Read in తెలుగు / ಕನ್ನಡ / தமிழ் / देवनागरी / English (IAST)
( śrī lakṣmī aṣṭōttaraśatanāmāvalī >> )
dēvyuvāca |
dēvadēva mahādēva trikālajña mahēśvara |
karuṇākara dēvēśa bhaktānugrahakāraka |
aṣṭōttaraśataṁ lakṣmyāḥ śrōtumicchāmi tattvataḥ || 1 ||
īśvara uvāca |
dēvi sādhu mahābhāgē mahābhāgyapradāyakam |
sarvaiśvaryakaraṁ puṇyaṁ sarvapāpapraṇāśanam || 2 ||
sarvadāridryaśamanaṁ śravaṇādbhuktimuktidam |
rājavaśyakaraṁ divyaṁ guhyādguhyataraṁ param || 3 ||
durlabhaṁ sarvadēvānāṁ catuṣṣaṣṭikalāspadam |
padmādīnāṁ varāntānāṁ vidhīnāṁ nityadāyakam || 4 ||
samastadēvasaṁsēvyamaṇimādyaṣṭasiddhidam |
kimatra bahunōktēna dēvīpratyakṣadāyakam || 5 ||
tava prītyādya vakṣyāmi samāhitamanāḥ śrr̥ṇu |
aṣṭōttaraśatasyāsya mahālakṣmīstu dēvatā || 6 ||
klīṁ bījapadamityuktaṁ śaktistu bhuvanēśvarī |
aṅganyāsaḥ karanyāsa sa ityādi prakīrtitaḥ || 7 ||
dhyānam –
vandē padmakarāṁ prasannavadanāṁ saubhāgyadāṁ bhāgyadāṁ
hastābhyāmabhayapradāṁ maṇigaṇairnānāvidhairbhūṣitām |
bhaktābhīṣṭaphalapradāṁ hariharabrahmādibhiḥ sēvitāṁ
pārśvē paṅkajaśaṅkhapadmanidhibhiryuktāṁ sadā śaktibhiḥ ||
sarasijanayanē sarōjahastē dhavalatarāṁśukagandhamālyaśōbhē |
bhagavati harivallabhē manōjñē tribhuvanabhūtikari prasīda mahyam ||
ōṁ prakr̥tiṁ vikr̥tiṁ vidyāṁ sarvabhūtahitapradām |
śraddhāṁ vibhūtiṁ surabhiṁ namāmi paramātmikām || 1 ||
vācaṁ padmālayāṁ padmāṁ śuciṁ svāhāṁ svadhāṁ sudhām |
dhanyāṁ hiraṇmayīṁ lakṣmīṁ nityapuṣṭāṁ vibhāvarīm || 2 ||
aditiṁ ca ditiṁ dīptāṁ vasudhāṁ vasudhāriṇīm |
namāmi kamalāṁ kāntāṁ kṣamāṁ kṣīrōdasambhavām || 3 ||
[*kāmākṣīṁ krōdhasambhavām*]
anugrahaparāṁ buddhimanaghāṁ harivallabhām |
aśōkāmamr̥tāṁ dīptāṁ lōkaśōkavināśinīm || 4 ||
namāmi dharmanilayāṁ karuṇāṁ lōkamātaram |
padmapriyāṁ padmahastāṁ padmākṣīṁ padmasundarīm || 5 ||
padmōdbhavāṁ padmamukhīṁ padmanābhapriyāṁ ramām |
padmamālādharāṁ dēvīṁ padminīṁ padmagandhinīm || 6 ||
puṇyagandhāṁ suprasannāṁ prasādābhimukhīṁ prabhām |
namāmi candravadanāṁ candrāṁ candrasahōdarīm || 7 ||
caturbhujāṁ candrarūpāmindirāminduśītalām |
āhlādajananīṁ puṣṭiṁ śivāṁ śivakarīṁ satīm || 8 ||
vimalāṁ viśvajananīṁ tuṣṭiṁ dāridryanāśinīm |
prītipuṣkariṇīṁ śāntāṁ śuklamālyāmbarāṁ śriyam || 9 ||
bhāskarīṁ bilvanilayāṁ varārōhāṁ yaśasvinīm |
vasundharāmudārāṅgāṁ hariṇīṁ hēmamālinīm || 10 ||
dhanadhānyakarīṁ siddhiṁ sraiṇasaumyāṁ śubhapradām |
nr̥pavēśmagatānandāṁ varalakṣmīṁ vasupradām || 11 ||
śubhāṁ hiraṇyaprākārāṁ samudratanayāṁ jayām |
namāmi maṅgalāṁ dēvīṁ viṣṇuvakṣaḥsthalasthitām || 12 ||
viṣṇupatnīṁ prasannākṣīṁ nārāyaṇasamāśritām |
dāridryadhvaṁsinīṁ dēvīṁ sarvōpadravavāriṇīm || 13 ||
navadurgāṁ mahākālīṁ brahmaviṣṇuśivātmikām |
trikālajñānasampannāṁ namāmi bhuvanēśvarīm || 14 ||
lakṣmīṁ kṣīrasamudrarājatanayāṁ śrīraṅgadhāmēśvarīṁ
dāsībhūtasamastadēvavanitāṁ lōkaikadīpāṅkurām |
śrīmanmandakaṭākṣalabdhavibhavabrahmēndragaṅgādharāṁ
tvāṁ trailōkyakuṭumbinīṁ sarasijāṁ vandē mukundapriyām || 15 ||
mātarnamāmi kamalē kamalāyatākṣi
śrīviṣṇuhr̥tkamalavāsini viśvamātaḥ |
kṣīrōdajē kamalakōmalagarbhagauri
lakṣmīḥ prasīda satataṁ namatāṁ śaraṇyē || 16 ||
trikālaṁ yō japēdvidvān ṣaṇmāsaṁ vijitēndriyaḥ |
dāridryadhvaṁsanaṁ kr̥tvā sarvamāpnōtyayatnataḥ || 1 ||
dēvīnāmasahasrēṣu puṇyamaṣṭōttaraṁ śatam |
yēna śriyamavāpnōti kōṭijanmadaridrataḥ || 2 ||
bhr̥guvārē śataṁ dhīmān paṭhēdvatsaramātrakam |
aṣṭaiśvaryamavāpnōti kubēra iva bhūtalē || 3 ||
dāridryamōcanaṁ nāma stōtramambāparaṁ śatam |
yēna śriyamavāpnōti kōṭijanmadaridrataḥ || 4 ||
bhuktvā tu vipulānbhōgānasyāḥ sāyujyamāpnuyāt |
prātaḥkālē paṭhēnnityaṁ sarvaduḥkhōpaśāntayē |
paṭhaṁstu cintayēddēvīṁ sarvābharaṇabhūṣitām || 5 ||
iti śrīlakṣmyaṣṭōttaraśatanāma stōtram |
See more śrī lakṣmī stotras for chanting. See more śrī lakṣmī stōtrāṇi for chanting.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.