmiti tava nirdēṣṭrī māyāsmākaṁ mr̥ḍōpakartrī bhō |
sāmba sadāśiva śambhō śaṅkara śaraṇaṁ mē tava caraṇayugam || 12 ||
audāsyaṁ sphuṭayati viṣayēṣu digambaratā ca tavaiva vibhō |
sāmba sadāśiva śambhō śaṅkara śaraṇaṁ mē tava caraṇayugam || 13 ||
antaḥkaraṇaviśuddhiṁ bhaktiṁ ca tvayi satīṁ pradēhi vibhō |
sāmba sadāśiva śambhō śaṅkara śaraṇaṁ mē tava caraṇayugam || 14 ||
astōpādhisamastavyastai rūpairjaganmayō:’si vibhō |
sāmba sadāśiva śambhō śaṅkara śaraṇaṁ mē tava caraṇayugam || 15 ||
karuṇāvaruṇālaya mayi dāsa udāsastavōcitō na hi bhō |
sāmba sadāśiva śambhō śaṅkara śaraṇaṁ mē tava caraṇayugam || 16 ||
khalasahavāsaṁ vighaṭaya ghaṭaya satāmēva saṅgamaniśaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 17 ||
garalaṁ jagadupakr̥tayē gilitaṁ bhavatā samō:’sti kō:’tra vibhō |
sāmba sadāśiva śambhō śaṅkara śaraṇaṁ mē tava caraṇayugam || 18 ||
ghanasāragauragātra pracurajaṭājūṭabaddhagaṅga vibhō |
sāmba sadāśiva śambhō śaṅkara śaraṇaṁ mē tava caraṇayugam || 19 ||
jñaptiḥ sarvaśarīrēṣvakhaṇḍitā yā vibhāti sā tvaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 20 ||
capalaṁ mama hr̥dayakapiṁ viṣayadrucaraṁ dr̥ḍhaṁ badhāna vibhō |
sāmba sadāśiva śambhō śaṅkara śaraṇaṁ mē tava caraṇayugam || 21 ||
chāyā sthāṇōrapi tava tāpaṁ namatāṁ haratyahō śiva bhō |
sāmba sadāśiva śambhō śaṅkara śaraṇaṁ mē tava caraṇayugam || 22 ||
jaya kailāsanivāsa pramathagaṇādhīśa bhūsurārcita bhō |
sāmba sadāśiva śambhō śaṅkara śaraṇaṁ mē tava caraṇayugam || 23 ||
jhaṇutakajhaṅkiṇujhaṇutatkiṭataka-śabdairnaṭasi mahānaṭa bhō |
sāmba sadāśiva śambhō śaṅkara śaraṇaṁ mē tava caraṇayugam || 24 ||
jñānaṁ vikṣēpāvr̥tirahitaṁ kuru mē gurustvamēva vibhō |
sāmba sadāśiva śambhō śaṅkara śaraṇaṁ mē tava caraṇayugam || 25 ||
ṭaṅkārastava dhanuṣō dalayati hr̥dayaṁ dviṣāmaśaniriva bhō |
sāmba sadāśiva śambhō śaṅkara śaraṇaṁ mē tava caraṇayugam || 26 ||
ṭhākr̥tiriva tava māyā bahirantaḥ śūnyarūpiṇī khalu bhō |
sāmba sadāśiva śambhō śaṅkara śaraṇaṁ mē tava caraṇayugam || 27 ||
ḍambaramamburuhāmapi dalayatyanaghaṁ tvadaṅghriyugalaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 28 ||
ḍhakkākṣasūtraśūladruhiṇakarōṭīsamullasatkara bhō |
sāmba sadāśiva śambhō śaṅkara śaraṇaṁ mē tava caraṇayugam || 29 ||
ṇākāragarbhiṇī cēcchubhadā tē śaragatirnr̥ṇāmiha bhō |
sāmba sadāśiva śambhō śaṅkara śaraṇaṁ mē tava caraṇayugam || 30 ||
tava manvatisañjapataḥ sadyastarati narō hi bhavābdhiṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 31 ||
thūtkārastasya mukhē bhūyāttē nāma nāsti yasya vibhō |
