Read in తెలుగు / ಕನ್ನಡ / தமிழ் / देवनागरी / English (IAST)
|| hanūmatsandēśaḥ ||
viśēṣēṇa tu sugrīvō hanumatyarthamuktavān |
sa hi tasmin hariśrēṣṭhē niścitārthō:’rthasādhanē || 1 ||
abravīcca hanūmantaṁ vikrāntamanilātmajam |
sugrīvaḥ paramaprītaḥ prabhuḥ sarvavanaukasām || 2 ||
na bhūmau nāntarikṣē vā nāmbarē nāmarālayē |
nāpsu vā gatisaṅgaṁ tē paśyāmi haripuṅgava || 3 ||
sāsurāḥ sahagandharvāḥ sanāganaradēvatāḥ |
viditāḥ sarvalōkāstē sasāgaradharādharāḥ || 4 ||
gatirvēgaśca tējaśca lāghavaṁ ca mahākapē |
pitustē sadr̥śaṁ vīra mārutasya mahātmanaḥ || 5 ||
tējasā vāpi tē bhūtaṁ samaṁ bhuvi na vidyatē |
tadyathā labhyatē sītā tattvamēvōpapādaya || 6 ||
tvayyēva hanumannasti balaṁ buddhiḥ parākramaḥ |
dēśakālānuvr̥ttiśca nayaśca nayapaṇḍita || 7 ||
tataḥ kāryasamāsaṅgamavagamya hanūmati |
viditvā hanumantaṁ ca cintayāmāsa rāghavaḥ || 8 ||
sarvathā niścitārthō:’yaṁ hanūmati harīśvaraḥ |
niścitārthakaraścāpi hanumān kāryasādhanē || 9 ||
tadēvaṁ prasthitasyāsya parijñātasya karmabhiḥ |
bhartrā parigr̥hītasya dhruvaḥ kāryaphalōdayaḥ || 10 ||
taṁ samīkṣya mahātējā vyavasāyōttaraṁ harim |
kr̥tārtha iva saṁvr̥ttaḥ prahr̥ṣṭēndriyamānasaḥ || 11 ||
dadau tasya tataḥ prītaḥ svanāmāṅkōpaśōbhitam |
aṅgulīyamabhijñānaṁ rājaputryāḥ parantapaḥ || 12 ||
anēna tvāṁ hariśrēṣṭha cihnēna janakātmajā |
matsakāśādanuprāptamanudvignā:’nupaśyati || 13 ||
vyavasāyaśca tē vīra sattvayuktaśca vikramaḥ |
sugrīvasya ca sandēśaḥ siddhiṁ kathayatīva mē || 14 ||
sa taṁ gr̥hya hariśrēṣṭhaḥ sthāpya mūrdhni kr̥tāñjaliḥ |
vanditvā caraṇau caiva prasthitaḥ plavagōttamaḥ || 15 ||
sa tatprakarṣan hariṇāṁ balaṁ maha-
-dbabhūva vīraḥ pavanātmajaḥ kapiḥ |
gatāmbudē vyōmni viśuddhamaṇḍalaḥ
śaśīva nakṣatragaṇōpaśōbhitaḥ || 16 ||
atibala balamāśritastavāhaṁ
harivaravikrama vikramairanalpaiḥ |
pavanasuta yathā:’bhigamyatē sā
janakasutā hanumaṁstathā kuruṣva || 17 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē catuścatvāriṁśaḥ sargaḥ || 44 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.