sāmba sadāśiva śambhō śaṅkara śaraṇaṁ mē tava caraṇayugam || 32 ||
dayanīyaśca dayāluḥ kō:’sti madanyastvadanya iha vada bhō |
sāmba sadāśiva śambhō śaṅkara śaraṇaṁ mē tava caraṇayugam || 33 ||
dharmasthāpanadakṣa tryakṣa gurō dakṣayajñaśikṣaka bhō |
sāmba sadāśiva śambhō śaṅkara śaraṇaṁ mē tava caraṇayugam || 34 ||
nanu tāḍitō:’si dhanuṣā lubdhadhiyā tvaṁ purā narēṇa vibhō |
sāmba sadāśiva śambhō śaṅkara śaraṇaṁ mē tava caraṇayugam || 35 ||
parimātuṁ tava mūrtiṁ nālamajastatparātparō:’si vibhō |
sāmba sadāśiva śambhō śaṅkara śaraṇaṁ mē tava caraṇayugam || 36 ||
phalamiha nr̥tayā januṣastvatpadasēvā sanātanēśa vibhō |
sāmba sadāśiva śambhō śaṅkara śaraṇaṁ mē tava caraṇayugam || 37 ||
balamārōgyaṁ cāyustvadguṇarucitāṁ ciraṁ pradēhi vibhō |
sāmba sadāśiva śambhō śaṅkara śaraṇaṁ mē tava caraṇayugam || 38 ||
bhagavanbharga bhayāpaha bhūtapatē bhūtibhūṣitāṅga vibhō |
sāmba sadāśiva śambhō śaṅkara śaraṇaṁ mē tava caraṇayugam || 39 ||
mahimā tava na hi māti śrutiṣu himānīdharātmajādhava bhō |
sāmba sadāśiva śambhō śaṅkara śaraṇaṁ mē tava caraṇayugam || 40 ||
yamaniyamādibhiraṅgairyaminō hr̥dayē bhajanti sa tvaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 41 ||
rajjāvahiriva śuktau rajatamiva tvayi jaganti bhānti vibhō |
sāmba sadāśiva śambhō śaṅkara śaraṇaṁ mē tava caraṇayugam || 42 ||
labdhvā bhavatprasādāccakraṁ vidhuravati lōkamakhilaṁ bhō |
sāmba sadāśiva śambhō śaṅkara śaraṇaṁ mē tava caraṇayugam || 43 ||
vasudhātaddharatacchayarathamaurvīśara parākr̥tāsura bhō |
sāmba sadāśiva śambhō śaṅkara śaraṇaṁ mē tava caraṇayugam || 44 ||
śarva dēva sarvōttama sarvada durvr̥ttagarvaharaṇa vibhō |
sāmba sadāśiva śambhō śaṅkara śaraṇaṁ mē tava caraṇayugam || 45 ||
ṣaḍripuṣaḍūrmiṣaḍvikārahara sanmukha ṣaṇmukhajanaka vibhō |
sāmba sadāśiva śambhō śaṅkara śaraṇaṁ mē tava caraṇayugam || 46 ||
satyaṁ jñānamanantaṁ brahmētyētallakṣaṇalakṣita bhō |
sāmba sadāśiva śambhō śaṅkara śaraṇaṁ mē tava caraṇayugam || 47 ||
hāhāhūhūmukhasuragāyakagītāpadānapadya vibhō |
sāmba sadāśiva śambhō śaṅkara śaraṇaṁ mē tava caraṇayugam || 48 ||
lādirna hi prayōgastadantamiha maṅgalaṁ sadāstu vibhō |
sāmba sadāśiva śambhō śaṅkara śaraṇaṁ mē tava caraṇayugam || 49 ||
kṣaṇamiva divasānnēṣyati tvatpadasēvākṣaṇōtsukaḥ śiva bhō |
sāmba sadāśiva śambhō śaṅkara śaraṇaṁ mē tava caraṇayugam || 50 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau suvarṇamālā stutiḥ sampūrṇā ||
See more śrī śiva stotras for chanting.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.